Markos 12

12 Ik.

1Orowa, itak-maukushte-itak ani utara otta ye heashi nisa ruwe ne. Shine ainu anak ne hat toi etoita, nei okari ankura ashte, orowa, orun tonoto kara kuni nishu oma gusu shui ouri, samata, shiniwe chisei kara, aige, toi-kara utara otta eirusa wa oya moshiri orun oman nisa mwe ne. 2Awa, ibe o ush-i epa ita hat toi un nikaop toi-kara utara orowa no uina kuni ne orota shine uitek guru omande nisa ruwe ne. 3Aige, toi-kara utara anak ne shinuma kishima wa shirikik hine nep ka sak no arapare. 4Orowa, shui, naa shine uitek guru nei utara otta aomande, awa, utara anak ne nei guru sapa piri omare hine otta shomo yaikatanu ki ruwe ne. 5Orowa, naa shinen omande, awa, nei utara shinuma raige nisa ruwe ne: orowa, moshima okai inne utara payere; aige, sereke shirikik, sereke ronnu nisa ruwe ne na. 6Toi kon nishpa naa shinen poka koro, omap an poho ne: awa, iyotta okaketa nei utara otta shinuma omande wa :— 7Ku poho ko-oripak nangoro, ari itak. Koroka, toi-kara utara utashpa ene uwe itak-hi :— Tan guru anak ne eikeshkoro gunʼne; hetak, shinuma raige, yak anak ne nei eikeshkoro kunip chi korobe ne kusu ne na, ari itak. 8Tata otta nei utara shinuma kishima wa raige, orowa no, hat toi wano emaka nisa ruwe ne. 9Tambe gusu, hat toi kon nishpa nekon a ki nangora? Shinuma ek wa nei okai toi-kara utara isamka, aige, moshima utara otta nei hat toi koropare kusu ne na. 10Tan chieshinnuye wa an itak ka naa shomo echi orooitak ya? —

Chisei kara utara osura shuma auak,

Nei ambe shikkeu sapaha shuma ne akan nisa ruwe ne:

11Tambe anak ne Utarapa orowa no an ambe ne,

Chi shik samata aenushkarip ne ruwe ne:

sekoro Yesu itak. 12Orowa, utara anak ne Shinuma kishima rusui a koroka, inne utara ko-ishitoma, nisa ruwe ne; Shinuma nei utara epeka no nei itak-maukushte-itak ye shiri ramepakari wa okai ruwe ne gusu ne na; orowa no, nei utara Shinuma moshima no ande wa paye nisa ruwe ne na.

13Orowa no, Shinuma oitaksakte kuni ne utara anak ne Parisee un utara newa Herodian un utara Shinuma orota payere nisa ruwe ne. 14Awa, orota araki chiki Shinuma otta ene itak-hi :— Epakashnu guru, Aokai anak ne sone an gunʼne, nen ne yakka E ko-ishitoma shomoki ruwe ne shiri chi eramʼan: ainu katuhu Aokai esanniyo shomoki no son no newa Kamui ru epakashnu ruwe ne gusu ne na: Kaisaros otta yakuichen koropare-ambe anak ne kashpaotte nei no an ambe ne ya, shomo ya? 15Chi utara anak ne nei ambe sange kunip ne ya, shomo sange yak pirika ya? ari itak. Koroka, Shinuma nei utara kankapkapeka ambe eramʼan wa orota ene itak-hi :— Nep gusu echi En koramnukara ya? Denaria shinep koro wa araki wa En nukare. 16Orowa no, koro wa araki. Tata otta Shinuma nei utara otta ene itak-hi :— Tan nokaha newa kashiketa anuye wa an ikiri inan guru korope ne ruwe he an? sekoro itak. Orota, Kaisaros korope ne ani nei utara ye ruwe ne. 17Tata otta Yesu nei utara otta ene itak-hi :— Kaisaros otta Kaisaros korobe koropare yan, Kamui otta Kamui korobe koropare yan, ari itak. Orowa no, nei utara shi no enushkari nisa ruwe ne na.

18Orowa, hetopo-shiknu ambe isam sekoro ye Saddokai un utara anak ne Yesu otta araki hine uwepekennu wa ene itak-hi :— 19Epakashnu guru, Mose anak ne un gusu kambi-nuye katu ene okai-hi :— Ainu koro ainu iriwak rai wa koro machi hoppa, aige, po sak chiki, rai guru koro ainu iriwak anak ne nei machi koro wa iriwak otta kese kore kuni po hetukure yan, ani ne ruwe ne. 20Arawan ainu uiriwak okai: kiyanne guru machi koro, orowa no po sak no rai: 21tutanu an ainu nei shiwentep koro, aine, po hoppa shomoki no rai: 22nei otutanu an ainu shem korachi; arawan utara po ande shomoki nisa ruwʼe ne. Okaketa nei shiwentep ne yakka rai nisa ruwe ne na. 23Hetopo-shiknu-i ita anak ne nei shiwentep anak nei utara otta inan guru koro machihi ne kusu ne ya? arawa niu machi ne kon nisa ruwe ne gusu ne na. 24Orota Yesu ene itak-hi :— Echi utara anak ne Kamui nuyere kambi-sosh newa Kamui kiroro echi erampeutek wa gusu, tambe gusu, echi ohaita shomoki ruwe he an? 25Rai orowa no hetopo-shiknu ita anak ne mat ahupkara ambe, ainu ahupkara ambe, mat kore, ainu kore i isama; koroka, kando otta an Kamui hauturunbe ukorachi ne ruwe ne. 26Koroka, rai guru hetopo-a-shiknure gusu an ap anak: Mose nuye kambi-sosh kata nei chaha orushpe chieshinnuye wa an ushiketa, nekon a itak ani shinuma orota Kamui ye ya? Naa shomo echi orooitak ya? — Kuani anak ne Abraham koro Kamui ne, Isaak koro Kamui ne, Yakob koro Kamui ne ruwe ne, ari an itak ani Kamui itak nisa. 27Shinuma anak ne rai guru koro Kamui shomo ne, shiknu guru koro Kamui ne ruwe ne: echi utara poron no ohaita ruwe ne na.

28Orowa, kambi-nuye guru shiueu ek, awa, nei utara utashpa uwepekennu shiri nu, samata, Yesu anak ne pirika no nei utara otta ese itak ki sekorʼambe eramʼan koro, orota ene uwepekennu-hi :— Iyotta sapane an ikashpaotte nekon a ambe ne ya, ari itak. 29Yesu ese wa ene itak-hi :— Iyotta sapanep anak ne tambe ne :— Israeru un utara inu yan, Utarapa ne chikoro Kamui anak shine Utarapa ne: 30eani anak sambe osshi wano hemhem, keutum osshi wano hemhem, ramu osshi wano hemhem, orowa, kiroro an pakno hemhem, Utarapa ne e koro Kamui omap yan. 31Nei otutanup anak ne tambe ne: Eani yaikota yaiomap korachi aota un guru omap yan. Tan ikashpaotte kasu no pasep isam ruwe ne. 32Shinuma orota nei kambi-nuye guru ene itak-hi :— Son no poka, Epakashnu guru, Shinuma anak ne shinep ne, orowa, nei Kamui moshima Utarapa isam, ani E ye katu pirikap ne ruwe ne; 33orowa, sambe osshi wano hemhem, ramu an pakno hemhem, kiroro an pakno hemhem, Shinuma ko-omap, samata, yaiomap korachi aota un guru omap ambe anak ne obitta no okai uhuyeka-yangep newa yange kunip kasu no earikinne ikashima an ambe ne na, sekoro itak. 34Orowa, nei guru oramush no ese ruwe ne sekoro Yesu nukara koro, orota ene itak-hi :— Aokai anak ne Kamui moshiri orowa no ehangeko no an shomo ne, ani itak. Orowa no, nei i wano nen ne yakka Yesu otta nepka uwepekennu kuni guru isam ruwe ne na.

35Orowa, Yesu Kamui kora kenru ta epakashnu wa an ita ese wa ene itak-hi :— Hemanda gusu kambi-nuye utara anak ne Kiristo anak Dabid koro poho ne ani itak ya? 36Dabid anak ne yaikota Ashkanne Ramat ani,

Utarapa anak ne ku Utarapa otta, ene itak-hi :—

E epokba utara kata e chikiri aande kunip ne ku kara pakno,

Ku shimon tek samata a,

sekoro itak. 37Dabid yaikota Shinuma Utarapa ani ye; Hemanda gusu koro poho ne ruwe ne ya? Orowa, nei uwatte no an utara anak ne yaikopuntek no Shinuma nunisa ruwe ne.

38Orowa, epakashnu rapoketa ene itak-hi :— Tanne mipihi mi wa apkash rusui, iraugetupa ushiketa ako-rangarap konoburu, 39Uwekarapa chisei ta iyotta sapane set kata, samata marapto an ita iyotta sapane ushiketa rok rusui kambi-nuye utara yaitubare yan; 40nei utara shiyompiyara shiwentep koro chisei isamka, orowa, akoingara kuni gusu tanne inonno-itak ki ruwe ne: nei utara anak ne naa poron no apanakte kusu ne na.

41Orowa, Shinuma anak ne Kamui yange ichen karauto an ushiketa a wa inne utara nei karauto oshiketa ichen omare katu nukara: orowa, inne oteknu utara anak ne poron no omare nisa ruwe ne. 42Awa, shine otek-sak shiyompiyara shiwentep ek wa tu reptos omare nisa ruwe ne, nei ambe anak go rin pakno an ap ne. 43Orowa, Shinuma anak ne koro koikara utara hotuyekara wa orota ene itak-hi :— Son no echi otta Ku ye, nei karauto otta ichen omare guru kasu no tan otek-sak shiyompiyara shiwentep naa poron no omare nisa ruwe ne: 44inambe gusu ne yakun, nei utara anak ne ikashima an ambe orowa no uk wa omare ruwe ne: koroka, tan shiwentep anak otek-sak yakka korobe obitta omare nisa ruwe ne gusu ne na, sekoro itak.

Currently Selected:

Markos 12: AINU

Highlight

Copy