Markos 11

11 Ik.

1Orowa, nei utara Yerusarem newa Betpage newa Betania kotan un Kanran ush nupuri orota karange no araki chiki, Shinuma tu koikara utara omande wa ene itak-hi :— 2Ikushta an kotan orun paye yan: aine, echi ahup korʼan ita nani ainu naa shomo o ashirikote wa an pon roba chikoikip echi nukara kusu ne, nei ambe pita hine nimba wa araki yan. 3Orowa no, nen ka :— Hemanda gusu nei no echi ki ya? ari an itak ani ye guru an yak anak ne, “Utarapa kon rusui, orowa nani teda shui omande kusu ne na,” ari itak yan. 4Orowa, nei utara paye, aine, soita chisei okari un ru otta apa samaketa ashirikote wa an pon roba nukara, awa, pita nisa ruwe ne. 5Orowa, nei ushiketa roshki guru tumugeta okai utara anak ne :— Pon roba pita guru, nep echi ki ya? ari itak. 6Orowa, nei utara Yesu ye korachi itak nisa ruwe ne: awa, aomande ruwe ne. Orowa, nei utara anak ne nei pon roba Yesu otta nimba wa araki, 7aige, kashiketa koro mipi ande; orowa, Shinuma ore nisa ruwe ne. 8Orowa, inne utara anak ne koro mipi ru kata pirasa, samata, moshima utara okim wano uitek otuiba wa piraspa nisa ruwe ne na. 9Orowa, Yesu kotchaot paye utara hemhem, nei osh araki utara hemhem, ene hawe ashte-hi :— Hosanna; Utarapa reihei ani ek gurʼanak ne anunuke ne: 10ek kushki moshiri, ek kushki akoro Michi Dabid korobe anunuke ne: iyotta rikun kando otta Hosanna an na, ari an hawe ani hawe ashte nisa ruwe ne.

11Orowa, Shinuma Yerusarem kotan ta oman wa Kamui kora kenru orun ahun; awa, nep ne yakka otta ekeshne ingara chiki tane shiri-onuman koro nei tun ikashima wa niu tura no Betania kotan orota oman nisa ruwe ne.

12Orowa no, nei shimge toho ta Betania kotan wa soyumba ita, 13Shinuma ibe-rusui, awa, ehangeko no an ushiketa ham o ichijiku chikuni nukara, aige, nepka ibehe ao kuni ramu wa orota ek: awa, otta ek chiki ham moshima nep ne yakka isam ruwe ne; ibe o kuni pa shomo ne ruwe ne gusu ne na. 14Shinuma ese wa nei chikuni otta ene itak-hi :— Nen ne yakka tewa no hembara pakno ne yakka eani orowa no hetuku nikaop iteki ibe yan, ari itak. Nei koikara utara tan itak nu nisa ruwe ne na.

15Orowa, Yerusarem kotan ta araki; awa, Kamui kora kenru orun ahun wa nei oshiketa eihok utara newa hok utara esoyumbare heashi, samata, ichen itasari utara koro set hene, kusuwep eihok utara koro set hene hokushte nisa ruwe ne; 16orowa, nen ne yakka oro-omap ani wa Kamui kora kenru kush wa oman ambe ramuoshma shomoki ruwe ne. 17Orowa, Shinuma epakashnu wa utara otta ene itak-hi :— Ku kot chisei anak ne ingi-moshirʼun utara gusu an inonno-itak chisei ne aporose kusu ne, sekorʼambe chieshinnuye wa an shomoki ruwe he an? Koroka, echi utara anak ne ikka utara chisei ne kan nisa ruwe ne na, ari itak. 18Orowa, Kamui kora kenru esapane utara hemhem, kambi-nuye utara hemhem, nei orushpe nu, awa, Shinuma isamka kuni ika hunara ruwe ne: nei utara Shinuma ko-ishitoma gusu, samata, inne utara obitta nei epakashi eiyokunnure korʼan nisa ruwe ne gusu ne na.

19Orowa, shiri-onuman range nei machiya wano arapa nisa ruwe ne.

20Orowa, kunneiwano shirikush korʼan ita nei ichijiku chikuni shinrit pakno shumumge wa an shiri anukara. 21Petros nei chikuni gusu an orushpe eshkarun wa Shinuma orota ene itak-hi :— Rabbi, ingarʼan, Aokai oitakushi ichijiku chikuni shumumge okere ruwe ne, sekoro itak. 22Yesu ese wa orota ene itak-hi :— Kamui eishokoro yan. 23Son no echi otta Ku ye, nen ne yakka tan nupuri otta, eani auk wa atui oshiketa e aeyapkiri yan, ani an itak ani ye chiki, samata, keutum ta utumashi shomoki no ye itak korachi uwe-a-omare kusu ne sekorʼambe eishokoro yakun, akara kusu ne na. 24Tambe gusu, echi otta Ku ye :— Nep ne yakka echi koro kuni gusu koramkoro wa inonno-itak chiki, obitta nei okaibe echi koro kusu ne ani eishokoro yan, yakun, akore kusu ne na. 25Orowa, kando otta an echi koro Michi anak ne echi koro chikokatpak tusare kuni ne, hembara ne yakka echi roshki wa inonno-itak ki ita moshima guru echi otta ki katpak an yakun tusare yan.

27Orowa, shui shinuma utara Yerusarem kotan ta araki: awa, Yesu Kamui kora kenru upshorota apkash korʼan ita Kamui kora kenru esapane utara newa, kambi-nuye utara newa, ekashi utara tura, Yesu orota araki: 28aige, orota ene itak-hi :— Nep mondum E koro wa gusu tap okaibe E ki ya? Tap okaibe E ki kuni mondum E kore guru nen ne ruwe he an, ari itak. 29Orowa, nei utara otta Yesu ene itak-hi :— Kuani shine itak echi otta Ku nu kusu ne, echi utara En orun ese itak ki yakun, Kuani nep mondum Ku goro wa gusu tap okaibe ki ya echi nure ash kusu ne. 30Yoannes kore baptisma anak ne kando orowa no ekbe ne ruwe, ainu orowa no ekbe ne ruwe? En orun ese yan. 31Orowa, nei utara utashpa upaore wa ene itakhi :— Kando orowa no ekbe ne ani chi ye ko anak ne, yakun, nep gusu echi utara shinuma eishokoro shomoki ya? ari an itak ani Shinuma ye nangoro. 32Koroka, ainu orowa no ekbe ne ani chi ye chiki :— Utara ko-ishitoina: Yoannes anak ne uweingara guru ne ani utara obitta eishokon nisa ruwe ne gusu ne na. 33Orowa, Yesu otta, Chi eramushkare ani ese itak ki nisa ruwe ne. Orota Yesu ene itak-hi :— Nep mondum Ku goro wa gusu tap okaibe Ku ki ya hene shomo echi nure ash na, ari itak.

Currently Selected:

Markos 11: AINU

Highlight

Copy