Mattaios 25
25
25 Ik.
1Kando moshiri anak ne ratchako koro wa shine mat-ahupkara guru ekanok gusu paye wa niu ne hoku-sak shiwentep utara koheraye ruwe ne. 2Ashikne niu anak ne wayashnu ne, ashitnen anak ne wayasap ruwe ne. 3Inambe gusu ne yakun, wayasap utara anak ne ratchako koro wa paye ita, shum amba shomoki nisa ruwe ne: 4koroka, wayashnu utara anak ratchako tura shum op amba ruwe ne. 5Awa, mat-ahupkara guru moire wa gusu, nei utara obitta rubotke wa mokon ruwe ne. 6Aige, an noshike pakita, ingarʼan mat-ahupkara guru ek an na, hetak, hopumba wa ekanok gusu soyumba wa araki yan, ari an hawe anu ruwe ne. 7Tata otta, nei hoku-sak shiwentep utara obitta hopumba wa koro ratchako kan nisa ruwe ne. 8Awa, wayasap utara anak ne wayashnu utara otta ene itak-hi :— Chi kon ratchako tane oraitek gusu, echi koro shum pon no un kore, ari itak. 9Koroka, wayashnu utara ese wa ene itak-hi :— Echi paye wa echi eiwange kunip hok yan: ikineipeka echi okai hemhem chi okai hemhem eipak shomoki nangon na, sekoro itak. 10Orowa, nei utara shum hok gusu paye wa isam rapoketa, mat-ahupkara guru shirepa nisa ruwe ne; aige, iyetokooiki wa okai utara anak ne nei shuke iwai gusu mat-ahupkara guru tura ahup ruwe ne: orowa, apaushta aashi nisa ruwe ne. 11Okaketa moshima okai wayasap utara ne yakka araki wa ene itak-hi :— Utarapa, Utarapa, chi utara gusu apa maka wa un kore, ari itak. 12Koroka, nei utara otta shinuma ese wa ene itak-hi :— Son no echi otta ku ye; 13echi eramushkare ash na, ari itak. Tambe gusu shiruwande yan; inambe gusu ne yakun, tobo ne yakka pakihi ne yakka echi erampeutek ruwe ne gusu ne na.
14Shui, ene ani ne :— Shine ainu oya moshiri ta oman, aine, otta koro usshiune utara hotuyekara wa, yaikota korobe shikkashimare nisa ruwe ne. 15Awa, shinen otta ashikne taranton kore, shinen otta tup kore, shinen otta shinep kore; nei utara pishno okai ki no an mondum ramepakari wa koropare nisa ruwe ne, orowa, payekai wa oman ruwe ne. 16Ashikne taranton akore gurʼanak ne nani nei ambe koro wa ani iraugetupa hine naa ashiknep epirika nisa ruwe ne. 17Tup akore guru ne yakka oman wa naa tup epirika nisa ruwe ne. 18Koroka, shine taranton akore gurʼanak ne oman wa toitoi ohori hine kon nishpa koro ichen nuina nisa ruwe ne na. 19Ohon no shirʼan ko anak ne nei ausshiunere utara kon nishpa ek wa tura no ukosanniyo nisa ruwe ne. 20Awa, ashikne taranton akore gurʼanak ne naa moshima ashiknep koro wa ek wa ene itak-hi :— Nishpa, ashikne taranton e en kore, awa, naa moshima okai ashiknep ku epirika nisa ruwe ne na, sekoro itak. 21Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak. 22Orowa, tup akore guru ne yakka ek wa ene itak-hi :— Utarapa, tu taranton e en kore, awa, naa tup ku epirika nisa ruwe ne. 23Otta kon nishpa ene itak-hi :— Pirika, ikipniukesh wa pirika usshiune guru; pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak. 24Orowa, shine taranton akore guru ne yakka ek wa ene itak-hi :— Utarapa, aokai anak ne keutum yupke guru a ne wa etoita shomoki ushike wa nange ruwe ne, 25e chari shomoki ushike wa umomare ruwe ne, sekoro ku eramu an, awa, ku ishitoma wa oman hine e koro taranton toi tumta ku nuina nisa ruwe ne; ingarʼan, e korope a koro an na, ari itak. 26Koroka, otta kon nishpa ese wa ene itak-hi :— Wen newa toranne usshiune guru, ku etoita shomoki ushike wa ku nange, orowa, ku chari shomoki ushike wa ku umomare sekoro e eramu an, 27awa, tambe gusu, ku goro ichen ginko otta e omare kunip ne, aige, ku ek ita ku korope risoku tura auk eashkai mwe ne. 28Tambe gusu, nei guru koro shine taranton uk wa, wanbe toro guru otta kore yan. 29Inambe gusu ne yakun, nen ne yakka koro guru otta akore kusu ne, aige, shinuma nuye an no koro: koroka, koro shomoki guru orowa no korobe poka auk kusu ne na. 30Tan raka isam usshiune guru kishima wa soita an kunne ushike un eyapkiri yan: nei ita anak ne chish hemhem niyorokara hemhem an kusu ne na.
31Koroka, Ainu Poho anak ne koro arakuru newa Kamui hauturunbe obitta tura no ek ita anak ne, nei ita Shinuma arakuru oma araset kata a kusu ne: 32orowa, moshiri uirup obitta Shinuma kotchaketa uweakarapare kusu ne: orowa, hitsuji chikoikip pungi anak ne yangi chikoikip tumuge wano hitsuji usaare torachi, nei utara ne yakka ausaare kusu ne: 33orowa, oshimon samta hitsuji are, koroka, ohariki samta yangi are kusu ne. 34Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan: 35inambe gusu ne yakun, Ku ibe rusui, awa, echi En ibere: Ku iku rusui, awa, echi En ikure: 36oya guru Ku ne, awa, echi kot chisei ta En ahunde; Ku atusa, awa, echi En mire: tashum Ku ki, awa, echi En hotanukara: ipakashnu chisei ta Ku 37an, awa. En orota echi araki nisa ruwe ne na. Nei ita anak ne oupeka utara ese wa ene itak kusu ne-hi :— Utarapa, hembara Aokai ibe rusui ruwe chi nukara wa E ibere ash ya? Hembara E iku rusui ruwe chi nukara wa E ikure ash ya? 38Orowa, hembara, Aokai anak ne oya guru a kopa ash wa chisei otta E ahunde ya? Shui, hembara E atusa ruwe chi nukara wa E imire ya? 39Orowa, hembara E tashum ruwe hene, ipakashnu chisei otta E an wa hotanu kara gusu araki ash ya? 40Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na. 41Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan: 42inambe gusu ne yakun, Ku ibe rusui, awa, echi En ibere shomoki: Ku iku rusui, awa, echi En ikure shomoki: 43oya guru Ku ne, awa, echi kot chisei orun En ahunde shomoki: atusa, awa, echi En mire shomoki: Ku tashum hene ki, ipakashnu chisei ta Ku an, awa, echi En hotanukara gusu araki shomoki nisa ruwe ne gusu ne na. 44Orowa no, nei utara ese wa ene itak kusu ne-hi :— Utarapa, E ibe rusui hemhem ki, E iku rusui hemhem ki, E oya guru ne hemhem, E atusa hemhem, E tashum hemhem, ipakashnu chisei ta E an-i hemhem, hembara chi nukara wa E otta yaishieiwangere shomoki nisa ruwe he an? 45Tata otta Shinuma ese wa ene itak kusu ne-hi :— Tan okai utara tumuge un iyotta pon guru otta shomo echi ki nisa ruwe ne gusu, En otta echi iki shomoki nisa ruwe ne, sekoro itak. 46Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.
Currently Selected:
Mattaios 25: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
