Mattaios 24
24
24 Ik.
1Orowa, Yesu anak ne Kamui kora kenru orowa no soine wa oman shiriki, aine, koikara utara araki wa nei Kamui kora kenru akara ambe orota nukare nisa ruwe ne na. 2Koroka, nei utara otta Shinuma ese wa ene itak-hi :— Tan okaibe echi nukara shomoki ya? Son no echi otta Ku ye, — Tan ukata okai shomo ahachire kusu ne a shuma anak ne shine shuma poka shomo aande kusu ne na.
3Orowa, Shinuma Kanran-ush nupuri kata a wa an rapoketa, koikara utara arorokishne no orota araki wa ene itak-hi :— Tan okaibe hembara ta hetuku ya? orowa, E ek kuni shirosh hemhem, moshiri shiokere kuni gusu an shirosh hemhem, nekon a an shirosh ne ya? un nure wa un kore, ari itak. 4Yesu ese wa nei utara otta ene itak-hi :— Inan guru orowa no ne yakka iteki echi kokandama kuni ne yaitubare yan. 5Inambe gusu ne yakun, inne utara Ku reihei ye hine araki wa :— Kuani anak ne Kiristo ku ne, ari itak, aine, inne utara ru turainure kusu ne. 6Orowa, tumi-koro orushpe hene tumi pahau hene echi nu kusu ne: iteki kimatek no okai yan: inambe gusu ne yakun, tap okaibe anak ne hetuku gusu ne ap ruwe ne: koroka, shiokere-hi anak ne naa shomo ruwe ne. 7Uirup anak ne uirup kotumi koro, moshiri anak ne moshiri kotumi-koro kusu ne: orowa, usa okai kotan ta kemush hene iki, shirishimoye bene an kusu ne. 8Koroka, obitta tan okaibe anak ne nuwap an kuni-i atpake ne ruwe ne. 9Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta, no okai uirup orowa no echi aepokba an kusu ne. 10Orowa, nei ita anak ne inne utara ureepetchiu, aige, utashpa uwe-ekoshi, utashpa uwe-etunne kusu ne. 11Orowa, inne shunge uweingara utara hopuni wa poron no okai utara ru turainure kusu ne. 12Samata, wenbe aporore an kusu ne gusu, inne utara koro omap-i nin kusu ne. 13Koroka, okese pakno yaishiporore gurʼanak ne kashi-a-obiuki kusu ne. 14Orowa, obitta no okai uirup utara orota an paweteshu ne gusu, ingi-nroshiri ta tan moshiri gusu an pirika orushpe aeupaskuma kusu ne; orowa, shiokere ambe anak ne ek tusu ne na.
15Tambe gusu uweingara guru ne Danieru ani ayere aetunne iwendep nei ashkanne ushita ash shiri echi 16nukara chiki (orooitak guru ramepakari yan) Yudea ta okai utara nupuri orun kokira: 17chisei kata an guru chisei otta okaibe uina gusu iteki ran: 18orowa toi otta an guru hokannashi mip uk gusu iteki hoshipi yan. 19Koroka nei ita honkoro guru newa tononde utara yaisambepokash humi! 20Orowa, echi kira-i anak ne iteki mata otta hene Shini toho ta hene an kuni koramkoro yan: 21moshiri heashi wano tane pakno, orowa, te wano hembara pakno ne yakka isam pakno nei ita anak ne poro aeramuchuptekbe hetuku kusu ne na. 22Orowa, nei toho ataknere shomoki chiki anak ne, nen ne yakka shomo kashi a-obiuki ruwe ne a an na: koroka, anumge wa okai utara gusu nei toho ataknere kusu ne. 23Orowa, nei ita Kiristo anak ne teda an, toada an sekoro echi otta ye guru an chiki, iteki eishokoro yau. 24Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne. 25Ingarʼan, etoko wano tap echi nure ash na. Tambe gusu, shinuma anak ne nupuri kata an sekoro nei utara echi otta ye chiki: 26iteki paye: orowa, ingarʼan, chisei onnaigeta an tumbu ta an, sekoro echi otta ye chiki, iteki eishokoro yan. 27Inambe gusu ne yakun, imeru anak ne moshiri-pa wano hetuku wa moshiri-gesh pakno anukara korachi; 28Kamui poho ek katu ene ani ne. Neita ne yakka kaisei an ita anak ne nei ita kapachiri kouwekarapa kusu ne na. 29Koroka, nei toho ta hetuku aeramuchuptekbe nani okaketa, tokap chup akunnere, kunne chup koro pekere atte shomoki, nochiu chup anak ne kando orowa no rapapse, orowa, kando kiroro ashuyeshuyere kusu ne: 30orowa, Ainu Poho koro shirosh kando otta anukara kusu ne: orowa no moshni otta okai moshirʼun utara obitta yaituwashkarap, orowa, kiroro newa poro nupeki koro wa kando nishkuru kata o wa ek 31Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.
32Ichijiku chikuni gusu an shine itak-maukushte itak nu yan: koro ni-tek tane hapuru wa ham hetukure yak anak ne, sak ehange ruwe ne sekoro echi eraman; 33tap korachi echi utara ne yakka tan okaibe obitta nukara chiki, Shinuma ehange no an, apa samaketa an sekoro echi onnere yan. 34Son no echi otta Ku ye, tap ambe obitta auweomare pakno tane okai ainu ikiri isam shomoki kusu ne. 35Kando newa toi anak ne aisamka kusu ne, koroka, Ku itak anak aisamka shomoki kusu ne na. 36Koroka, nei toho newa pakihi eraman guru isam, kando otta okai hauturumbe ka erampeutek, Poho ne yakka eramu an shomoki, ouse Michi patek eramʼan ruwe ne. 37Orowa, Noa toho an korachi Ainu Poho ek pakihi ne yakka ene ani ne. 38Inambe gusu ne yakun, pe-san etokota Noa chip otta ahun pakno utara anak ne ibe wa okai iku wa okai, 39mat akore hoku akore wa okai wa pe-san hetuku wa nei utara obitta isamka pakno nei utara erampeutek korachi, 40Ainu Poho ek pakihi ene ani ne. Nei ita anak ne tu ainu toi otta okai wa shinen auk shinen aande kusu ne: 41tu shiwentep nishu otta uta, shinen auk shinen aande kusu ne. 42Tambe gusu shiruwande yan: echi koro Utarapa inan toho ta ek ya echi erampeutek ruwe ne gusu ne na. 43Koroka, tambe echi onnere yan: ikka guru inan pakihi pakita ek ya sekoro chisei kon nishpa eraman chiki, shiruwande wa koro chisei iteki aopattekka kuni ne kan nangon na. 44Tambe gusu echi utara ne yakka etokooiki wa okai yan; inambe gusu ne yakun, echi esanniyo shomoki pakihi ta Ainu Poho ek kusu ne. 45Chisei koro guru koro chisei epunginere ausshiunere kipniukesh wayashnu utara nen ne ruwe he an? Nei utara otta nei pakihi epa ita aep koropare kusu ne. 46Kon nishpa ek ita nei no iki guru nukara chiki anunuke ne ruwe ne. 47Son no echi otta Ku ye, nishpa anak ne koro wa okaibe obitta nei guru esapanere kusu ne. 48Koroka, wen ausshiunere guru keutumu ta ku kon nishpa ek moire ari ye; 49aige, tura no okai auitek utara shirikik, orowa, ihoshki utara tura no ibe hemhem ki iku hemhem ki chiki, 50nei usshiune guru esanniyo shomoki toho ta, ek kuni aramu shomoki pakihi ta kon nishpa ek wa nei guru shiri shirikik, 51orowa, kankapkapeka utara tura no eimekbe koropare kusu ne: nei ita anak ne chish hemhem niyorokara hemhem an kusu ne na.
Currently Selected:
Mattaios 24: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018