Mattaios 22
22
22 Ik.
1Orowa, Yesu ese wa shui itak-maukushte itak ani nei utara otta ene ye-hi :— 2Kando moshiri anak ne 3koro poho gusu shuke iwai kara moshiri esapane guru koheraye ruwe ne, nei marapto otta araki kuni ahotuyepakara utara tak gusu ausshiunere utara payere ruwe ne: koroka, araki nukuri nisa ruwe ne. 4Shui, Shinuma moshima okai ausshiunere utara payere wa ene itak-hi :— Ingarʼan, kuani ku marapto etokooiki okere: ku beko hemhem mimush chikoikip hemhem aronnu, nep ne yakka etoko-a-oiki an okere: shuke iwai orota araki yan, ari ahotuyepakara utara otta itak yan, ani ye. 5Koroka, nei utara anak ne nei ambe isaika no esanniyo wa paye, kot toi otta oman guru an, iraugetupa gusu oman guru ka an, 6orowa, moshima okai utara nei ausshiunere utara kishima wa wen no epeka hine ronnu nisa ruwe ne. 7Koroka, moshiri esapane guru irushka wa tumi-koro topaha payere wa nei teuk utara isamka yara, orowa, koro machiya uhuyekare nisa ruwe ne. 8Orowa, koro usshiunere utara otta ene ye-hi :— Shuke iwai anak ne etoko-a-oiki an okere, koroka, orota ahotuyepakara utara araki kuni upak utara shomo ne ruwe ne. 9Tambe gusu, ru eukopi ushita paye wa nen ne yakka echi nukara guru obitta shuke iwai otta tak yan. 10Orowa, nei ausshiunere utara ru orun paye wa nen ne yakka nukara guru, pirika guru hene wen guru hene uwekarapare: aige, marapto urokte utara inne nisa 11ruwe ne na. Koroka, aurokte utara nukara gusu moshiri esapane guru ahun chiki; marapto eshiyuk amip shomo mi wa an guru nukan ruwe ne; awa, 12orota ene itak-hi :— Katairotke guru, nekon a e iki wa marapto eshiyuk amip shomo mi no eteun e ahun nisa ruwe he an? ari itak. Orowa, nei guru mo no an ruwe ne. 13Tata otta moshiri esapane guru anak ne koro uitek utara otta ene itak-hi :— Tan guru chikiri newa 14teke echi tupetupe wa soita an kunne-i otta eyapkiri yan; nei ita chish hemhem niyorokara hemhem an kusu ne. Inne utara ahotuyepakara wa okai, koroka, anumge utara moyo ruwe ne gusu ne na.
15Orowa no Parisee un utara paye wa Shinuma ye itak ani oitaksakte kuni eukoramkon nisa ruwe ne. 16Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na. 17Tambe gusu, nekon a E yainu ya? Un nure wa un kore, — Kaisaros otta yatu koropare-i anak ne oupeka ambe ne ya? Shomo ne ya? 18Un nure wa un kore, ari itak. Koroka, Shinuma nei utara wen koro ambe eraman wa otta ene itak-hi :— Echi kankapkapeka utara, hemanda gusu echi En koramnukara ya? 19Yaku koropare kuni ichen En nukare yan. Nei utara shine denarion koro wa araki nisa. 20Orota Shinuma ene itak-hi :— Tan nokaha newa kashiketa anuye wa an ikiri nen korope ne ruwe he an? Kaisaros korope ne shinuma utara ye nisa ruwe ne. 21Orowa, nei utara otta Shinuma ene itak-hi :— Tambe gusu Kaisaros otta Kaisaros korope koropare yan; Kamui korope anak ne Kamui otta yange yan, ari itak. 22Nei utara tan itak nu chiki iyokunnure wa Shinuma moshima no okai hine paye nisa ruwe ne. 23Nei toho ta hetopo-shiknu-ambe isam ari ye Saddokai un utara Shinuma orota araki wa uwepekennu hine ene itak-hi :— 24Epakashnu guru, po sak no ainu rai chiki koro iriwak nei machihi ahupkara wa iriwak otta kese kore kuni po hetukure yan, ari Mose itak nisa ruwe ne. 25Tap, ainu uiriwak ara wa niu okai; awa, kiyanne guru mat ahupkara, orowa no rai ruwe ne; po sak gusu koro akihi otta machihi hoppa nisa ruwe ne; 26tutanu an ainu ne yakka nei no iki, naa otutanu an ainu hemhem arawan uotutanu an ainu pakno hemhem nei no iki nisa ruwe ne. 27Ainu uiriwak obitta rai wa isam okaketa nei a shiwentep ne yakka rai okere. 28Tambe gusu, hetopo-shiknu ita anak ne nei shiwentep arawa niu otta inan guru machihi ne ruwe? Obitta kon nisa ruwe ne gusu ne na, ari itak. 29Koroka, nei utara otta Yesu ese wa ene itak-hi :— Echi utara anak ne, Kamui kambi-sosh newa Kamui mondum erampeutek wa gusu ohaita ruwe ne. 30Inambe gusu ne yakun, hetopo-shiknu ita anak ne mat ahuptara ambe hoku ahupkara ambe, mat akore ambe hoku akore ambe isam ruwe ne, koroka, kando otta an Kamui hauturumbe ukorachi ne ruwe ne. 31Koroka, rai guru hetopo-shiknu ambe gusu anak, — 32Kuani anak ne Abraham koro Kamui ne, Isaak koro Kamui ne, Yakob koro Kamui Ku ne ruwe ne, ari Kamui ye itak echi oro-oitak shomoki ruwe he an? Kamui anak ne rai guru koro Kamui shomo ne, koroka, ishu guru koro Kamui ne ruwe tapan na. 33Inne utara tan itak nu chiki, Shinuma koro epakashi koenushkari nisa ruwe ne na.
34Koroka, Shinuma anak ne Saddokai un utara hau more ruwe ne sekoro Parisee un utara nu chiki yaiuwekarapare nisa ruwe ne. 35Awa, Kamui tuitak pita guru shinen Shinuma koramnukara hine uwepekennu wa ene itak-hi :— 36Epakashnu guru, tuitak tumugeta pase ikashpaotte inambe ne ruwe he an? sekoro itak. 37Orota Shinuma ene itak-hi: Eani sambe osshi pakno hemhem, keutum osshi pakno hemhem, ramu an pakno hemhem, Utarapa ne e koro Kamui omap yan. 38Tambe anak pase newa hoshiki no an ikashpaotte ne ruwe ne. 39Tutanu an ap anak ne tambe nei no an ruwe ne, Eani yaikota yaiomap korachi aota un guru ne yakka omap yan. 40Tan tu ikashpaotte kata tuitak newa uweingarape obitta akopashte wa okai ruwe ne.
41Orowa, Parisee un utara uwekarapa wa okai rapoketa Yesu shine uwepekennu-i nu wa ene itak-hi :— 42Kiristo gusu echi nekon a yainu? Shinuma inan guru koro poho ne ya? Aige, Dabid poho ne sekoro nei utara ye nisa ruwe ne. 43Orota Shinuma ene itak-hi :—
Yakun, E epokba utara e chikiri choropoketa ku ande pakno,
Ku shimon tek samata a,
Ani Utarapa anak ne ku Utarapa otta ye,
44sekorʼan itak ani nep gusu Dabid anak ne ramat oshiketa koro poho epeka no Utarapa ani reikore ya? 45Dabid anak ne Shinuma Utarapa ani ye chiki, nekon 46a iki wa gusu koro poho ne ya? Orowa shine itak ani poka ese eashkai guru shinen ka isam, aige, nei toho wano Shinuma otta uwepekennu eashkai guru shinen ka isam nisa ruwe ne na.
Currently Selected:
Mattaios 22: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
