Roukos 5

5 Ik.

1Orowa no, inne utara Shinuma eurarapa wa Kamui itak nu koran ita, Shinuma Gennesaret to samta ash wa an; 2awa, nei to samta tu chip an wa an shiri Shinuma nukara: chep koiki utara anak chip orowa no yap wa ya huraye koro okai nisa ruwe ne. 3Orowa, Shinuma Simon koro shine chip otta ahun, aige, ya orowa no pon no oputuye kuni koramkon nisa ruwe ne. Aige, Shinuma a hine chip otta an kane inne utara epakashnu nisa ruwe ne. 4Orowa, Shinuma itak okere chiki — Ooho ushike orun chip oputuye wa chep rup koiki gusu ya are yan — ani Simon otta ye nisa ruwe ne. 5Orota Simon ese wa ene itak-hi :— Nishpa, anchikara ebitta chi monraige ash, awa, eomken ruwe ne, koroka, E ye itak an gusu ya ku are kusu ne, ari itak. 6Orowa, nei no ki chiki poro chep rupihi ya ekarire nisa ruwe ne: aige, koro ya pereke korʼan ruwe ne: 7tambe gusu, moshima an chip otta okai tura no ikichi utara araki wa ikashiu kuni ne otta inishuk. Orowa no, shinuma utara araki chiki nei tu chip ren heashi pakno shikte nisa ruwe ne. 8Tata otta, Simon Petros tap ambe nukara chiki Yesu koro kokka samaketa hepokiki wa ene itak-hi — Aa Utarapa, chikokatpak guru ku ne ruwe ne gusu, en orowa no oyakta oman wa en kore, sekoro itak. 9Inambe gusu ne yakun, Simon newa tura no okai utara nei akoiki chep rup eoyamokte ruwe ne gusu ne na; 10naa samata, Simon tura un utara Zebedee poho Yoannes newa Yakob ne yakka enushkari nisa ruwe ne. Orowa, Simon otta Yesu ene itak-hi :— Iteki ishitoma yan; te wano eani ainu utara koiki kusu ne, sekoro itak. 11Orowa no, nei utara ya oro pakno koro chip yange chiki, obitta no okaibe hoppa wa Yesu osh paye nisa ruwe ne.

12Orowa, shinuma nei utara koro shine machiya otta an ita, munin tashum eshik no an guru shinen an; awa, shinuma Yesu nukara chiki nanu koshiri kata hachire wa Shinuma koramkoro wa ene itak-hi :— Utarapa, Aokai ramuoshma yakun en ashkannere eashkai ruwe ne, ani itak. 13Orowa, Shinuma tekehe turi wa nei guru tomooshma wa, Ku ramuoshma, e ashkannere ash na, ari itak. Orowa no, nani nei munin tashum anak ne shinuma ande nisa ruwe ne. 14Aige, nen ne yakka iteki nure kuni ne Shinuma kashpaotte: koroka, e oman wa Kamui kora kenru esapane guru otta yainukare, samata, nei utara otta paweteshu ne gusu Mose eikashpaotte nei no e aash-kannere gusu an ayangep yange yan, ari itak. 15Koroka, Yesu assuru anak ne naa ashte, awa, nu gusu hene, katchakbe aiwangere gusu hene, inne topaha utara Shinuma otta araki nisa ruwe ne. 16Koroka, Shinuma utatʼtumuge wa yai-shietaye wa kimta oman wa inonno-itak ki nisa ruwe ne.

17Nei i shine an toho ta Shinuma epakashnu wa an; awa, Gariraya moshirʼun kotan ebitta orowa no hemhem, Yudea moshiri orowa no hemhem, Yerusarem machiya orowa no hemhem araki Parisee un utara newa kashpaotte epakashnu utara Shinuma samaketa rok wa okai: orowa, Shinuma anak ne tashum isamka kuni gusu an Utarapa kiroro Shinuma tura an nisa ruwe ne na. 18Orowa no, utara anak ne shotki kata hotke wa an tusushke tashum ki guru shinen ani wa araki hine kotchaketa ande kuni gusu chisei otta ahunge rusui ruwe ne. 19Koroka, utara inne wa otta ahunge kuni ushike nukara shomoki gusu chisei kitaigeta hemesu wa atarape kata hotke wa an gusu rik orowa no Yesu kotchaketa range nisa ruwe ne. 20Orowa koro eishokor-i Shinuma nukara chiki — Ainu, e koro chikokatpak atusare wa an na — ari itak. 21Tata otta, Parisee un utara newa kambi-nuye utara upaore heashi wa ene itak-hi :— Tan Kamui koatchap ye guru nen ne ya? Kamui moshima anak chikokatpak tusare eashkaibe inan guru ne ruwe he an? ani itak. 22Koroka, Yesu nei upaore ambe eramʼan wa orota ese wa ene itak-hi :— Nep gusu echi utara keutura ta upaore ki ya? 23E koro chikokatpak atusare wa an sekorʼan itak ye newa e hopuni wa apkash yan sekorʼan itak ani ye ambe anak ne inambe ye katu isaika ruwe he an? 24Koroka, Ainu Poho shiri kata an wa chikokatpak tusare nrondum koro wa an ani an ambe echi eramʼan kuni gusu (tusushke tashum ki guru otta ene itak-hi) — E otta Ku ye, hopuni wa koro atarape ani hine e uni un oman yan, ari itak. 25Tata otta nei guru anak ne nani utara kotchaketa hopuni wa kata hotke an ap ani wa Kamui ko-oripak hine koro uni ta oman nisa ruwe ne. 26Orowa no, nei utara obitta shi no enushkari wa Kamui ko-oripak ruwe ne; samata, earikinne ishitoma hine :— Tanto aehomatup chi nukan nisa ruwe ne na, ari itak.

27Tap okaibe okere chiki Shinuma nei i orowa no oman ruwe ne; awa, Yaku ichen uk kuni chisei ta a wa an Yaku-etaye Rebi ani aye guru nukara; aige, orota :— En osh ek yan — ani itak. 28Orowa, shinuma obitta no okaibe are wa hopuni hine Shinuma osh oman nisa ruwe ne. 29Orowa, Rebi anak ne koro chisei ta Shinuma gusu poro marapto kan ruwe ne: awa, inne topaha ne Yaku-etaye utara hemhem, moshima okai utara hemhem, tura no rok wa marapto ibe korʼan nisa ruwe ne. 30Aige, Parisee un utara newa koro kambi-nuye utara anak ne Shinuma koikara utara otta oromam wa ene itak-hi :— Hemanda gusu echi utara anak ne Yaku-etaye utara newa katpak koro utara tura ibe hemhem ki iku hemhem ki ya? 31Orota Yesu ese wa ene itak-hi :— Iwange no okai utara anak ne potara guru irannakka ne, ouse tashum an guru patek potara guru kon rusui ruwe ne. 32Kuani anak ne oupeka utara yaikokatpakte gusu Ku ek ka shomoki, katpak koro utara yaikokatpakte kuni gusu Ku ek nisa ruwe ne na, ari itak. 33Orota nei utara ene itak-hi :— Yoannes koro koikara utara anak ne kanna-kanna shomo ramnu hene ki, inonno itak hene ki ruwe ne; Parisee un utara koro koikara utara ne yakka nei no ki ruwe ne; koroka, E koro koikara utara anak ibe hemhem ki iku hemhem ki wa okai ruwe ne. 34Orota Yesu ene itak-hi :— Mat-ahupkara guru an rapoketa tura no okai ikatairotke utara shomo ibe shomo iku kuni kire eashkai ruwe he an? 35Koroka, nei mat-ahupkara guru auk toho ek, nei toho ta shinuma utara shomo ibe shomo iku hemhem ki kusu ne na. 36Orowa, Shinuma nei utara otta shine itak-maukushte-itak ne yakka ye nisa ruwe ne. Ashiri amip orowa no humihi mesu wa ani fushko anrip otta utapke guru isam ruwe ne, nei no ki yak anak ne ashiri anrip mesu, naa samata, ashiripe anak ne fushkop gusu oupak shomo ne ruwe ne. 37Orowa, fushko kapubukuru orota ashiri tonoto omare guru isam, nei no ki yak anak ne ashiri tonoto pukuru patke, orowa, tonoto aohetu, pukuru ne yakka awende kusu ne. 38Koroka, ashiri tonoto ashiri kapu-pukuru otta aomare kusu ne ap ruwe ne. 39Orowa, hekai tonoto iku guru anak ne ashiripe kon rusui shomoki: hekaibe pirika ruwe ne, ari nei guru ye ruwe ne gusu ne na.

Currently Selected:

Roukos 5: AINU

Highlight

Copy