Matiu Amaniyesuma hɔna anaazu wia
Amaniyesuma hɔna anaazu wia
Nɛra banaazuu sɛbi Yeesu de dui ni u siu wia. Baabuu Matiu, Maak, Luuk ani Jɔɔn. Bɛl maa sɛbi Yeesu wiarɛ gunla un nawɛɛ.
Amaniyesuma Matiu N Sɛbɛɛrɛ Keŋ
Hɔnnaa biini wia
Matiu faa ra nyiŋŋuu nɛra zum lugɔ Yeesuu Lɛɛri la Kɔraawiizi n ŋɔ nua lugɔ u daŋ hum u wa lɛɛ u nɛra la. U ra bagli gunla Kɔraawiizi n ga u dɔgtɛɛzi benii di ŋɔ U Ni U Nɛra Nuukpaŋbinii Dɔɔi Hɔŋ la biini, n wa ɛɛ wibii, Yeesu balaa saŋa la wiarɛ. Di kaa ra bagli Yeesu lulaa, u de dui, u siu ani u siu biini izaa wia. U ra bagluu lugɔ a waa amaniyesuma ɛɛwɛ tɛɛ Jus hina bɛŋ, ka a ɛɛ amaniyesumaa tɛɛ durnya hina maa.
Matiu a bagli ŋmɛnizi la Yeesu n faa gawɛɛ ra bagli nɛraa. Giŋgimii Nyuu Baglaa la. Matiu Hɔŋ bɔra 5—7. U hiŋra fidibanɛɛ baglaa. Matiu Hɔŋ bɔra 10. Kɔraawiizi Kora wia sɛɛliizi. Matiu Hɔŋ bɔra 13. Yeesu hiŋaa baglaa. Matiu Hɔŋ 18. Durnya tuna baglaa. Matiu Hɔŋ bɔra 24—25.
Currently Selected:
Matiu Amaniyesuma hɔna anaazu wia: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.