Malakai 4
4
Kɔraawiizi Hɔpizii wia
1Kɔraawiizi Fɔŋŋa Maa Hiŋ la ŋɔwɔɔrɛ, “Wibii maa, Kɔraawiizi Hɔpizii la ra bau. U danna haahri alugɔ ninzeŋ. Barabara hina ni wichɔgɛɛra maa daŋ ɛɛ lugɔ kɔlaa. A hɔl hiŋ ba daŋ du baa niŋ, ba yemmaa wàá ka ka.#Luuk 3:17 2Ka ii banla n na tɔgzi n sɔŋ lawaa, wideŋlaa daŋ lii ii be di dɔɔ fɔŋŋa alugɔ wiizi n futtɛ di ta naazi la n na chaa nɛra. Ii daŋ lii di zaahzi ra chiiri alugɔ baŋ ɔɔ pilli nabizi a lii lig biini, di zaahzi ra chiiri jorob jorob la.#Jɔɔn 12:46 3Denii ii fɛrgi biinikpola hina dau, ba ɛɛ lugɔ hɔɔhri ii naapaala biine, hɔpizii la min niŋ ɛɛ a wia naa. Mìŋ́ Kɔraawiizi Fɔŋŋa Maa Hinnɛ ŋɔ guŋ.
4Ií ra liizi n balii Moosis Gbɔgni ni widaulaa la miŋ kpawɛɛ tɛu Bizeŋ Sinaai nyuu, ú tɛɛ Izrɛl hina maa la.
5Ií ra nuu! N daŋ hum n dɔgtɛɛ Ɛlija ii be mɔɔ, ka mìŋ́ Kɔraawiizi Hɔpizizeŋ la wia n dɔɔ ɔnsii werge la ba.#Mala 3:1 #Mat 11:14; Maak 9:11-12; Luuk 1:17 6U daŋ bir mɛɛwaa bampiree du ba biizi ni, biizi ge hora bir du ba mɛɛwaa ni. Di guŋ lɛi, n daŋ see a hɛri nua, ú chɔgi.”
Currently Selected:
Malakai 4: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
