Гелип чыкыш 26

26-нҗы бап

Ысхак Герарда месген тутяр

1Юрда Ыбрайымың дөврүндәки ялы башга бир ачлык дүшди. Ысхак Герара, пилиштлилериң шасы Абымелегиң янына гитди. 2-3Реб Ысхага гөрнүп, оңа шейле дийди: «Сен Мүсүре гитмән, Мениң саңа гөркезҗек юрдумда гелмишек болуп яшабер. Мен сениң билен боларын ве сени ялкарын. Шу юрды тутушлыгына Мен саңа хем сениң неслиңе берҗекдирин ве атаң Ыбрайыма эден вадамы ерине етирҗекдирин. 4-5Ер йүзүниң әхли миллетлери сениң несиллериңден пата аларлар. Ыбрайымың Маңа гулак асандыгы, Мениң өзүне берен буйрукларымы, табшырыкларымы, дүзгүнлерими ве канунларымы ерине етирендиги үчин, Мен сениң несиллериңи асман йылдызлары дей көпелдерин. Бу юрды тутушлыгына Мен сениң несиллериңе берерин».

6Шейдип, Ысхак Герарда дүшледи. 7Ол ериң адамлары Ысхакдан онуң аялы хакында соранда, ол «бу мениң аялым» диймәге горкуп, олара «бу мениң аял доганым» дийди. Ысхак Ребека себәпли бу ериниң халкы өзүни өлдүрер өйдйәрди, чүнки Ребека җуда оваданды. 8Онуң бу ерде яшап йөренине эсли вагт болупды. Бир гүн пилиштлилериң патышасы Абымелек, Ысхагың аялы Ребека билен ойнашып дурандыгыны пенҗиреден гөрди. 9Абымелек Ысхагы өз янына чагырып, оңа: «Бу сениң аялың ахырын! Сен нәме үчин оңа „аял доганым“ дийдиң?» дийип сорады. Ысхак Абымелеге: «Ол мениң аялым дийсем, мен өлдүрилерин өйтдүм» дийип җогап берди. 10Абымелек оңа: «Нәме үчин сен бейтдиң? Бизиң адамларымыздан бири сениң аялыңа янашаян болса, онда сен бизи гүнә гоярдың» дийди. 11Соңра Абымелек: «Шу адама я-да онуң аялына дегениң башы өлүмлидир» дийип, тутуш халка дуйдурыш берди. 12Ысхак ол юртда экин экип, шол йылда хем йүз эссе артык бугдай хасылыны алды, чүнки Реб оны ялкапды. 13Ысхак гитдигисайы баяп, дөвлетли адам болды. 14Онуң сүри-сүри овнуклы-ирили маллары ве көп санлы хызматкәрлери барды. Шол себәпли хем пилиштлилер Ысхага гөрүбилмезчилик этдилер. 15Какасы Ыбрайымың өз дөврүнде гулларына газдыран әхли гуюларыны пилиштлилер топракдан долдурып, гөмүп ташладылар. 16Онсоң Абымелек Ысхага: «Бу ерден гит, чүнки сен бизден зор чыкдың» дийди. 17Ысхак ол ерден гидип, Герар җүлгесине барып, шол ерде чадырыны дикип орнашды. 18Ысхак какасы Ыбрайымың дөврүнде газылып, ол өленден соң пилиштлилер тарапындан гөмлен гуюлары тәзеден газып, олары какасының дакан атлары билен атландырды. 19-20Эмма Ысхагың гуллары җүлгеде гуйы газып, ол ерде бир гөзбашыны тапанларында, Герарың чопанлары «сув бизиңки» дийип, Ысхагың чопанлары билен давалашдылар. Шейдип, Ысхак гуйыны Эсек#26:19-20 Эсек – бу сөз бәсдешлик диймеги аңладяр. дийип атландырды, чүнки олар Ысхак билен бәсдешлик этдилер. 21Соңра олар башга бир гуйы газдылар. Ол-да давалы болды. Ол гуйыны Ысхак «Ситна»#26:21 Ситна – бу сөз душманчылык диймеги аңладяр. дийип атландырды. 22Ысхак ол ерден гөчди ве ене-де бир гуйы газды, йөне оңа дава эден болмады, шол себәпден хем ол: «Ахырсоңы Реб бизе гиң мейдан берди, инди биз бу юртда өрңәрис» дийип, соңкы гуйының адына Рехобот#26:22 Рехобот – бу сөз гиңлик диймеги аңладяр. дакды. 23Ысхак ол ерден Беершеба гитди. 24Шол гиҗе Реб Ысхага гөрнүп: «Мен сениң атаң Ыбрайымың Худайыдырын. Горкма, Мен сениң билен биледирин. Мен Өз гулум Ыбрайымың хатырасына саңа пата берерин хем сениң неслиңи көпелдерин» дийди. 25Ысхак ол ерде гурбанлык сыпасыны ясап, Реббе ыбадат этди. Шол ерде чадырыны дикди. Онуң гуллары болса гуйы газдылар. 26Онсоң Ысхагың янына Герардан Абымелек, Абымелегиң маслахатчысы Ахузат хем онуң харбы серкердеси Пикол гелди. 27Ысхак олара: «Сиз мени йигренип, өз юрдуңыздан ковуп гойберип, ене мениң яныма гелйәрмисиңиз?» дийди. 28-29Олар Ысхага шейле җогап бердилер: «Реббиң сениң билен биледигине бизиң гөзүмиз етди. Шоңа гөрә бизиң саңа ягшылыкдан башга хич зат этмән, эл гатман, сени парахатлык билен гойберишимиз ялы, сениң-де бизе яманлык этмезлигиң үчин өзара ант ичишип, шертнама баглашалы дийдик. Инди Реб сени ялкасын». 30Ысхак мыхманлары хеззетледи. Олар ийип-ичдилер. 31Олар ир билен туруп, өзара ант ичишдилер. Ысхак олары угратды. Мыхманлар Ысхагың янындан разы болуп гайтдылар. 32Шол гүн Ысхагың хызматкәрлери онуң янына гелип, өз газан гуюлары хакында оңа гүррүң бердилер. Олар Ысхага: «Биз сув тапдык» дийдилер. 33Ысхак гуя «Шеба»#26:33 Шеба – бу сөз ант диймеги аңладяр. дийип ат дакды. Шоңа гөрә-де бу галаның адына шу гүнки гүне ченли Беершеба#26:33 Беершеба – бу сөз ант гуюсы диймеги аңладяр. дийлип гелинйәр.

Ысавың кесеки аяллары

34Ысав кырк яшына етенде, хет Беериниң гызы Ехудыт ве хет Эйлоның гызы Босмата өйленди. 35Бу гелинлер Ысхак билен Ребеканы җанындан доюрдылар.

Currently Selected:

Гелип чыкыш 26: TukCyr16

Highlight

Copy