Гелип чыкыш 25

25‑нҗи бап

Ыбрайымың өлүми

1Ыбрайым ене-де Кетура атлы бир аяла өйленди. 2Кетура Ыбрайыма Зимраны, Ёкшаны, Меданы, Мидяны, Йишбакы ве Шуваны догруп берди. 3Ёкшандан Шеба ве Дедан догулды. Дедандан ашурлар, латушлар ве лагумлар дөреди. 4Мидяның огуллары: Эйпа, Эпер, Ханок, Абыда ве Элдага. Буларың хеммеси Кетураның несиллериди.

5Ыбрайым өзүниң әхли эмләгини Ысхага берди. 6Гырнак аялларындан болан огулларына болса Ыбрайым өзи дирикә совгатлар берип, олары Ысхакдан айрып, гүндогар топрагына иберди.

7-8Ыбрайым йүз етмиш бәш йыл өмүр сүрүп, гаррап, өз дурмушындан разы болуп, дүнйәден өтди ве ата-бабаларына говушды. 9-10Огуллары Ысхак билен Ысмайыл Ыбрайымы Макпела говагында, хет Сохарың оглы Эпроның мүлкүнде, Мамрәниң гүндогарында ерлешйән Ыбрайымың хетлерден сатын алан еринде җайладылар. Шунлукда, Ыбрайым билен онуң аялы Сара икиси-де шол ерде җайланды. 11Ыбрайым өленден соң Худай онуң оглы Ысхагы ялкады. Ысхак Беер-лахайройың голайында дүшледи.

Ысмайылың несиллери

12Ыбрайымың аялы Сараның Хаҗар атлы мүсүрли гырнагы барды. Ыбрайымың бу гырнак аялындан болан оглы Ысмайылың несиллери шулардыр. 13-15Улудан кичә Ысмайылың огулларының атлары шунуң ялыдыр: новбахар оглы Небаёт, соңра Кедар, Адбеел, Мибсам, Мишма, Дума, Маса, Хадат, Тейма, Етур, Напыш ве Кедема. 16Шулар Ысмайылың несиллериниң обаларына ве дүшелгелерине гөрә атларыдыр. Олар он ики тиребашыдырлар. 17Ысмайыл йүз отуз еди йыл өмүр сүрүп, дүнйәден өтди ве ата-бабаларына говушды. 18Ысмайылың несиллери Ашур тарапда, Мүсүриң голайында, Хавыладан Шура ченли болан аралыкда яшадылар. Олар Ыбрайымың бейлеки несиллеринден айра яшадылар.

Ысав ве Якуп

19Ыбрайымың оглы Ысхагың несиллери шулардыр. 20Ысхак Ребека өйлененде, ол кырк яшындады. Ребека Паданарамдакы месопотамиялы Бетувелиң гызы, месопотамиялы Лабаның аял доганыды. 21Ребекадан перзент өнмейәрди. Ысхак аялы үчин Реббе дилег этди. Реб Ысхагың дилегини эшитди ве Ребека гөврели болды.

22Гөвредәки экиз чага бири-бири билен итеклешйәрди. Ребека: «Нәме үчин бу эҗир мениң башыма дүшди?» дийип, Ребден сорады.

23Реб оңа шейле җогап берди:

«Гөврәңде ики миллет бар,

сенден ики бәсдеш халк дөрәр.

Бири бейлекисинден рүстем чыкар,

улусы кичисине гул болар».

24Вагты долуп, Ребека экиз огул догурды. 25Оларың илкинҗи догланының йүзи гызыл ве тени эдил поссун гейнен ялы түйлекди. Оңа Ысав#25:25 Еврейче Ысав ве түйлек сөзлериниң айдылышы меңзешдир. дийип ат гойдулар. 26Соңра онуң өкҗесинден япышып, экиз тайы дүнйә инди. Шонуң үчинем онуң адына Якуп#25:26 Еврейче Якуп ве өкҗесинден япышяр сөзлериң айдылышы меңзешдир. Бу җүмле ол алдаяр диймеги хем аңладяр. Серет: Гчк 27:36. дакдылар. Чагалар догланда, Ысхак алтмыш яшындады.

27Огланлар улалып, Ысав өкде авчы ве мейдан адамы, Якуп болса юваш хем өйдечи адам болуп етишди. 28Ысхак Ысавы сөййәрди, чүнки Ысхак онуң гетирйән ав этлерини халаярды. Ребека болса Якубы сөййәрди.

29Гүнлериң бир гүни Якуп мерҗимек чорбасыны биширип йөркә, Ысав гаты ядав хем ач халда мейдандан гелди. 30Ол Якуба: «Гызыл, шол гызыл чорбаңдан маңа-да берсене. Мен ач өлдүм» дийди. (Шол себәпден хем оңа Эдом#25:30 Еврейче Эдом ве гызыл сөзлериниң айдылышы меңзешдир. дийип ат дакдылар.) 31Якуп оңа: «Илки өз новбахар огуллык хакыңы маңа сат» дийди. 32Ысав: «Мен ачлыгымдан өлүп барярын, новбахар огуллык хакы мениң нәмәме деркар» дийди. 33Якуп оңа: «Онда ант ич» дийди. Ысав ант ичип, өз новбахар огуллык хакыны Якуба сатды. 34Якуп Ысава нан хем гызыл мерҗимек чорбасыны берди. Ысав ийип-ичип боландан соң, туруп гитди. Ине, шейдип, Ысав өзүниң новбахар огуллык хакына бипервай гарады.

Currently Selected:

Гелип чыкыш 25: TukCyr16

Highlight

Copy