Mapisarema 109
109
Davidi unokumbira kuti ʋaʋeŋgi ʋake ʋatukwe asi iye arwirwe.
Kumutuŋgamiriri wokuimba. Pisarema raDavidi.
1Regai kunyarara, Mŋari wokurumbidza kwaŋgu;
2Nokuti ʋakandishamisira muromo wowakaipa, ʋuye muromo unonyeŋgedzera;
Ʋakandireʋa norurimi runenhema.
3Ʋakandikomba ʋo namashoko embeŋgo,
Ʋakarwa neni pasinemhoȿa.
4Pakuʋaɗa kwaŋgu ʋaʋa ʋadziʋisi ʋaŋgu;
Asi ini ndinonyeŋgetera haŋgu.
5Ʋakanditsiʋira ɀakaipa paneɀakanaka, ɀandakaʋaitira,
Nembeŋgo pakuʋaɗa kwaŋgu.
6Isai munhu wakaipa aʋe ishe wake;
Mudziʋisi ŋgaamire paruʋoko rwake rworudyi.
7Kana acitoŋgwa, ŋgaapiwe mhoȿa;
Munyeŋgetero wake ŋgaushandurwe ɀiʋi.
8Mazuʋa ake ŋgaaʋe mashoma;
Mumŋe ŋgaatore ɓasa rake.
9Ʋana ʋake ŋgaʋaʋe nherera,
Ʋuye mukadzi wake ŋgaaʋe cirikadzi.
10Ʋana ʋake ŋgaʋaʋe ʋadzuŋgairi, naʋapemhi;
Ŋgaʋatȿake ɀokudya kure namatoŋgo aʋo.
11Waakadyirwa cikwerete ŋgaatore ɀose ɀaanaɀo;
Ʋatorwa ŋgaʋapambe ɀose ɀaakaɓatira.
12Ŋgakushaikwe munhu unomunzwira ŋgoni;
Ŋgakushaikwe munhu unetsitsi nenherera dzake.
13Ʋana ʋake ŋgaʋaroʋe;
Zita raʋo ŋgaridzimŋe parudzi runoteʋera.
14Ɀakaipa ɀamadziɓaɓa ake ŋgaɀiraŋgarirwe naJehova;
Ɀiʋi ɀamai ʋake ŋgaɀirege kudzimŋa.
15Ŋgaɀirambe ɀiri pamberi paJehova ŋguʋa dzose,
Kuti aparadze kuraŋgarirwa kwaʋo pasi.
16Nemhaka yokuti haana‐kuraŋgarira kunzwira ŋgoni,
Asi wakatambudza murombo nomushaiwi,
Nounomŋoyo wakaputsika, kuti aʋaʋuraye.
17Ɀirokwaɀo, kutuka ndiɀo ɀaakaɗa, ɀikaʋuya ʋo kwaari;
Kukomborera haana‐kukufarira kukagara kure naye.
18Wakaɀifukidza ʋo nokutuka, ɀikaita seŋguʋo yake,
Ɀikapinda mukati make semvura,
Samafuta mumafupa ake.
19Ŋgaɀiʋe kwaari secisimiro caanoɀifukidza naco,
Segwaraɗa raakaɀisuŋga naro ŋguʋa dzose.
20Uyu ndiwo muɓairo waʋadziʋisi ʋaŋgu, unobva kunaJehova,
Nowaʋanotaurira mŋeya waŋgu ɀakaipa.
21Asi imi Jehova Ishe, ndiitirei ɀakanaka nokuɗa kwezita renyu;
Ŋgoni dzenyu ɀadzakanaka, ndirwirei.
22Nokuti ndiri murombo nomushaiwi,
Nomŋoyo waŋgu wakakuʋadzwa mukati maŋgu.
23Ndaenda somumvuri wareɓa;
Ndapepereswa semhashu.
24Mabvi aŋgu haacinesimba nokuɀinyima ɀokudya;
Nyama yaŋgu yawonda nokushaiwa mafuta.
25Ndaʋa ʋo cinhu cinoɀidzwa naʋo;
Kana ʋacindiʋona ʋanodzuŋgudza misoro yaʋo.
26Ndiɓatsirei, Jehova, Mŋari waŋgu;
Ndiponesei neŋgoni dzenyu.
27Kuti ʋaziʋe kuti ndirwo ruʋoko rwenyu;
Kuti imi Jehova, ndi’mi makaɀiita.
28Ŋgaʋatuke haʋo, asi imi ropafa dzai;
Kana ʋacisimuka, ʋacanyadziswa, asi muranda wenyu ucafara kwaɀo.
29Ʋadziʋisi ʋaŋgu ŋgaʋafukidzwe nokunyadziswa,
Ŋgaʋaɀifukidze nokunyara kwaʋo sejasi.
30Ndicaʋoŋga Jehova kwaɀo nomuromo waŋgu;
Ɀirokwaɀo, ndicamurumbidza pakati paʋazhinji.
31Nokuti iye ucamira kuruʋoko rworudyi rwomushaiwi,
Kuti amuponese panaʋanotoŋga mŋeya wake.
Currently Selected:
Mapisarema 109: SUB1949
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1949, 2018
