Ɀireʋo 30
30
Ɀireʋo ɀaAguri.
1Mashoko aAguri, mŋanakomana waJake; cireʋo cake.
Murume unoti kunaItieri, kunaItieri naUkari:
2Ɀirokwaɀo, ndiri ɓenzi kupfuʋura ʋanhu ʋose;
Handinenjere dzomunhu.
3Handina‐kudzidza ʋucenjeri,
Ʋuye handineziʋo yoMutȿene.
4Ndiani wakakwira kuɗeŋga, akaɓuruka ɀe?
Ndiani wakaʋuŋganidza mhepo mucanza cake?
Ndiani wakasuŋgira mvura muŋguʋo yake?
Ndiani wakasimbisa migumo yose yenyika?
Zita rake ndiani, nezita romŋanakomana wake, kana uciriziʋa?
5Shoko rimŋe nerimŋe raMŋari rakanatswa;
Ndiye nhoʋo yaʋose ʋanoʋanda maari.
6Usawedzera pamashoko ake,
Kuti arege kukupa mhoȿa, uwanikwe unenhema.
7Ɀinhu ɀiʋiri ndakakumbira kwamuri;
Musandiramba iɀo, ndisati ndafa.
8Bvisai kure neni ɀisina‐kutendeka nenhema;
Regai kundipa ʋurombo kana fuma;
Mundigutse neɀokudya ɀakandifanira;
9Ndirege kuti kana ndaguta, ndikurambei, ndiciti: Jehova ndianiko?
Kana ɀimŋe ndiʋe murombo, ndiɓe,
Ndimhure zita raMŋari waŋgu.
10Rega kuʋudzisira muranda kunatenzi ʋake,
Arege kukutuka, ukanzi unemhoȿa.
11Rudzi ruri’ko runotuka ɓaɓa ʋarwo,
Rusiŋgaropafadzi mai ʋarwo.
12Rudzi ruri’ko runoti pakuʋona kweɗu takacena kwaɀo,
Asi rusina‐kunatswa patȿina yarwo.
13Rudzi ruri’ko, meso arwo anamanyawi sei!
Mafuŋgiro ameso aʋo akakwidzwa.
14Rudzi ruri’ko, meno arwo akafanana neminondo, nameno eshaya dzarwo samapaŋga,
Kuti rupedze ʋarombo panyika, naʋanoshaiwa pakati paʋanhu.
15Cikweʋa‐ropa cinaʋakunda ʋaʋiri, ʋanoti: Ndipe! Ndipe!
Ɀinhu ɀitatu ɀiri’ko ɀisiŋgatoŋgoguti,
Ɀinna ɀisiŋgatoŋgoti: Ɀariŋgana!
16Sheori; neciɀaro cisiŋgaɓereki;
Pasi pasiŋgaguti mvura;
Nomŋoto, usiŋgati: Ɀariŋgana!
17Ziso rinoseka ɓaɓa,
Rinoshoʋora kuterera mai,
Makuŋguʋu omupata acarinoŋgora,
Ʋana ʋegondo ʋacaridya.
18Ɀinhu ɀitatu ɀiri’ko ɀinondishamisa,
Ɀirokwaɀo ɀinna, ɀandisiŋgaziʋi, ɀinoti:
19Kufamba kwegondo muɗeŋga;
Kufamba kwenyoka paruware;
Kufamba kwecikepe pakati peguŋgwa;
Nokufamba kwomurume nomusikana.
20Ndiɀo ɀakaita kufamba kwomukadzi woʋupombge;
Unodya, ndokupisika muromo wake,
Aciti: Handina‐kuita cinhu cakaipa.
21Nyika inoɗeɗera nokuɗa kweɀinhu ɀitatu;
Ʋuye nokuɗa kweɀinna ɀaisiŋgaɗi kuʋona:
22Nokuɗa kwomuranda kana acizoʋa mambo;
Nokuɗa kweɓenzi, kana raguta ɀokudya;
23Nokuɗa kwomukadzi warambga, kana azowanikwa;
Ʋuye mushandiri, kana azoʋa mugari wenhaka yatenzi wake.
24Ɀinhu ɀinna ɀiri’ko panyika ɀiɗuku haɀo,
Asi ɀakacenjera kwaɀo, ɀinoti:
25Mujuru, rudzi rusinesimba harwo;
Kunyaŋge ɀakaɗaro unoʋuŋganidza ɀokudya ɀawo muzhezha;
26Mbira, rudzi rusinesimba harwo,
Kunyaŋge ɀakaɗaro dzinoita imba yadzo mumatombo;
27Mhashu hadzinamambo,
Kunyaŋge ɀakaɗaro dzinofamba ɀakanaka dziciita mapoka;
28Cipfira uŋgaciɓata namaʋoko ako,
Kunyaŋge ɀakaɗaro ciri mudzimba dzamadzimambo.
29Ɀinhu ɀitatu ɀiri’ko ɀinokufamba kunokudzwa,
Ɀirokwaɀo ɀinna ɀinokufamba kunokudzwa, ɀinoti:
30Shumba, mhare pakati pemhuka dzose,
Isiŋgatizi mhuka ipi neipi;
31Nemhuka ineɀiʋuno ɀakasimba, nenhoŋgo yembudzi;
Namambo kana anaʋarwi ʋake.
32Kana uciŋge waita noʋupenzi, waɀikudza,
Kana ɀimŋe waraŋgarira ɀakashata,
Fumbira muromo wako.
33Nokuti mukaka waroɀwa unoɓuɗisa mafuta,
Nemhino dzadɀinyiwa dzinoɓuɗisa ropa,
Saiɀoɀo hasha dzaʋambga dzinoɓuɗisa kukakaʋara.
Currently Selected:
Ɀireʋo 30: SUB1949
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1949, 2018
