Ʋatoŋgi 14

Samsoni unowana mukadzi. Cirabge cake.

1Ɀino Samsoni wakaɓurukira Timna, akaʋona paTimna mukadzi pakati paʋakunda ʋaʋaFiristia. 2Akakwira akandoʋudza ɓaɓa ʋake namai ʋake, akati: Ndaʋona mukadzi paTimna pakati paʋakunda ʋaʋaFiristia; naiɀoɀo ɀino nditorerei iye, aʋe mukadzi waŋgu. 3Ipapo ɓaɓa ʋake namai ʋake ʋakati kwaari: Ko pakati paʋakunda ʋehama dzako, kana pakati paʋanhu ʋaŋgu ʋose, hapanomukadzi here, ɀowoɗa‐kundoɀitorera mukadzi pakati paʋaFiristia ʋasina‐kudziŋgiswa? Samsoni akati kunaɓaɓa ʋake: Nditorerei iye, nokuti unondifadza kwaɀo. 4Asi ɓaɓa ʋake namai ʋake haʋana‐kuziʋa kuti ɀakaŋga ɀicibva kunaJehova, nokuti wakaŋga acitȿaka mhaka yokurwa naʋaFiristia. Ɀino neŋguʋa iyo ʋaFiristia ʋakaŋga ʋakaɓata Israeri.

5Ɀino Samsoni wakaɓurukira Timna naɓaɓa ʋake namai ʋake, ʋakaȿika paminda yemizambiriŋga paTimna; ʋonei mŋana weshumba ukamuʋombera. 6Ipapo Mŋeya waJehova wakaʋuya pamsoro pake nesimba guru, akaibvambura sembudzana; ɀino wakaŋga asinecinhu muruʋoko rwake; asi haana‐kuʋudza ɓaɓa ʋake kana mai ʋake ɀaakaŋga aita. 7Akaɓuruka, akandotaura nomukadzi, iye akafadza Samsoni kwaɀo. 8Ɀino ŋguʋa yakati yapfuʋura, akadzoka kuzomutora, akatsauka kuzoʋona citunha ceshumba, ndokuʋona ɓumha renyuci mucitunha ceshumba, noʋuci. 9Akabgutora namaʋoko ake, akaenda acidya; akaȿika kunaɓaɓa ʋake namai ʋake, akaʋapa ʋakadya ʋo; asi haana‐kuʋaʋudza kuti wakaŋga aɓura ʋuci mucitunha ceshumba. 10Ƃaɓa ʋake ʋakaɓurukira kumukadzi, Samsoni akagadzira’po mutambo, nokuti majaya aisiita saiɀoɀo. 11Ɀino ʋakati ʋacimuʋona, ʋakaʋuya neshamŋari dzinamakumi matatu kuzoʋa naye. 12Samsoni akati kwaʋari: Ndikutaurirei cirabge ɀino; kana mukagona kundiɗudzira ico pamazuʋa manomŋe omutambo, mukawana ɗudziro yaco, ini ndicakupai ŋguʋo dzomuceka dzinamakumi matatu, nehanzu dzakanaka dzinamakumi matatu. 13Asi kana musiŋgagoni kundiɗudzira ico, imi mucafanira kundipa ŋguʋo dzomuceka dzinamakumi matatu, nehanzu dzakanaka dzinamakumi matatu. Iʋo ʋakati kwaari: Citaura hako cirabge cako, ticinzwe. 14Akati kwaʋari:

Cokudya cakaɓuɗa kumudyi,

Ʋuye ɀinotapira ɀakaɓuɗa kunounesimba.

Asi ʋakaŋga ʋasiŋgagoni kuɗudzira cirabge ico namazuʋa matatu. 15Ɀino nezuʋa recinomŋe ʋakati kumukadzi waSamsoni: Nyeŋgetedza murume wako, atiɗudzire cirabge, tirege kukupisa nomŋoto, iwe naʋeimba yaɓaɓa ʋako; makatiɗana kuti mutitorere ɀatinaɀo kanhi? Ndiɀo here? 16Ipapo mukadzi waSamsoni wakacema kumurume wake, akati: Unondiʋeŋga hako, haundiɗi; wakataurira ʋana ʋaʋanhu ʋangu cirabge, asi hauna‐kundiʋudza ico ini. Akati kwaari: Tarira, handina‐kuciʋudza ɓaɓa ʋaŋgu kana mai ʋaŋgu; ɀino ndiŋgakuʋudza ico iwe here? 17Akaramba acicema kwaari mazuʋa manomŋe paŋguʋa yomutambo; ɀino nezuʋa recinomŋe akamuʋudza, nokuti wakamutambudza kwaɀo; ipapo akandoʋudza ʋana ʋaʋanhu ʋake cirabge ico. 18Nezuʋa recinomŋe zuʋa ricigere kuʋira, ʋarume ʋeguta ʋakati kwaari: Ko cinotapira kukunda ʋuci cinyi? Ʋuye cinesimba kukunda shumba cinyiko? Iye akati kwaʋari:

Ƌai musina‐kurima netsiru raŋgu,

Hamuzaiwana cirabge caŋgu.

19Mŋeya waJehova akaʋuya pamsoro pake nesimba guru, akaɓurukira Ashkeroni, akaʋuraya ʋarume ʋanamakumi matatu kwaʋari, akatora ŋguʋo dzaʋo, akandopa ʋakaɗudzira cirabge hanzu dzaʋo dzakanaka. Asi kutsamŋa kwake kwakaŋga kwamutswa kwaɀo, akadzokera kumba kwaɓaɓa ʋake. 20Asi mukadzi waSamsoni akapiwa shamŋari yake, wakaŋga amuperekedza.

Currently Selected:

Ʋatoŋgi 14: SUB1949

Highlight

Copy