Aesea 52
52
Hae God bambae i sevem taon ya Jerusalem
1 #
Rev 21.2,27 Bakegen, profet i talem long ol man Jerusalem* se,
“Olgeta.
!Yufala i no slip!
!Yufala i wekap!
!Taon ya i mas kam strong bakegen!
!Hem i mas kam wan nambawan taon bakegen!
!Hem i taon blong Hae God!
!Hem i tabu, i blong hem nomo!
!Yufala i mas flasemgud hem bakegen,
we i flas we i flas!
Ol man ya we oli no holem promes* blong Hae God,
mo we oli doti long fes blong hem,
neva bambae oli save kam insaed
long taon ya bakegen samtaem.
2!Naoia yufala i stap sidaon long graon,
be yufala i mas girap!
!Yufala i mas kam sidaon long bigfala jea,
olsem we yufala i king!
!Naoia yufala i stap wok slef,*
be yufala i mas tekemaot ol jen
we i stap fasem nek blong yufala,
yufala i mas kam fri bakegen!”
3Bakegen, profet i talem se, “Hae God i Masta* blong yumi, mo hem i talem se, ‘Long taem ya we yufala i kam slef, ol masta ya blong yufala oli no givim mane blong pem yufala. Mo long taem ya we bambae mi mi mekem yufala i fri bakegen, bambae mi no givim wan mane nating blong pemaot yufala. 4Bifo olgeta, long taem ya we ol olfala bubu blong yufala oli go stap long kantri ya Ijip, olgeta oli muf i go, folem tingting blong olgeta nomo. Be biaen, long taem ya we ol man Asiria oli tekem ol bubu blong yufala oli go long ples blong olgeta, oli fosem olgeta blong go, we oli no pemaot olgeta nating. 5#Rom 2.24Mo naoia, long kantri ya Babilonia, sem samting nomo i stap. Yufala i stap wok slef blong olgeta, be oli no pemaot yufala wanpis, blong yufala i kam slef olsem. Olgeta ya we oli masta blong yufala, oli stap tok flas oltaem, oli stap bigmaot long ol samting we oli mekem, mo oltaem oli stap tok nogud blong spolem nem blong mi. 6Be long taem ya we bambae i kam, yufala i save talemaot i klia, we mi mi Hae God, mo we mi talem ol tok ya long yufala fastaem, we ol samting ya oli no kamtru yet. Mi mi Hae God, mo hemia tok blong mi.’ ”
7 #
Neham 1.15; Rom 10.15; Efes 6.15 Bakegen, profet i talem se,
“I gud tumas blong luk
man blong karem tok,
we i wokbaot i kamkros
long ol bigbigfala hil,
blong kam talemaot gud nius,
we i nius blong pis.
!Samting ya i gud tumas blong luk!
Bambae man olsem i kam long Saeon,*
i talemaot long yumi se,
‘!God blong yufala i King!
!Hem i stap sevem yufala!’
8Long taem ya,
olgeta we oli stap gad long taon ya,
bambae oli stap singsingaot bigwan,
bambae oli glad tumas,
we oli stap singsingaot from.
Bambae oli luk stret long ae blong olgeta,
we Hae God i kambak bakegen,
mo naoia, i stap long Saeon.
9“!Yufala ol haf blong taon ya Jerusalem,
we yufala i brobrok olbaot!
!Yufala i mas harem gud,
we yufala i singsingaot bigwan from!
Hae God bambae i stanemap yufala bakegen,
mo bambae i leftemap
tingting blong ol man blong hem tu.
10Hae God i tabu we i tabu,
mo yumi ol man blong hem.
Hem bambae i yusum paoa blong hem
we i strong we i strong,
blong i sevem yumi,
mo olgeta man long wol bambae oli luk.
11 #
2 Kor 6.17
Yufala ya
we yufala i stap karem ol samting
blong yusum long haos* blong Hae God,
yufala i mas aot gud nomo long kantri ya Babilonia.
Yufala i no mas tajem ol samting
we i doti long fes blong hem,
yufala i mas mekem we yufala i klin long fes blong hem,
nao yufala i mas aot.
12Bambae yufala i save aot gud nomo,
we i no gat man i fosem yufala,
blong yufala i hareap.
Bambae i no olsem we yufala i stap ronwe
long ol masta blong yufala.
Hae God i God blong yumi,
mo hem bambae i stap lidim yufala,
hem bambae i stap blokemgud yufala long evri saed,
blong yufala i save wokbaot gud.”
Man blong wok blong Hae God we i harem nogud tumas
13Bakegen, profet i talemaot long ol man blong hem we Hae God i talem se,
“Man#52.13: Man blong wok blong mi ya. Yu luk futnot V long 49.1. blong wok blong mi
bambae i finisimgud wok blong hem,
mo mi bambae mi leftemap nem blong hem i go antap,
mo ol man bambae oli ona gud long hem,
nao nem blong hem bambae i hae we i hae.
14Plante man we oli luk hem,
oli sek bigwan long hem,
mo oli harem i nogud tumas,
from we ol samting we i kasem hem,
oli spolem hem tumas,
gogo bodi blong hem i no moa olsem man.
15 #
Rom 15.21
Be biaen,
bambae hem i mekem
ol man blong plante kantri oli sek long hem,
mo ol king bambae oli sapraes tumas long hem,
we oli no save tok.#52.15: Tok long fas haf blong vas ya i folem sam olfala translesen we i kamaot long olfala Oltesteman long lanwis ya Hibru, be Oltesteman long Hibru we i stap tede i talem olsem. Be biaen, bambae hem i mekem we ol man blong plante kantri oli klin long fes blong Hae God, mo ol king bambae oli sapraes tumas long hem, we oli no save tok.
Ol samting we man i no talem long olgeta,
bambae olgeta oli luk,
mo ol samting we oli no harem,
bambae oli haremsave,
nao bambae oli sapraes tumas from.”
Currently Selected:
Aesea 52: BBR
Highlight
Share
Copy
Want to have your highlights saved across all your devices? Sign up or sign in
Bislama Revised Bible © Bible Society of the South Pacific, 2012.