Aesea 50
50
1“Mo Hae God i talem se,
‘Ol man blong mi.
?Olsem wanem?
?Yufala i ting se mi mi sanemaot yufala
olsem we man i mekem divos long woman blong hem?
?Wehem ol pepa ya blong divos?
?Yufala i ting se mi mi salemaot yufala
blong yufala i go wok slef longwe,
olsem we man i salemaot ol pikinini blong hem
blong oli kam slef blong narafala man?
!Nogat!
!I no olsem!
Mi sanem yufala i go wok slef longwe
from ol sin blong yufala,
mo mi sanemaot yufala i gowe long mi,
from ol fasin nogud blong yufala.
2“ ‘?Taem mi kam blong sevem yufala,
from wanem i no gat man i glad?
?Taem mi singaot yufala,
from wanem i no gat man i ansa?
?Yufala i ting se mi mi no naf blong sevem yufala?
Long tok blong mi nomo,
mi save mekem solwota i kam drae olgeta,
mo mi save mekem reva i kam draeples,
nao ol fis blong hem oli ded, from we i no moa gat wota.
3Mo mi save mekem
we skae i kam tudak olgeta,
olsem we hem i putum ol rabis klos nomo,
i stap krae from man we i ded.’ ”
Man blong wok blong Hae God hem i stap obei long hem
4Bakegen, profet i talemaot long ol man blong hem, we man blong wok blong Hae God i talem se,
“Olgeta.
Hae God i Masta* blong mi,
mo hem i tijim mi finis long ol tok
we hem i wantem blong mi mi talem,
blong mi save mekem
olgeta we oli slak oli strong bakegen.
Evri moning,
hem i stap mekem mi mi rere gud
blong harem ol tok
we hem i wantem tijim mi long hem.
5Hem nao i mekem mi mi gat save,
nao mi mi no girap agens long hem,
mi no tanem baksaed long hem.
6 #
Mat 26.67; Mak 14.65 Taem ol man oli kam blong wipim mi,
mi mi tekemaot sot blong mi,
mo taem oli kam tok nogud long mi,
mo oli stap pulpulumaot mustas blong mi,
mo oli stap spet long fes blong mi,
mi mi no blokem olgeta.
7“Be ol tok nogud ya blong olgeta
i no save spolem mi,
from we Hae God i Masta blong mi,
mo hem i stap givhan long mi.
Mi mi stap taetem mi
blong karem ol samting ya,
mo mi savegud
se bambae mi no save sem,
8 #
Rom 8.33,34 from we hem i stap klosap long mi,
mo hem bambae i soemaot
we mi mi mekem i stret nomo.
?Olsem wanem?
?I gat man i stap
we i no sem blong tok long fes blong mi,
we i ting se i gat poen long mi?
!Sipos i gat,
i moa gud hem i kam,
mitufala i go long kot!
!I moa gud hem i kam talemaot poen blong hem,
blong ol man long kot oli lukluk!
9Hae God i Masta blong mi,
mo hem bambae i talemaot
ol poen blong mi.
I no gat man i save soemaot
we mi mi mekem wan samting
we i no stret.
Olgeta we oli talem se oli gat poen long mi,
bambae oli lus olgeta,
olsem kaliko we kakros i kakae.”
10Bakegen, profet i talem se,
“Yufala evriwan
we yufala i stap ona long Hae God,
mo yufala i stap obei long ol tok
blong man blong wok blong hem,
maet samtaem,
rod blong yufala i save kam tudak olgeta,
be Hae God i God blong yumi,
mo yufala i mas trastem hem,
yufala i mas hang long hem.
11Be yufala evriwan
we yufala i stap mekem plan
blong spolem ol narafala man,
ol plan ya blong yufala
bambae oli spolem yufala bakegen.
Hae God ya nao bambae i mekem
ol samting ya i kamtru.
Hem bambae i mekem
bigfala trabol i kam kasem yufala.”
Currently Selected:
Aesea 50: BBR
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Bislama Revised Bible © Bible Society of the South Pacific, 2012.