1 Pita Sotfala stori blong buk ya
Sotfala stori blong buk ya
FAS LETA BLONG PITA, Pita i raetem i go long ol man we oli Kristin finis, we hem i singaot olgeta, se “ol man blong God, we hem nomo i jusumaot olgeta”. Olgeta ya oli stap wanwan olbaot olsem strenja nomo long ol provins long ples ya we tede i kam kantri ya Teki. Bigfala tingting blong leta ya i blong leftemap tingting blong ol Kristin man we ol man oli stap mekem i strong tumas long olgeta, mo we olgeta oli fesem hadtaem from we oli bilif long Jisas. Hem i talem long olgeta blong oli tingbaot gud nius ya, we Jisas Kraes* i ded from yumi, mo i laef bakegen, mo bambae hem i kambak bakegen blong tekem ol man blong hem. Tingting ya i save givhan long olgeta blong oli save stanap strong, mo bilif blong olgeta i save stap strong long Jisas Kraes. Mo from samting ya, taem oli kasem hadtaem, mo ol man oli mekem i strong tumas long olgeta, oli save stanap strong, tingting blong olgeta i no save foldaon, nating we ol man oli mekem i nogud tumas long olgeta. Sipos oli mekem olsem, bambae i soemaot we oli bilif tru long Jisas, mo bambae oli kasem ol gudgudfala samting ya we God i putumgud olgeta i stap long heven, se i blong ol man blong hem, long “Dei ya we Jisas Kraes bambae i kamtru long hem”.
Wetem ol toktok ya blong leftemap tingting blong olgeta, hem i talem strong long olgeta tu, se oli mas mekem laef blong olgeta i stret gud, from we oli man blong Kraes.
Ol haf blong buk ya
Fastok 1.1-2
Rod we God i yusum blong sevem ol man blong hem 1.3-12
Laef blong Kristin man i mas tabu 1.13—2.10
Wok blong ol Kristin man taem oli stap long trabol 2.11—4.19
Tingting blong Kristin man i mas stap daon 5.1-11
Lastok 5.12-14
Currently Selected:
1 Pita Sotfala stori blong buk ya: BBR
Highlight
Share
Copy
Want to have your highlights saved across all your devices? Sign up or sign in
Bislama Revised Bible © Bible Society of the South Pacific, 2012.