ꠔꠃꠞꠣꠔ ১: ꠙꠄꠖꠣ ꠘꠣꠝꠣ 48
48
ꠁꠀꠇꠥꠛ (ꠀ꠩) ꠄ ꠖꠥꠁ ꠘꠣꠔꠤꠞꠦ ꠖꠥꠀ ꠖꠤꠟꠣ
1ꠄꠞꠛꠣꠖꠦ ꠁꠃꠍꠥꠚꠦ ꠈꠛꠞ ꠙꠣꠁꠟꠣ, ꠔꠣꠘ ꠛꠣꠚ ꠛꠦꠝꠣꠞ, ꠅꠃ ꠔꠣꠘ ꠖꠥꠁꠅ ꠙꠥꠀ ꠝꠣꠘꠡꠣ ꠀꠞ ꠀꠚꠞꠣꠁꠝꠞꠦ ꠟꠁꠀ ꠛꠣꠚꠞꠦ ꠖꠦꠈꠣꠔ ꠀꠁꠟꠣ। 2ꠁꠀꠇꠥꠛꠦ ꠎꠦꠛꠟꠣ ꠢꠥꠘꠟꠣ, ꠔꠣꠘ ꠙꠥꠀ ꠁꠃꠍꠥꠚ ꠀꠁꠍꠂꠘ, ꠅꠃ ꠔꠣꠁꠘ ꠡꠞꠤꠟꠞ ꠢꠇꠟ ꠛꠟ ꠈꠣꠐꠣꠁꠀ, ꠃꠑꠤꠀ ꠛꠤꠍꠘꠣꠔ ꠛꠁꠟꠣ। 3ꠀꠞ ꠔꠣꠁꠘ ꠁꠃꠍꠥꠚꠞꠦ ꠇꠁꠟꠣ, “ꠡꠞ꠆ꠛ-ꠡꠇ꠆ꠔꠤꠝꠣꠘ ꠀꠟ꠆ꠟꠣꠄ ꠇꠦꠘꠣꠘ ꠖꠦꠡꠞ ꠟꠥꠎ ꠐꠣꠃꠘꠅ, ꠀꠝꠣꠞꠦ ꠖꠤꠖꠣꠞ ꠖꠤꠀ ꠛꠞꠇꠔ ꠖꠣꠘ ꠇꠞꠤꠀ ꠇꠁꠍꠟꠣ, 4‘ꠢꠥꠘꠅ, ꠀꠝꠤ ꠔꠥꠝꠣꠞꠦ ꠚꠟꠖꠣꠞ ꠇꠞꠝꠥ ꠀꠞ ꠛꠃꠔ ꠀꠅꠟꠣꠖ ꠖꠤꠝꠥ, ꠔꠥꠝꠣ ꠕꠘꠦ ꠛꠃꠔ ꠉꠥꠡ꠆ꠐꠤꠀꠟꠣ ꠄꠇ ꠎꠣꠔꠤ ꠙꠄꠖꠣ ꠇꠞꠝꠥ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ, ꠢꠣꠝꠦꠡꠣꠇꠥꠞ ꠟꠣꠉꠤ ꠁ ꠖꠦꠡꠞ ꠝꠣꠟꠤꠇꠣꠘꠣ ꠖꠤꠝꠥ।’ 5ꠀꠝꠤ ꠔꠥꠝꠣꠞ ꠉꠦꠍꠦ ꠝꠤꠡꠞꠅ ꠀꠁꠛꠣꠞ ꠀꠉꠦ, ꠔꠥꠝꠣꠞ ꠎꠦ ꠖꠥꠁꠅ ꠙꠥꠀ ꠝꠤꠡꠞꠅ ꠎꠘꠝꠤꠍꠂꠘ, ꠔꠣꠞꠣ ꠀꠝꠣꠞꠃ। ꠞꠥꠛꠦꠘ ꠀꠞ ꠡꠤꠝꠤꠅꠘ ꠎꠦꠟꠣ ꠀꠝꠣꠞ, ꠅꠃꠟꠣ ꠝꠣꠘꠡꠣ ꠀꠞ ꠀꠚꠞꠣꠁꠝꠅ ꠀꠝꠣꠞ ꠅꠁꠛꠣ। 6ꠅꠁꠟꠦ ꠄꠞꠣꠞ ꠛꠣꠖꠦ ꠔꠥꠝꠣꠞ ꠎꠦꠔꠣ ꠢꠥꠞꠥꠔ꠆ꠔꠣ ꠅꠁꠍꠂꠘ, ꠔꠣꠞꠣ ꠔꠥꠝꠣꠞꠃ ꠞꠁꠛꠣ, ꠀꠞ ꠔꠣꠞꠣꠞ ꠜꠣꠁꠞ ꠘꠣꠝꠦꠃ ꠄꠞꠣꠞ ꠝꠣꠟꠤꠇꠣꠘꠣ ꠇꠣꠁꠝ ꠅꠁꠛ। 7ꠀꠞ ꠙꠖ꠆ꠖꠘ ꠕꠣꠇꠤ ꠀꠝꠞꠣ ꠀꠅꠀꠞ ꠡꠝꠄ, ꠇꠦꠘꠣꠘ ꠖꠦꠡꠞ ꠁꠚ꠆ꠞꠣꠕ ꠕꠣꠇꠤ ꠕꠥꠠꠣ ꠖꠥꠞꠁ ꠕꠣꠇꠔꠦꠃ, ꠞꠣꠢꠦꠟꠣ ꠝꠣꠞꠣ ꠉꠦꠟꠣ। ꠔꠦꠃ ꠀꠝꠤ ꠢꠘꠞ ꠁꠚ꠆ꠞꠣꠕꠅ, ꠛꠦꠕꠦꠟꠢꠣꠝꠞ ꠙꠕꠞ ꠗꠣꠞꠅ ꠔꠣꠘꠞꠦ ꠖꠣꠚꠘ ꠇꠞꠟꠣꠝ।”
8ꠛꠣꠖꠦ ꠁꠃꠍꠥꠚꠞ ꠙꠥꠀꠂꠘ꠆ꠔꠞ ꠛꠣꠄ ꠌꠣꠁꠀ ꠁꠍꠞꠣꠁꠟꠦ ꠎꠤꠇꠣꠁꠟꠣ, “ꠄꠞꠣ ꠇꠦ?” 9ꠁꠃꠍꠥꠚꠦ ꠔꠣꠘꠞꠦ ꠇꠁꠟꠣ, “ꠄꠞꠣ ꠀꠝꠣꠞ ꠙꠥꠀꠂꠘ, ꠀꠟ꠆ꠟꠣꠄ ꠅꠃ ꠖꠦꠡꠅꠃ ꠄꠞꠣꠞꠦ ꠖꠤꠍꠂꠘ।” ꠔꠣꠁꠘ ꠇꠁꠟꠣ, “ꠄꠞꠣꠞꠦ ꠀꠝꠣꠞ ꠇꠣꠍꠣꠔ ꠀꠘꠅ। ꠀꠝꠤ ꠔꠣꠞꠣꠞꠦ ꠖꠥꠀ ꠇꠞꠔꠣꠝ।” 10ꠝꠥꠞꠛ꠆ꠛꠤ ꠛꠄꠅꠡꠅ ꠌꠃꠈꠞ ꠎꠥꠔꠤ ꠇꠝꠤ ꠎꠣꠅꠀꠄ ꠁꠍꠞꠣꠁꠟꠦ ꠜꠣꠟꠣ ꠇꠞꠤ ꠖꠦꠈꠔꠣ ꠘꠣ। ꠔꠦꠃ ꠄꠞꠣ ꠇꠣꠍꠣꠔ ꠀꠁꠟꠦ, ꠁꠍꠞꠣꠁꠟꠦ ꠔꠣꠞꠣꠞꠦ ꠀꠁꠘ꠆ꠎꠣ ꠇꠞꠤ ꠗꠞꠤꠀ ꠢꠥꠋꠉꠣ ꠖꠤꠟꠣ। 11ꠔꠣꠁꠘ ꠁꠃꠍꠥꠚꠞꠦ ꠇꠁꠟꠣ, “ꠛꠣꠛꠣꠞꠦ, ꠀꠝꠤ ꠝꠘꠅ ꠇꠞꠍꠟꠣꠝ ꠔꠥꠝꠣꠞ ꠝꠥꠈ ꠀꠞ ꠇꠥꠘꠥ ꠖꠤꠘ ꠖꠦꠈꠔꠣꠝ ꠘꠣꠄ, ꠅꠁꠟꠦ ꠀꠟ꠆ꠟꠣꠄ ꠔꠥꠝꠣꠞ ꠀꠅꠟꠣꠖ ꠅꠇꠟꠞꠦꠅ ꠖꠦꠈꠣꠁꠟꠤꠟꠣ।” 12ꠔꠦꠃ ꠁꠃꠍꠥꠚꠦ ꠔꠣꠘ ꠛꠣꠚꠞ ꠉꠦꠍ ꠕꠘꠦ, ꠙꠥꠀꠂꠘ꠆ꠔꠞꠦ ꠢꠞꠣꠁꠀ ꠝꠣꠐꠤꠔ ꠍꠁꠎꠖꠣ ꠇꠞꠟꠣ। 13ꠀꠞ ꠁꠃꠍꠥꠚꠦ ꠔꠣꠘ ꠖꠥꠁꠅ ꠙꠥꠀꠞꠦ ꠟꠁꠀ, ꠒꠣꠁꠘ ꠀꠔ ꠖꠤꠀ ꠀꠚꠞꠣꠁꠝꠞꠦ ꠗꠞꠤꠀ ꠁꠍꠞꠣꠁꠟꠞ ꠛꠣꠃ ꠉꠣꠟꠣꠔ, ꠀꠞ ꠛꠣꠃ ꠀꠔ ꠖꠤꠀ ꠝꠣꠘꠡꠣꠞꠦ ꠗꠞꠤꠀ ꠁꠍꠞꠣꠁꠟꠞ ꠒꠣꠁꠘ ꠉꠣꠟꠣꠔ ꠀꠘꠤꠀ ꠀꠎꠤꠞ ꠇꠞꠟꠣ। 14ꠅꠁꠟꠦ ꠁꠍꠞꠣꠁꠟꠞ ꠘꠤꠎꠞ ꠀꠈꠟꠦ, ꠔꠣꠘ ꠀꠔ ꠀꠠꠣ-ꠀꠠꠤ ꠇꠞꠤꠀ, ꠒꠣꠁꠘꠞ ꠀꠔ ꠢꠥꠞꠥ ꠙꠥꠀ ꠀꠚꠞꠣꠁꠝꠞ ꠝꠣꠕꠣꠔ ꠀꠞ ꠁꠃꠍꠥꠚꠞ ꠛꠠ ꠙꠥꠀ ꠝꠣꠘꠡꠣꠞ ꠝꠣꠕꠣꠔ ꠕꠁꠟꠣ ꠔꠣꠘ ꠛꠣꠃ ꠀꠔ। 15ꠛꠣꠖꠦ ꠔꠣꠁꠘ ꠁꠃꠍꠥꠚꠞꠦ ꠖꠥꠀ ꠇꠞꠤꠀ ꠇꠁꠟꠣ, “ꠢꠃ ꠀꠟ꠆ꠟꠣ, ꠎꠣꠘ ꠝꠞ꠆ꠎꠤꠄ ꠀꠝꠣꠞ ꠛꠣꠚ-ꠖꠣꠖꠣ, ꠁꠛ꠆ꠞꠣꠢꠤꠝ ꠀꠞ ꠁꠍꠢꠣꠇꠦ ꠌꠟꠔꠣ, ꠢꠃ ꠀꠟ꠆ꠟꠣ, ꠎꠦꠁꠘ ꠙꠄꠟꠣ ꠕꠣꠇꠤ ꠀꠁꠎ ꠙꠞ꠆ꠎꠘ꠆ꠔ ꠀꠝꠣꠞꠦ ꠙꠣꠟꠤꠀ ꠀꠁꠞꠣ, 16ꠢꠃ ꠚꠤꠞꠤꠡ꠆ꠔꠣ, ꠎꠦꠁꠘ ꠀꠝꠣꠞꠦ ꠢꠇꠟ ꠝꠍꠤꠛꠔ ꠕꠣꠇꠤ ꠛꠣꠌꠣꠁꠍꠂꠘ, ꠔꠣꠁꠘꠃ ꠅꠃ ꠖꠥꠁꠅ ꠙꠥꠀꠞꠦ ꠛꠞꠇꠔ ꠘꠣꠎꠤꠟ ꠇꠞꠃꠇ꠆ꠇꠣ। ꠄꠞꠣꠞꠦ ꠖꠤꠀꠃ ꠁꠛ꠆ꠞꠣꠢꠤꠝ ꠀꠞ ꠁꠍꠢꠣꠇ ꠀꠞ ꠀꠝꠣꠞ ꠘꠣꠝ ꠎꠤꠘ꠆ꠖꠣ ꠕꠣꠇꠃꠇ। ꠖꠥꠘꠤꠀꠁꠞ ꠝꠣꠎꠦ ꠔꠣꠞꠣꠞ ꠛꠃꠔ ꠉꠥꠡ꠆ꠐꠤ ꠅꠃꠇ।” 17ꠛꠣꠚꠦ ꠔꠣꠘ ꠒꠣꠁꠘ ꠀꠔ ꠀꠚꠞꠣꠁꠝꠞ ꠝꠣꠕꠣꠔ ꠞꠣꠈꠟꠣ ꠇꠞꠤ ꠁꠃꠍꠥꠚ ꠛꠦꠎꠣꠞ ꠅꠁꠉꠦꠟꠣ। ꠀꠞ ꠀꠚꠞꠣꠁꠝꠞ ꠝꠣꠕꠣ ꠕꠣꠇꠤ ꠢꠞꠣꠁꠀ, ꠝꠣꠘꠡꠣꠞ ꠝꠣꠕꠣꠔ ꠖꠦꠅꠀꠞ ꠟꠣꠉꠤ, ꠔꠣꠘ ꠛꠣꠚꠞ ꠀꠔ ꠃꠌꠣ ꠇꠞꠟꠣ। 18ꠔꠣꠁꠘ ꠀꠔꠅ ꠗꠞꠤꠀ ꠇꠁꠟꠣ, “ꠛꠣꠛꠣ, ꠁ ꠟꠣꠈꠣꠘ ꠘꠣꠄ। ꠅꠃꠘꠥ ꠀꠝꠣꠞ ꠛꠠ ꠙꠥꠀ, ꠔꠦ ꠀꠙꠘꠣꠞ ꠒꠣꠁꠘ ꠀꠔ ꠔꠣꠞ ꠝꠣꠕꠣꠔ ꠞꠣꠈꠃꠇ꠆ꠇꠣ।” 19ꠅꠁꠟꠦ ꠔꠣꠘ ꠛꠣꠚꠦ ꠘꠣ-ꠈꠥꠡ ꠅꠁꠀ ꠇꠁꠟꠣ, “ꠛꠣꠛꠣꠞꠦ, ꠀꠝꠤ ꠁꠔꠣ ꠎꠣꠘꠤ, ꠀꠝꠤ ꠁꠔꠣ ꠎꠣꠘꠤꠞꠦ ꠙꠥꠔ। ꠔꠣꠞꠅ ꠄꠇ ꠎꠣꠔꠤ ꠅꠁꠛ ꠀꠞ ꠝꠢꠣꠘ ꠅꠁꠛ, ꠅꠁꠟꠦ ꠔꠣꠞ ꠢꠥꠞꠥ ꠜꠣꠁ ꠔꠣꠞ ꠌꠣꠁꠔꠦꠅ ꠝꠢꠣꠘ ꠅꠁꠛ, ꠀꠞ ꠔꠣꠞ ꠀꠅꠟꠣꠖꠞ ꠛꠃꠔ ꠉꠥꠡ꠆ꠐꠤ ꠅꠁꠛ।” 20ꠁꠍꠞꠣꠁꠟꠦ ꠄꠞꠛꠣꠖꠦ ꠅꠃ ꠖꠥꠁꠅ ꠘꠣꠔꠤꠞꠦ ꠖꠥꠀ ꠇꠞꠤꠀ ꠇꠁꠟꠣ, “ꠛꠘꠤ ꠁꠍꠞꠣꠁꠟꠦ ꠇꠥꠘꠥ ꠝꠣꠘꠡꠞꠦ ꠖꠥꠀ ꠇꠞꠟꠦ ꠅꠃꠟꠣ ꠇꠁꠛꠣ, ꠀꠟ꠆ꠟꠣꠄ ꠔꠥꠝꠣꠞꠦ ꠀꠚꠞꠣꠁꠝ ꠀꠞ ꠝꠣꠘꠡꠣꠞ ꠟꠣꠈꠣꠘ ꠇꠞꠃꠇ꠆ꠇꠣ।” ꠅꠃꠟꠣ ꠔꠣꠁꠘ ꠝꠣꠘꠡꠣꠞ ꠌꠣꠁꠔꠦ ꠀꠚꠞꠣꠁꠝꠞꠦ ꠛꠠ ꠛꠣꠘꠣꠁꠟꠣ। 21ꠢꠦꠡꠦ ꠢꠎꠞꠔ ꠁꠍꠞꠣꠁꠟꠦ ꠁꠃꠍꠥꠚꠞꠦ ꠇꠁꠟꠣ, “ꠖꠦꠈꠅ, ꠀꠝꠣꠞ ꠝꠞꠘꠞ ꠅꠇ꠆ꠔ ꠀꠁꠌ꠆ꠌꠦ। ꠀꠟ꠆ꠟꠣ ꠔꠥꠝꠞꠣꠞ ꠟꠉꠦ ꠞꠁꠛꠣ, ꠀꠞ ꠔꠥꠝꠞꠣꠞꠦ ꠢꠤꠞꠛꠣꠞ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠖꠦꠡꠅ ꠘꠤꠌ꠆ꠌꠄ ꠚꠤꠞꠣꠁꠀ ꠘꠤꠛꠣ। 22ꠔꠥꠝꠣꠞ ꠜꠣꠁꠀꠁꠘ꠆ꠔꠞ ꠌꠣꠁꠔꠦ ꠔꠥꠝꠣꠞꠦ ꠄꠇ ꠛꠣꠐ ꠛꠦꠡꠤ ꠖꠤꠟꠣꠝ। ꠅꠃ ꠛꠣꠐ ꠔ ꠡꠤꠈꠤꠝ ꠄꠟꠣꠇꠣ, ꠁꠔꠣ ꠀꠝꠣꠞ ꠔꠟꠥꠀꠞ-ꠗꠘꠥꠇ ꠖꠤꠀ ꠀꠝꠥꠞꠤ ꠅꠇꠟꠞ ꠉꠦꠍ ꠕꠣꠇꠤ ꠀꠘꠍꠟꠣꠝ।”
Currently Selected:
ꠔꠃꠞꠣꠔ ১: ꠙꠄꠖꠣ ꠘꠣꠝꠣ 48: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
