Sálmarnir 62
62
1Til söngstjórans. Fyrir Jedútún. Davíðssálmur.
2Hjá Guði einum hlýtur sál mín hvíld,
frá honum kemur hjálpræði mitt.
3Hann einn er klettur minn og hjálpræði,
vígi mitt, mér skrikar ekki fótur.
4Hve lengi ætlið þér að veitast að einum manni,
ráðast allir gegn honum
eins og gegn hallandi múr
sem er að hruni kominn?
5Þeir ráðgast um það eitt að steypa honum úr tign hans,
þeir hafa yndi af lygi,
blessa með munninum, bölva í hjartanu. (Sela)
6Hjá Guði einum hlýtur sál mín hvíld
því að frá honum kemur von mín.
7Hann einn er klettur minn og hjálpræði,
vígi mitt, mér skrikar ekki fótur.
8Hjá Guði er hjálpræði mitt og vegsemd,
minn örugga klett og athvarf mitt hef ég í Guði.
9Þjóð, treyst honum ávallt,
úthell hjarta þínu fyrir honum.
Guð er oss athvarf. (Sela)
10Hégóminn einn eru mennirnir,
tál eru mannanna börn,
á metaskálunum lyftast þeir upp,
einber hégómi eru þeir allir saman.
11Treystið ekki á ofbeldi,
alið ekki fánýta von til rændra muna.
Þótt auðurinn vaxi,
þá reið þig ekki á hann.
12Eitt hefur Guð sagt,
tvennt hef ég heyrt:
Hjá Guði er máttur
13og hjá þér, Drottinn, er miskunn
því að þú geldur sérhverjum eftir verkum hans.
Currently Selected:
Sálmarnir 62: BIBLIAN07
Highlight
Share
Copy
Want to have your highlights saved across all your devices? Sign up or sign in
Icelandic DC Bible © Icelandic Bible Society, 2007
