Taian Areru 149
149
Te Anene Ni Kamoamoa
1Kam na kamoamoa te UEA!
Kam na anenea te anene ae boou nakon te UEA;
kamoamoaa n aia bootaki ana Aomata aika kakaonimaki nakoina!
2Kam na kukurei, ngkami te botannaomata ae Iteraera, i bukin ami Tia Kariki-b'aai;
Kim'areirei, ngkami kaain Tion, i bukin ami uea!
3Kam na kamoamoa arana n te b'ab'atere;
katangi b'aai ni katangitang n neboia iai.
4E kukurei te UEA iroun ana botannaomata;
E karineia aika onimakinna n anganiia te tokanikai.
5A na kakatonga ana Aomata te Atua n reken aia tokanikai,
Ao a na anene ni kim'areirei ni kangainaa.
6A na kanene b'anaaia ngkana a kamoamoa te Atua,
ma kabaang aika kakang wiia i nanoni baiia
7B'a a na katae aia kai botannaomata
ma ni kareke kaiia natanaomata;
8A na kabaeia aia uea n taurekereke,
ao aia mataniwi ni b'ai ni kabaebae aika biiti;
9A na kareke kaia botannaomata n ai aron are E tua te Atua.
Aia b'ai ana Aomata te Atua te tokanikai aei.
Kam na kamoamoa te UEA!
Currently Selected:
Taian Areru 149: KNVB
Highlight
Share
Copy
Want to have your highlights saved across all your devices? Sign up or sign in
