Taian Areru 148
148
Te Anene Ni Kamoamoa Te Atua
1Kam na kamoamoa te UEA!
Kam na kamoamoa mai karawa,
ngkami akana kam mena n ae rietaata i eta.
2Kam na kamoamoaa, ngkami akana ana anera ni kabaneingkami,
akana ana taanga ni buaka i karawa.
3Taai ma nam'akaina, kam na kamoamoaa;
Itoi akana raneanea ootami, kam na kamoamoaa.
4Ngkami karawa akana kabanea n ririeta, kam na kamoamoaa,
Ao ngkami naba raan akana i etani karawa. #148.4 raan... karawa: e kakoauaki b'a aonnaba ma karawa a katobibiaki n te ran.
5A na bane ni kamoamoa aran te UEA!
B'a E karikiia n ana taeka;
6Ao E kakia ni neia b'a a na tiku iai n aki tootoki,
ao a aki kona n rawa iai.
7Kam na kamoamoa te UEA mai aonnaba,
ngkami baika maiu aika kakamaaku i marawa ma ngkami aika marawa aika nano;
8Ma iti ma maibiibi n aiti;
ma tinoo ma taian nang ma te ang ae baibati a ongeaba nakon ana taeka.
9Kam na kamoamoa ngkami taian tabuki ma maunga
ma kaai aika uaa ma kaai n te buakonikai;
10Ma maan ni kabaneia aika manana ma aika katam'anti,
ma maan aika kawakawa ma aika kibakiba.
11Kam na kamoamoa, ngkami uea ma botannaomata ni kabaneia,
ma nati n uea ma taan tautaeka ni kabaneia;
12Ma ateiaine ma rorobuaka,
ma unim'aane ma ataei.
13A na bane ni kamoamoa aran te UEA!
E kakannato arana i aon aara nako;
E m'aaka i aonnaba ma karawa.
14E kakorakoraa ana botannaomata,
b'a E aonga ni kamoamoaki irouia ana aomata ni kabaneia
ae te botannaomata ae Iteraera, ae kakawaki i rouna.
Kam na kamoamoa te UEA!
Currently Selected:
Taian Areru 148: KNVB
Highlight
Share
Copy
Want to have your highlights saved across all your devices? Sign up or sign in
