Taeka n Rabakau 6
6
Tai Nanobaba
1Natiu, iangoia b'a aongkoa ko kukurei
ni kabooa baen temanna,
ae e aki konaa ni kab'araa ana roun.
2Ao i mwiina, ko a m'ane
ni bon oin am taeka,
3ao ko a mena ngkai i aani m'aakan
temanna.
Aio te b'ai ae ko na karaoia:
Ko na nako ni buubuti kariaiakam
b'a ko na kamaunaa te boraraoi.
4Ko na riai ni karaoa aei i m'aain matuum
ke e ngae ngkana ko a rangi ni kani matu.
5Kamaiuko i bon iroum, n ai aron te ria
ke te mannikiba ae e kataia ni birinako
mairoun te tia kaeman.
6Kam konaa ngkami aika kam taningaroti n reireingkami
man aron maiua taiani kinnongo.
7Bon akea aia tia kairiiri taiani kinnongo,
8ma a kaawakina te am'arake
i nanon tain te bongi n tai.
9Tao maanra ngkami ni wene ikanne
ao akea te b'ai ae kam karaoia?
N ningai te tai ae kam na teirake iai
mani katoka matuumi?
10Matu teutana. Kibarake teutana.
Booti baimi
ao ni kamatuui baimi.
11Ni karokoa a karina ni bua b'aai nako,
kaanga ai aron ae e a tia n anaaki
iroun te tia kimoa ae e uab'ai n tiritiri.
12A rerebaua taani kewe n aki akaaka
13ni mamataukiro man anga aia kanikina
ni keweia tabem'aang.
14A aki toki n iaiangoi
baika a kam'araa ma ni buakaka,
ao a karikirakei taian kiriwe.
15Ma ane a na oreaki
n taian kabuanib'ai aika a karina
ao ane a na tiku n akea aia kaantaninga.
16Bon iai onoua ke itiua
aekakiia aomata
aika e ribaia te UEA:
17Aomata aika a kainikatonga
ke ni b'anga ni kewe ke n tiriaomata,
18aomata aika a babaairei waaki aika a buakaka
ke a biri m'aaka nakon karaoan ae e bure,
19aomata aika a b'anga ni kewe n te kabowi
ke a kaakariki taian kiriwe
n te utu.
20Ongotaeka nakon taian reirei
mairouia ami karo
21kaawakinna n taai nako inanom
ao tai m'aninga taekana.
22A na kaiririko aia reirei
ngkana ko nakonako,
a na kaawakiniko ngkana ko matu,
ao a na taetae nakoim
ngkana ko uti.
23Bon te taura ana Tua te UEA,
ao e oota n raaitiiti
ana reirei.
Te kaetaki ma tauan aromi i bon iroum
boni ngaia are e na kairiko nakon te maiu.
24A na bon kaawakiniko
man taian taeka ni karang
mairoun buun temanna. #6.24 buun temanna: Ke “te aine ae e buakaka,”
25E na aki anaaki nanom n ana kab'akab'aka
ke ni maata aika a kan tangiraki
mairoun temanna ae ai aron anne.
26Te aine ae e kabooa nako ana tangira
e konaa ni kabooaki
n ae e rangi ni uarereke
ae kaanga boon te iriko.
Ma te kareke tangira
ma buun te m'aane temanna
e na bon anai b'aai ni kabane mairoum.
27Ngkana ko uouota te kooro ae e ura,
ao ane e na kabuoka kunnikaim;
28ma ngkana ko toua te kooro ae e kabuebue,
ao ane e na bue waem.
29Ao ngkana ko nako ni matu
ma buun te m'aane temanna,
ao ko na bon anaa uaana.
30Tiaki rereitaki ma taani kimoa,
ao tiaki naba #6.30 ao tiaki naba: Ke “ma tii.” ma temanna are kimoa
te b'ai teuana b'a e na kanna.
31A na bon anaa uaan aia m'akuri
taani kimoa akana a reke
itiua te tai m'aitin te b'ai are a kimoaia
ao a na akea nikiran aia b'ai nako.
32Ma ngkana ko matu
ma buun te m'aane temanna,
ao ko na bon uruana arom
ni uaan am nanobaba.
33Ko na oreaki
ma ni kab'ainrangaki n taai nako,
34i bukina b'a te bu are e a kookoo
e na konaa n rangi n un ao n akea ana nanoanga
ngkana e kaoka kaina.
35E na bon aki manga tangiria b'a kam na kabooa mwiina n te b'ai teuana,
e na bon aki tabe ma ami angab'ai nakoina.
Currently Selected:
Taeka n Rabakau 6: KNVB
Highlight
Share
Copy
Want to have your highlights saved across all your devices? Sign up or sign in
