Taeka n Rabakau 2
2
Te Wanawana Ao Raao aika a buakaka
1Natiu, ko riai n irii
ma ni m'annanoa
au reirei
ao baika I tuangko.
2Tai kararoako ma te wanawana
ao iangoi raoi nanoia
ni karekea te iangoraoi.
3Buubuti ni kanenea b'anaam
i bukin karekean te iangoraoi
4Ukoukora te wanawana
n ai aron kakaaean te tirewa
ke te kaub'ai ae e karabaaki.
5Ao ane ko na ataa iai nanon
te b'ai ae e nanonaki ni karinean
ao ataakin te UEA ae te Atua.
6A bane n roko taian wanawana mairoun te UEA
ao ai uana naba ma te iangoraoi
ao te ataib'ai.
7E anga te Atua taian reirei aika a i buobuoki #2.7 reirei aika a i buobuoki: Ke “Rabakau.”
nakoia aomata ni kabane aika ongotaeka i rouna
ao ni kaawakiniia ni kabane aika a
maiu n aron are a kaantaningaaki iai.
8E nooria te Atua b'a e a tia ni karaoaki te eti,
ao e tarataraia aomata ni kabaneia
aika a kakaonimaki nakoina.
9Ko na konaa n ataa nanon
te raoiroi
ma te maiu ae e raoiroi ao e eti n te wanawana.
10E na kaira nanom te wanawana
ao ane ko na kukurei
n te rabakau.
11E na tararuaiko ana babaaire nanom ae e raoiroi
ao te iangoraoi.
12E na kaawakiniko te wanawana
man babaaire aika a buakaka
ao taiani kewe aikai
13ake a onika karaoan te raoiroi
ni manga maeka n te roo.
14A tatangira riki
te tei ni baba ao te m'am'anaa te aba.
15Bon aomata ngaiia aika b'anga ni kewe,
ao a bane ni b'aoua b'aai ni kabane aika a karaoi.
Te Wanawana ao Kaitiakan te Wenenibure
16E kawakiningkami te wanawana
man ana taetae ni kam'ane
te aine ae te tia bure,
17ae e urua ana taeka ni bau ma buuna
ao e kiitana te m'aane are e mareaki ma ngaia
ma ngke e ataeinaine.
18E kab'atete te kawai nakon
ana auti
nakon te aonnaba are i nano
are abaia maate.
19Kawaria, ao ko na aki konaa
ni manga kunea kawaim nakon te maiu.
20Katotoongia
aomata aika a raoiroi
ao maiuakina te maiu ae e raoiroi
21Ngkana ko raoiroi ao ana akea am bure,
ao ko na bon maekana abam;
22Ngkana ko karaoa ae e bure
ao ko na bon aki manga konaa ni kakoauaaki,
ko na bon kouwakaaeaki.
Currently Selected:
Taeka n Rabakau 2: KNVB
Highlight
Share
Copy
Want to have your highlights saved across all your devices? Sign up or sign in
