Taeka n Rabakau 1
1
Kamanenaan Taeka n Rabakau
1Aikai ana taeka n rabakau
te Uea are Toromon are mai Iteraera,
are natin Tawita te m'aane.
2E na reireiningkami Taeka n Rabakau
te wanawana ao te aroaro ae e raoiroi
ma aromi n ataa nanon
taeka aika a nano.
3Kam na reirei ataan te raoiroi
ao te maiu ae e eti.
4E na konaa te aomata n aki akaaka
n reireinna arona ae e na taraa raoi iai,
ao a na konaa rorobuaka n ataei ni karekea
te rabakau ao te iango ae e tamaroa.
5Ngkana kam'aa kaman wanawana,
kam na manga wanawana riki.
Ao ngkana kam birikatai,
ao kam na manga rabakau n ataib'ai,
6taeka n rabakau ma taeka n reirei,
ao ai uana naba ma taeka ni wanawana
ao aekaki n taeka ni karariki ni kabane.
7Karinea ao ongotaeka iroun te UEA!
Aio bon moanan
te rabakau.#1.7 moanan te Ataib'ai: Ke “Te b'ai ae e nanonaki n te ataib'ai.”
Bon te nanobaba ane e aki butim'aea te wanawana
ma te reirei.
Te Kauring Nakoia Raao aika a Buakaka
8Natiu, ko na ongotaeka nakon reireiam
mairouia am karo,
9ao katokaa i aom taian reirei
kaanga ai aron te b'ara ae e taatangiraki
ke te m'ae n roroa ae e rangi n tamaroa.
10Ko na aki kaririiaki irouia taani bure
ke n ongo 11ngkana a kaangai,
“Nakomai! Ti a katea ara kaeng
ao ti a tiringiia aomata
b'a ti na ngare iai!
12A kaub'ai ma ni marurung raoi ngkai
ma ti na tiringiia
ti n te tai aei ao akea riki.
13Ti na anai aia b'ai aika a kakaawaki
ao ti na kaoni iai mwengara
n taiani b'ai ni kimoa.
14Ngkana ko ira ara kaeng,
ao e na reke tib'am.”
15Ko na aki iririia aekaki n aomata akanne
ke ni karaoi baika a karaoi.
16A rangi ni waekoakoa
nakon karaoan te bure,
ni karokoa naba bon te tiritiri.
17Ti te bo ngaiia ma taiani mannikiba
ake a noora te abea,
ao a aki kubara te kainikab'aru. #1.17 A noora... kainikab'aru: Kam na katotoonga te mannikiba are e aki nakon te abea, ngkana e noora te kainikab'aru.”
18A ikoikotaki n tiringa te aomata
ma bon taani m'ane rimoa ngaiia.
19Te kaub'ai are ko karekea man te bure
e na manga bon iraeiko mani maiumi.
Ana Taeka te Wanawana
20E takaarua te Wanawana #1.20 Wanawana: N te boki ae Taeka n Rabakau te taeka ae “rabakau” e kabonganaaki n tabetai b'a kaanga taian tamnei aika a uaia ni maiu ma te Atua i nanon tain te karikib'ai. i nanon kawain nuukan te kaawa
ike a m'aiti iai aomata.
21Kaanga te aine ae e takaarua n taabo ni boob'ai
ao i rarikin mataroan te kaawa
ae e kaangai nakoia aomata,
22“Tao maanra riki ngkami
ni kukurei
ni maiumi ae e nanobaba?
E aera ngkai kam aki katoka te kakaniko
ma ngareakinan te rabakau?
23Ongora ngkana I boaingkami
ma n tuangkami te b'ai ae I iangoia.
24Kam aki kubarai
ao kam aki kan ongo;
25Kam katinanikui au taeka n reirei
ao kam aki tabe
ngkana I kauringkami.
26N na b'ainingareingkami ao N na kamamaaeingkami
ngkana kam oreaki n tabeua
27taian aoraki aika a korakora,
ke ngkana a otab'aniniaki n
taian kangaanga ma karawaawata aika kaanga taian angibuaka.
28Kam na buubuti buokami mairou,
ma N na bon aki kan ongo;
kam na ukeuke,
ma n na bon aki reke iroumi.
29Eng, e na bon akea te b'ai ae kam na ataia,
ao kam na bon rawa
ni karinea te UEA.
30Kam katinanikua au taeka n reirei
ao kam aki kan ongo
ngke I kauringko.
31“Ngkai kam nang boni kana uaan te
b'ai ae kam a tia ni karaoia
ni karokoa te tai are kam a onrake
n te b'ai ae kam a tia ni baaireia.
32E na karokoa te mate
te bure ma te kamoamoa
nakon te nanobaba n rangirang.
33Ma ngkana kam ongo irou,
ao kam na bon mano man
taiani kabuanib'ai aika a kakamaaku.”
Currently Selected:
Taeka n Rabakau 1: KNVB
Highlight
Share
Copy
Want to have your highlights saved across all your devices? Sign up or sign in
Free Reading Plans and Devotionals related to Taeka n Rabakau 1
Wisdom: The Principle Thing
BibleProject | The Good Life
Take the Wisdom Challenge: 31 Days in Proverbs Together
