Karikani B'aai 15
15
Ana Berita te Atua nakon Aberam
1Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”
2Ma e kaeka Aberam, “Te UEA ae Moan te M'aaka, tera bonganan kaniwangau ae Ko na anganai ngkai, ao e tuai man reke natiu? Ao e nang b'aib'ai i mwiiu ngkana I mate teuare Erietera are kaain Tamateko. 3Bon akea natiu ae Ko a tia n anganai, ao e nang onea mwiiu au toro temanna.”
4Ao E a manga ongo b'anaan te UEA ae kaangai, “E na bon aki b'aini am b'ai am toro ane Erietera i mwiin matem; e na bon b'aib'ai natim te mm'aane i mwiim.” 5Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.” 6Ao E kukurei te UEA iroun Aberam ngke e onimakinna. 7Ao E a manga taku te UEA nakon Aberam, “Boni Ngai te UEA are I kaotinakoko mai Ura i Kareria, ao I anganiko te aba aei b'a abam.”
8Ma e kaeka Aberam, “Te UEA ae Moan te M'aaka, N na kanga n ataia b'a ai bon abau?”
9Ao E taku, “Uota mai te kao aine, te kooti aine, ao te tiibu teteei te mm'aane, aika kaka tenua aia ririki ni maiu. Uota mai naba te rube ma te bitin.” 10Ao e uoti maan aika kawakawa akekei Aberam nakon te Atua. E korouai ni kakauaiterai mai nukaia, ao e kawenei ni kakaitarai iteraia n tatabemaniia nako ni karinaniia raoi, ma e aki korouai taiani mannikiba. 11A tikubara i aon baikekei taiani mannikiba aika kaakang irikon maan aika kawakawa aika mate, ma e kakionakoia Aberam.
12Ao ngke e a bungitaai, ao e a matunako Aberam, ao e roko te maaku ae korakora i rouna. 13Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki. 14Ma N na bon karekei kaia botannaomata ake a tautoroniia, ao ngkana a kiitana te aba are a ianena iai, ao a na uoti kaub'ai aika bati ma ngaiia. 15Ao ngkoe ko na maiu ni karokoa rokom raoi n am bong ni kara, ao ko na mate ma n taunaki ma te rau.
16A na reke aua te roro i m'aain okiia ami kariki, b'a N na bon aki kanakoia kaain Amora ni karokoa te tai are a rangi ni buakaka aia m'akuri iai, ao a bon riai ni katuaeaki.” #15.16 aua te roro: E kona n nanonaki te 400 n ririki ane n te kibu 13-15. 17Ao ngke e a bung taai, ao e a roo, ao a karina ni kaoti te b'aata ae bubu, ao te ai,#15.17 te bubu ao te ai: Te bubu ao te ai a tei naba i bukin te UEA ao a buti i marenan taian m'akoro ni man akekei. 18Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti, 19ni ikotaki naba ma abaia kaain Kena, Kenita, Karimon, 20kaain Eta, Berita, Rebaim, 21Amora, Kanaan, Kirekata, ao kaain Iebuti.”
Currently Selected:
Karikani B'aai 15: KNVB
Highlight
Share
Copy
Want to have your highlights saved across all your devices? Sign up or sign in
