Karikani B'aai 16
16
Nei Aka ao Itimaera
1Ao e tuai mani karika natin Aberam Nei Tarai are buuna. Ma bon iai ana toro te aine Nei Tarai ae kaain Aikubita ae arana Nei Aka, 2ao e taku nakon Aberam, “E tuukai te UEA man te kariki. E aera ngkai ko aki wene ma au toro te aine? #16.2 wene... te aine: Te katei b'a e kona te bu te aine ae e aki kariki ni kariaia teuare buuna b'a e na wene ma aia toro te aine. Natin te toro e na riki b'a natin te bu te aine. E na mena ngkoa, ao e na reke natiu i rouna.” Ao e kariaia Aberam ana taeka Nei Tarai arei. 3Ma ngaia are, e anga Nei Aka nakon Aberam b'a buuna ni kewe. (E riki aei i mwiin maekan Aberam i Kanaan i nanon tebwina te ririki.) 4Ao ngke e a tia ni wene Aberam ma Nei Aka, ao e a bikoukou Nei Aka, ao e a rangi ni kamoamoa, ao e a aki kubara Nei Tarai. 5Ao e taku Nei Tarai nakon Aberam, “E bon nako mairoum te b'ai aei ngkai e a manga aki kubarai Nei Aka. I bon anganiko ngkoa, ao ngkai e a ataia b'a e a bikoukou, ao e a aki kubarai. Ke E baairei taekara te UEA b'a antai ae bure mai roura, ngkoe ke ngai.”
6Ao e taku Aberam, “E rangi n tamaroa, bon am toro, ao e mena i aan am babaire; karaoa ane ko bon taku nako ina.” Ao e karaoa ae aki tau Nei Tarai nakon Nei Aka ni karokoa e a biri nako Nei Aka.
7Ao e kaitibo Ana anera te UEA ma Nei Aka n te koburake n ran are n te rereua are n te kawai nako Tiura 8ao E taku, “Nei Aka ae ana toro Nei Tarai, Ko nako mai ia, ao ko na nakea?” 9Ao e taku neierei, “I biri nako mairoun au toka.”
Ao e taku te Atua, “Naako okiria, ao bon ongotaeka naba i rouna.” 10Ao E a manga taku riki, “N na anganiko kanoam ae moan te m'aiti ae akea temanna ae kona ni warekia. 11E na riki natim te mm'aane, ao ko na aranna b'a Itimaera,#16.10,11 Itimaera: N Ebera nanona “e ongo te Atua.” b'a e a tia n ongo tangim te UEA. 12Ma e na riki natim ae kaanga maiun te aati ae aki manana, e na kaaitaraia aomata ni kabane, ao e na kaitaraki irouia aomata aika m'aiti. E na aki maeka i buakoia ana koraki.”
13Ao e taku Nei Aka i nanona, “I a kara ao I a noora te UEA, tao E kamaiuai b'a N na taetaekinna!” Ma ngaia are e arana te UEA are E a tia n taetae nakoina b'a, “Te Atua ae matairiki.” 14Ao boni ngaia anne bukina are a arana te m'anib'a aomata are i marenan Kateti ma Bereta b'a “Ana M'anib'a Teuare E Maiu ae noorai.”#16.14 Te M'anib'a… Ngai: ke Beera-raai-roi (noora 25.11).
15Ao e riki natin Aberam te mm'aane iroun Nei Aka, ao e aranna b'a Itimaera. 16Ao ai 86 ana ririki ni maiu Aberam n te tai anne.
Currently Selected:
Karikani B'aai 16: KNVB
Highlight
Share
Copy
Want to have your highlights saved across all your devices? Sign up or sign in
