Rome 3

1Chuti ahile Juda mi hi ipi phachomam? Chule cheptan jong iham aphatna? 2Imalam jouse-a phachom tah ahi, abulpen chu, Pathen thu chengse amaho kipedoh-a kichinsah anahi. 3Khat touvin tahsan hih jongleu i-hiding ham? Amaho tahsan lou chun Pathen tahsan umje hi manlou asochom em? 4#Labu 51:4. Chuti hihhen; Pathen chu dihtah hihen lang, mi jouse chu ajou hihen; hiche thudol hi,

Nangma, nangma thuseija chonpha tia nakisima,

Thupitan na-a jong najo theinan, tin akisunin ahi.

5Ahivangin ichonphat lounao hin Pathen chonphatna chu akichetsah cheh-a ahile, ipi isei dingu ham? Lunghanga talen peji-a Pathen dihlou ham? (Mihem dan banga kasei ahi). 6Chuti ahipoi, chuti ahile Pathen'in vannoi leiset thupi iti atan dingham?

7Keima jousei jeh-a Pathen dihje chu ama loupina khopma letset tah-a akihaphon cheh-a ahile, michonse tia themmo changa iti ka umnah lai dingham? 8Chule keiho neihehset uva, kimkhatnin kasei loubeh-u; phatna ahung umna dingin setna bolu hite, tin aseijuve, tia neingoh-u bangchun, eihonjong hiti chun seiju hite natijiu hilouham? Chutobang thusei ho themmo achanu chu dihtah ahi.

Mihem khatcha Chonpha Aumpoi

9Chuti ahile, keiho Juda mi hi midang sanga phajo kahiuvem? Iti nama jongle kaphajo pouve. Ajehchu Juda mi chule Greek mi abona chonset noija um cheh ahi, tia kahilchah sa cheh-u ahitai. 10#Labu 14:3; 53:1-3. Hiti jong hin akisune,

Chonpha koima aumpoi, khatcha jong aumpoi.

11Koima ahetoh thema aumpoi,

Koima Pathen hola aumpoi,

12Lam hilouva akihei sohkei taovin,

abon chaovin manlou asohgam taove.

Apha lama chona aumpoi,

khatcha jong aumpoi.

13 # Labu 5:9; 140:3. Alol homu lhan kihong ahin;

Aleijun lheplhahna thu jeng aseijun,

Anel noijuvah gulse gu aumin;

14 # Labu 10:7. Akam sungula sapsetna le thugilouvin adimin;

15 # Isai 59:7-8. Akengu thisona ding lamah ajangin;

16Alampi jouseu-ah man naleh hesohna aumin;

17Lungmonna lampi aheta pouve;

18 # Labu 36:1. Amitmuvah Pathen gin aumpoi.

19Mi jouse kam binna dingle vannoi leiset pumpi Pathen thutana-a aum theina dinguva, danthun asei chengse hi danthu thua nungho jah-a kisei ahi, ti iheuve. 20#Labu 143:2; Gal 2:16. Danthu juija thilbola mi koima a-angsunga them changa umlou ding ahi, ajehchu danthua kona chonsetna kihedoh ahi.

Tahsan Vanga Chonphat Chan

21Ahin tu vangin danthua hilouhelin, danthule themgaoho thuhetsah Pathen chonphatna chu akilang dohtan ahi. 22#Gal 2:16. Chuche Pathen'a kon chonphatna chu Jesu Khrista tahsan vanga mijousele atahsante jouse chunga kilanga ahi: koima imachom aumpoi: 23Ajeh chu mi jouse hi chonsea ahitan, Pathen loupina chu changlela ahiuve; 24Khrista Jesu'a kilhatdohna aum jeh-a, Pathen lungset vanga chonphat moh chonbou ahiuve. 25Pathen'in alungdesot vanga masanga chonsetna kichaisaho talen pelouva aum jeh-in, achonphat vetsahna dinga tahsan vanga athisan chu kithoidamna hidinga apehdoh ahin; 26Ama chonpha ahina dingle, Jesu tahsan chan chu chonpha-a asim theina dinga, tulaija hi achonphatna avetsah ahi.

27Chuti ahile kisonna hoithona hoibaham? Kinotdoh-a ahitai. Itobang danthua ham? Danthu juija natoh naham? Ahipoi, tahsanna danthu-a joh ahibouve. 28Chuti ahi jeh chun danthu juija natoh vang hilouva, tahsan vanga mi chonpha kisim ahi, tia kangaitou ahi. 29Pathen chu Juda mite changseh Pathen ham? Chidang namdangte Pathen jong hilou ham? Chidang namdang te-a jong ahi. 30#Gal 2:16. Ahin Pathen khatseh ahi jeh chun, cheptanho chu tahsana kona chonpha asima, chule cheptan louho chu tahsan vanga chonpha asim ding ahi. 31Chuti ahile itahsan jeh uva hi danthu kisumanga ham? Ahipoi; danthu kiphudetjoh ahibouve.

Currently Selected:

Rome 3: THADBSI

Highlight

Copy