Popular Bible Verses from Rome 3

Share

Ajeh chu mi jouse hi chonsea ahitan, Pathen loupina chu changlela ahiuve; Khrista Jesu'a kilhatdohna aum jeh-a, Pathen lungset vanga chonphat moh chonbou ahiuve.

Chuche Pathen'a kon chonphatna chu Jesu Khrista tahsan vanga mijousele atahsante jouse chunga kilanga ahi: koima imachom aumpoi

Pathen'in alungdesot vanga masanga chonsetna kichaisaho talen pelouva aum jeh-in, achonphat vetsahna dinga tahsan vanga athisan chu kithoidamna hidinga apehdoh ahin; Ama chonpha ahina dingle, Jesu tahsan chan chu chonpha-a asim theina dinga, tulaija hi achonphatna avetsah ahi.

Danthu juija thilbola mi koima a-angsunga them changa umlou ding ahi, ajehchu danthua kona chonsetna kihedoh ahi.

Hiti jong hin akisune, Chonpha koima aumpoi, khatcha jong aumpoi. Koima ahetoh thema aumpoi, Koima Pathen hola aumpoi, Lam hilouva akihei sohkei taovin, abon chaovin manlou asohgam taove. Apha lama chona aumpoi, khatcha jong aumpoi.

Chuti ahi jeh chun danthu juija natoh vang hilouva, tahsan vanga mi chonpha kisim ahi, tia kangaitou ahi.

Chuti hihhen; Pathen chu dihtah hihen lang, mi jouse chu ajou hihen; hiche thudol hi, Nangma, nangma thuseija chonpha tia nakisima, Thupitan na-a jong najo theinan, tin akisunin ahi.