Rome 10
10
Israel'in Kipana Thupha Angaichat
1Sopite, lunga kagotle Israelte dia Pathen henga katao nomna chu, huhhing-a ahung umtheina dingu hi, ahipene. 2Pathen lama agunchuve ti chu keiman kahetsah ahi; ahivangin hichu hetna neija gunchu ahipoi. 3Ajeh chu amahon Pathen chonphatna ahetlou jeh-ule, amaho chonphatna phudoh ding agot jeh-un, Pathen chonphat na-ah alut tapouve. 4Christa chu atahsan jouse dinga, chonphatna amu theina dinguva danthu chaina ahi.
5 #
Thmpu 18:5. Ajehchu Mosi'n chonphatna danthu anahilchet na-a, chonphatna nitpa bou chuche achonphat vanga chu hing ding ahi, anatin ahi. 6#Danb 30:12-14. Tahsana chonphat vang chun hitin aseije, Nangman nalung thimin, Koiham van'a kal ding? (hichu Christa gapuilhah ding aseina ahi); 7ahiloule, Koiham lei onga kumlha ding? (hichu athi lah-a kona Christa kaithou ding aseina ahi), ti hih-in. 8Ahin ipi aseijem? hiche thu chu nakomah aume, nakam sungle nalung sungah aume; (hichu kasei phongleu tahsan thu chu ahi). 9Hitia chu nangman nakama Pakai Jesu chu naphon doha, chule Pathen nin ama chu athilah-a konin akaithouve ti nalunga natahsan le, asohcha ding nahi. 10Ajeh chu chonphatna dinga lunga tahsan ahin, sochatna dinga kama phondoh ahi. 11#Isai 28:16. Pathen lekhabu thun, Koi hileh ama tahsan chan chu jachatna-a chulou ding ahi, ati. 12Ijeh-inem itile Juda mitele Greek mite chu imacha chom ahipouve; abonchauva chungah Pakai khatsehbou aume, ahenga tao jouse dinga phatna haotah ahi. 13#Joel 2:32. Koi hile Pakai mina tao chan chu huhhing-a umding ahi.
Israel ten Kipana Thupha Asanlouvu
14Achutile atahsan louvu chu iti akou dinguham? Athu ajahkhah louvu chu iti atahsan dinguham? Thusei phongle beija iti ajah dinguham? 15#Isai 52:7. Chule akisol louvule iti asei phongle dinguham? hitijong hin akisune,
chamna kipana thupha seiphong leho,
thilphaho thudola kipana thu poleho keng iti hoi hitam! 16#Isai 53:1. Ahivangin mi jousen Kipana Thupha angaipouve. Ajeh chu Isaiah'in jong,
Pakai, kathuphonle-u koiham atahsana, ati. 17Chuti ahijeh chun, jah-a kona tahsan umdoh, chule jah chu Pathen thua kona hung umdoh ahi.
18 #
Labu 19:4. Ahileh amahon ajah lou uham? Ajanauve.
A-awginu gamtina athangin,
Chule athu uvin kolkimvel achansoh tai.
19 #
Danb 32:21. Ahivanga kasei ahi, Israel miten ahetlou uham? Amasan Mosi'n aseijin,
Keiman nangho vai neilou vai khat thangset sah-uving ting,
Lungthim neilou vai khatna kona
kalunghansah ding nahiuve, ati.
20 #
Isai 65:1. Isaiah'in jong hakattah-in aseijin,
Eihol louten eimudoh-un,
Eidong loute hengah kakiphongtai, ati.
21 #
Isai 65:2. Ahin Israel jah-a,
thua nungloute le nel hatte chunga
kakhut kajah nilhum keije, tin aseije.
Currently Selected:
Rome 10: THADBSI
Highlight
Share
Copy
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.
