Popular Bible Verses from Rome 10

Share

Hitia chu nangman nakama Pakai Jesu chu naphon doha, chule Pathen nin ama chu athilah-a konin akaithouve ti nalunga natahsan le, asohcha ding nahi.

Ajeh chu chonphatna dinga lunga tahsan ahin, sochatna dinga kama phondoh ahi.

Chuti ahijeh chun, jah-a kona tahsan umdoh, chule jah chu Pathen thua kona hung umdoh ahi.

Pathen lekhabu thun, Koi hileh ama tahsan chan chu jachatna-a chulou ding ahi, ati. Ijeh-inem itile Juda mitele Greek mite chu imacha chom ahipouve; abonchauva chungah Pakai khatsehbou aume, ahenga tao jouse dinga phatna haotah ahi. Koi hile Pakai mina tao chan chu huhhing-a umding ahi.

Chule akisol louvule iti asei phongle dinguham? hitijong hin akisune, chamna kipana thupha seiphong leho, thilphaho thudola kipana thu poleho keng iti hoi hitam!

Achutile atahsan louvu chu iti akou dinguham? Athu ajahkhah louvu chu iti atahsan dinguham? Thusei phongle beija iti ajah dinguham?

Christa chu atahsan jouse dinga, chonphatna amu theina dinguva danthu chaina ahi.