Mark 15

Pilate Anga Jesu Ahin Puiju

(Matt 27:1-2,11-14; Luk 23:1-5; Jhn 18:28-38)

1Jingkah ahiphatnin thempu pipuiho, vaipo upaho, danthu sunho, chule houvaipoloi chengse akihoutoh paijun, Jesu chu akanun, akaijun Pilate khutna apedoh taovin ahi. 2Chuin Pilate'in, Nangma Juda te Lengpa nahim? tin adongin ahi. Chuin Aman adonbutnin ajah-a, Naseikhai, ati.

3Chuin thempu pipuihon thu tamtah-in ahehseuvin; ahin aman imachan adonbutpoi. 4Pilate'in adong kitnin, Nadonbut lou dingham? Ve tang, hijatna naheh-u hi, ati.

5Ahin Jesu'n adonbut hihhelin ahile Pilate'in adatmo lheh jengin ahi.

Jesu Thadinga Athu Atanlhah-u

(Matt 27:15-26; Luk 23:13-25; Jhn 18:39—19:16)

6Tun Kut sunga chu amahon athum penpen chu sohchang khat alhadohji angai ahi. 7Chuin mi khat amin Barabbas atiu, khosung chohnoh hotoh kihen khom, khosung achonohna lamuva tol atha khah ahi. 8Chutichun achonna ngaibang uva abolpehna dingun mipi chun hatah-in asamun angeh pantaovin ahi. 9Chuin Pilate'in adonbutnin, ajah uva, Juda te lengpa hi lhadohpehleng nalungu ham? ati. 10Ama chun thempu pipuihon thangset suma apehdoh-u ahi ti chu ahet ahi.

11Ahivangin thempu pipuihon Barabbas chu alhadoh pehna dingu joh-in mipi chu atilseuvin ahi. 12Chuin Pilate'in ajah uva, Achutile Juda te Lengpa ahi natipao hi i-kalo dingba hitam? tin adong kittan ahi.

13Chuin amahon, Thingpel'a khenbeh-in, tin asam kit taovin ahi.

14Chuin Pilate'in ajah uva, Ibolinem? Ipi suhset aneijam? ati. Ahin amahon, Thingpel'a khenbeh tan, tin hasaptah-in asamuvin ahi.

15Chuphatnin Pilate'in mipi lunglhaina ding chu angaiton, Barabbas alhadohpeh-in, Jesu chu ajep jouvin thingpel'a khetbeh dingin apedohtan ahi.

Sepaihon Jesu Totnopna Aneiju

(Matt 27:27-31; Jhn 19:2-3)

16Chuin sepaihon ama chu Pretorium atiu inpi sunga chun apuilutnun, sepaiho jouse akoukhom sohkeijun ahi. 17Chuin Jesu chu ponsandup asilpeh-un, ling lukhuh aphanun, alu-a chun akhuhpeh-un ahi. 18Chuin, Vo Juda te Lengpa, tin chibai aboh pantaovin ahi. 19Chuin amaho chun peng tenggolin alu avo avovin, chule chil asetkhumun, chule adilsuvin chibai aboh-un ahi. 20Chutia chu totnopna-a a-el ela abol jouvun, ponsandup chu ahoh lha uvin ama pon asilpeh-un, thingpel'a khetbeh dingin apuimang taovin ahi.

Jesu Thingpel'a Kikhetbeh

(Matt 27:32-44; Luk 23:26-43; Jhn 19:17-27)

21 # Rom 16:13. Chuin amahon kholjin hiche mun hinjotpa Cyrene gam mi Alexander le Rufus pa Simon chu acham louvin athingpel puding chun amanun ahi. 22Chutichun Golgotha atiu mun'a chun apuitaove, hichu lugu mun #15:22: Lugu mun: Latin paova Calvary, Aramaic paova Golgotha. tina ahi. 23Chuin myrrh toh kihal lengpi theitwi apeuvin, ahinla Ama anom pon ahi. 24#Labu 22:18. Chuin thingpel'a akhenbeh jouvun, aponsil hochu abonchauva achan cheh nadingun vang aveovin, akihomtaove. 25Jesu akhetbehnao chu nidan thum #15:25: Nidan thum: Juda te phat sim dungjuija jinglam nidan ko. don ahi. 26Achunga chun ahehnau hetsahna, JUDA TE LENGPA tia kisun aumin ahi. 27Chuin amatoh thakhatnin gucha michom mi ni, khat ajetlamah, khat aveilamah, thingpelah akhenbeh-un ahi. 28#Isai 53:12; Luk 22:37. Hichun, Ama michonsehoto akisim thatai, tia Pathen lekhabun asei chu aguilhung tan ahi.

29 # Labu 22:7; 109:25; Mrk 14:58; Jhn 2:19. Chuin achele, avahle jousen akhasuh khumun, ajah-a, Aha! Nang houin suse-a ni thuma sadohkit,

30Nangma kihuh hingin lang thingpel'a kon chun hung kumlha tangem, atiuvin a-el elin ahouvun ahi.

31Chutobangma chun thempu pipuiho jong chun totnopnan abolun, danthu sunho chutoh, Aman midang ahuhhingjin Ama akihuhhing theipoi. 32Kamuva katahsan theina dingun, Israelte Lengpa Christa chu tutah hin thingpel chunga konin hung kumlha temhen, atiuvin ahi. Chule amatoh thingpel'a kikhetbeh tha teni jong chun ama ahouse lhonin ahi.

Jesu Thi

(Matt 27:45-56; Luk 23:44-49; Jhn 19:28-30)

33Chuin nidan gup #15:33: Nidan gup: sunkim nidan somleni. tah-in gam jouse chunga thim ajingin, nidan ko #15:33: Nidan ko: nilhah lam nidan thum. geijin mu athimtan ahi. 34#Labu 22:1. Chuin nidan koh lhintah-in Jesu hapenin apengin, Eloi, Eloi lama sabachthani? ati. Hichu, ka Pathen, ka Pathen, ibola neidalhah hitam? tina ahi.

35Chule avela dingho lah-a abang bangin chutia ati chu ajauvin, Ngaijun, Elijah akouve, atiuvin ahi. 36#Labu 69:21. Chuphatnin mi khat alhaijelin lengpitwi thuh-a twichop phon adelhopmin pengtenggol leh-a atah-in, agah donsah-in, Limsah hih-un; adomlha dinga Elijah hunga hung hih-am veohite, ati.

37Chuin Jesu chu hapenin apengin, alhagao alhatai.

38 # Pot 26:31-33. Chuin houin'a pondal len chu achunga pat anoi geijin a-ehlha paijin keh ni akisotan ahi. 39Chuin Ama jona ding sepai jalamkai chun chutia apenna alhagao alha chu amutah-in, Hichepa hi Pathen Chapa tahbeh mong ahi, atitai.

40 # Luk 8:2-3. Chukoma chun galkanga pangin numei hon khatnin jong ave jingun ahi; alah uva chun Magdalene Mariam, Jacob neojo le Joses nu Mariam, chule Salome; hiteho cheng chu aumun ahi. 41Amaho cheng chu Galilee gama aumlaija ajuija ama jenlea pangho chu ahiuve. Chule numei tamtah Jerusalem'a ahinlhon toupiho jong chu ahiuve.

Jesu Lhana Akivui

(Matt 27:57-61; Luk 23:50-56; Jhn 19:38-42)

42Nilhah ahi phatnin, kigot ni ahi jeh-in, hichu cholngahni masang ni ahin, 43Arimathea kho-a mi Pathen lenggam ngah jinga um, vaipo ginle ja umtah Joseph chu ahungin, ngampelin Pilate henga achelutnin, Jesu long chu agathumtan ahi. 44Pilate'in chutia athivah jeng chu adatmo lheh jengin; chuin aman sepai jalamkai chu akouvin, Athina sottam, tin adongin ahi. 45Chuin sepai jalamkaija kona ahetchen phatnin, along chu Joseph apetai. 46Chuin tupat ponnem ahin choijin, along chu alalhan, tupat ponnema chun atomin, song kilai lhan sunga chun alupsah-in, chujouvin lhan kotna chun song len khat atanglutnin ahi. 47Chule Magdalene Mariam le Joses nu Mariam chun akoinau chu avejing lhonin ahi.

Currently Selected:

Mark 15: THADBSI

Highlight

Copy