Mathew 18

Koichu Alenpen Hijaham?

(Mrk 9:33-37; Luk 9:46-48)

1 # Luk 22:24. Hiche pettah chun seijuite Jesu henga ahungun, van lenggama hi koi alenpen ham? tin adongun ahi.

2Chuin Jesu'n chapang neocha khat ahengah akouvin, alaijuva adinsah-in, 3#Mrk 10:15; Luk 18:17. Ajah uva, Tahbeh-a kaseipeh nahiuve, Nangho nakile heijuva chapang neochahotoh nabah kit louvule, iti nama jongle van lenggam nalut lou dingu ahi. 4Hiche jeh-a chu hiche chapang neocha banga kineosah chu, van lenggama alenpen ahi. 5Chule koi hijongle hitobang chapang khat keima mina sanga chun keima eisan ahi.

Midang Kipal Lhuhsah Louna Dinga Kiginphat

(Mrk 9:42-48; Luk 17:1-2)

6Ahin koi hijongle keima eitahsan hiche aneochaho lah-a khat kipal lhuh sah chan chu, angonga sumhei song lentah kikhaihen, twikhanglen thuhtah sunga kileh lutle ama dingin aphajoi. 7Ohe kipal lhuh jeh-in vannoi leiset adana-e! Kipal lhuhna chu umtei ding mong vang ahi, ahinla ohe kipal lhuh sah-a chu koi hile adana-e!

8 # Matt 5:30. Chule nakhut ahim, nakeng ahim, khatjo sangin nakipal lhuh sah-a ahile tanbongin lang paimangin; khut ni, keng ni neija tonsotna mit theilou meikonga nakilelut sangin, tibukim loule kengbaijin hinna-a lutle chun nang dingin aphajoi. 9#Matt 5:29. Chule namitnin nakipal lhuh sah-a ahile, kaldoh-in paimangin; mit ni neija damun meikonga nakilelut sangin, mitlang chon hinna-a lutle chun nang dingin aphajoi.

Kelngoi Mansah Thulem

(Luk 15:3-7)

10Kihong phaovin, hiche aneochaho lah-a khatcha jong nahsahmo hih-un; ijeh-inem itile kaseipeh nahiuve, Avantil teovin van'a um ka Pa mai chu ave jingun ahi.

11Ajehchu amangsaho huhhing dinga mihem Chapa chu hunga ahi.

12Chule iti nangai touvem? Mikhatnin kelngoi ja khat aneija, alah-a khat ava mangthah-a ahile, aman somko le ko chu adalhah-a, molsang chung lama chea avah mangthah khat chu agaholji louham? 13Chule ahol chu amua ahile, tahbeh-a kasei ahi, amapa chun avah mangthah lou somko le ko chunga sang chun, hiche khat chunga chun akipahjon ahi. 14Chutobang chun hiche aneochaho lah-a khattou amanthah ding hi van'a um na-Pau lunglam ahipoi.

Chonsetna Nei Sopi

15 # Luk 17:3. Chule nasopi nachunga achonset tah-a ahile, chenlang nangle ama changseh hetnin asetna chu phoh-in; chua angaija ahile sopi chu nanei ahitai. 16#Danb 19:15. Angai lou vangle, ahetoh dingin mi nile thum kama thu jouse akichetna dingin, ni hile thum hile kipuijin. 17Chule chucheng sei jong angai loulaija ahile, houbung henga lhutnin; chua houbung thu jong angaisam louva ahile, ama chu nangho dingin chidang namdangle kaidongho banghen.

Akiphal Le Akiphalou

18 # Matt 16:19; Jhn 20:23. Tahbeh-a kasei ahi, itobang hijongle leiset chunga nakha-u chu van'a jong kikhah ding, leiset chunga nahonu chu van'a jong kihong ding ahi.

19Tahbeh-a kaseipeh kit nahiuve, Leiset chunga nalah uva mi nin kilungthoh tah-a thilthum neija atao lhonle, van'a um ka Pan abulhitpeh lhon ding ahi. 20Ijeh-inem itile hoikom hijongle mi ni hile thum hile kamina akikhopnao chana chun, alah uva kei kaumnai, ati.

Ngaidamna Neilou Sohpa Thulem

21 # Luk 17:3-4. Chupettah chun Peter ahenga ahungin, ajah-a, Pakai, kasopin kachunga ijatvei achonsetle kangaidam dingham? Sagivei geijinem? ati.

22 # Semt 4:24. Jesu'n ajah-a, Najah-a sagivei geijin katipoi; amavang sagi munsom sagivei geijin katijo bouve.

23Hijeh chun van lenggam thuhi lengpa khat asohtetoh sum sutoh dinga kigo-a toh kitekah thei ahi. 24Asuto pantan ahile, alah uva mikhat ama talent sangsom batpa chu ahenga ahinkai taovin ahi. 25Apeh ding ima anei lou jeh-in a-pakaipa chun amatoh, aji achate toh, anei chengse joh-a chule dit dingin thu apetan ahi. 26Achuti phatnin asohpa chun aboh khupmin, chibai aboh-in, Pakai, neikhongai tadin, abonin sadoh nange, ati. 27Hichun a-pakai pan alungsetnin, alhadoh-in, asumbat jong chu abeisah-in angaidam tai.

28Ahin chuche sohpa chu apotdoh phatnin, asohchanpi khat dangka somnga bat amun; amanin alol ameh-in, ajah-a, Neipeh ding chengse chu neipen, ati. 29Achuti phatnin asohchanpipa kengbula aboh khupmin, ahenga ataovin, Neikhongai tadin, keiman nang abonchan sanange, ati. 30Ahivangin ama anom hih-in, apeh ding chengse chu apeh kahsen songkul'a agakhumtan ahi. 31Chuin asoh chanpihon achuti umchan chu amuvin, alung phamo lheh-un, a-pakai pau henga ahungun thu umchan jouse chu ahung hiltaovin ahi. 32Chuphatnin a-pakai pan akoma akou lutnin ajah-a, Vo soh nunse, kahenga natao jeh-a kangaidam ahitai. 33Achutile keiman nang kalungset banga, nangin jong nasohchanpi nalungset ding thu hilouham? ati. 34Chuin a-pakaipa alunghangin, abat chengse asah chaisoh kahse-a dingin, mi bol gentheiho khutna apedohtai.

35Nanghon nasopiteu suhkhelna chu lunggiltah cheh-a nangaidam louvule, van'a um ka Pan nangho chutobanga chu nabol dingu ahi, ati.

Currently Selected:

Mathew 18: THADBSI

Highlight

Copy