Popular Bible Verses from Mathew 18

Share

Ijeh-inem itile hoikom hijongle mi ni hile thum hile kamina akikhopnao chana chun, alah uva kei kaumnai, ati.

Tahbeh-a kaseipeh kit nahiuve, Leiset chunga nalah uva mi nin kilungthoh tah-a thilthum neija atao lhonle, van'a um ka Pan abulhitpeh lhon ding ahi.

Chuin Jesu'n chapang neocha khat ahengah akouvin, alaijuva adinsah-in, Ajah uva, Tahbeh-a kaseipeh nahiuve, Nangho nakile heijuva chapang neochahotoh nabah kit louvule, iti nama jongle van lenggam nalut lou dingu ahi.

Hiche jeh-a chu hiche chapang neocha banga kineosah chu, van lenggama alenpen ahi.

Chule koi hijongle hitobang chapang khat keima mina sanga chun keima eisan ahi.

Tahbeh-a kasei ahi, itobang hijongle leiset chunga nakha-u chu van'a jong kikhah ding, leiset chunga nahonu chu van'a jong kihong ding ahi.

Nanghon nasopiteu suhkhelna chu lunggiltah cheh-a nangaidam louvule, van'a um ka Pan nangho chutobanga chu nabol dingu ahi, ati.

Ahin koi hijongle keima eitahsan hiche aneochaho lah-a khat kipal lhuh sah chan chu, angonga sumhei song lentah kikhaihen, twikhanglen thuhtah sunga kileh lutle ama dingin aphajoi.

Chule iti nangai touvem? Mikhatnin kelngoi ja khat aneija, alah-a khat ava mangthah-a ahile, aman somko le ko chu adalhah-a, molsang chung lama chea avah mangthah khat chu agaholji louham?