Mathew 16

Melchihna Angeh-u

(Mrk 8:11-13; Luk 12:54-56)

1 # Matt 12:38; Luk 11:16. Chuin Pharisaiho le Saddukai ho ahenga ahungun, apatepnan van'a kona melchihna khat avetsahna dinguvin athumun ahi. 2Aman adonbutnin, Nanghon nilhahle, Van san asoh-e; kho phading ahi, nati uvin. 3Chule jingkahle, van san asoh-in van anime; kho phalou ding ahi, nati uve. Vo nangho miphalhem ho, nanghon van umchan suhtoje vang naheuvin, phat umchan melchihna nasuto theipouve. 4#Matt 12:39; Luk 11:29. Migilou le mijong khanga miten melchihna aholuve, ahinla Jonah themgao melchihna tailou adang kipelou ding ahi, ati. Chuin amaho chu adalhan achemang tai.

Pharisaiho Leh Saddukai ho Chol

(Mrk 8:14-21)

5Chuin aseijuite gal lang khat agalkaijun, changlhah ahin pohai taovin ahi. 6#Luk 12:1. Hichun Jesu'n ajah uva, Pharisaiho le Saddukai ho chol lah-a chingtheijun lang kihongphauvin, ati.

7Amaho chun, Changlhah ikenlou jeh-u ahi, tin akihou lhiuvin ahi.

8Jesu'n hichu ahedoh-in, ajah uva, vo tahsan lhomho, changlhah nahinpoh loujeh uva ibola kihouhou nahiuvem? 9#Matt 14:17-21. Mi sangnga changlhah pheng nga-a chu paipeh ijat nalodoh uvem ti hedoh loulai le geljong geldoh loulai nahiuvem? 10#Matt 15:34-38. Chule mi sangli changlhah pheng sagi-a chu longkai ijat nalodoh-uvem? 11Keiman nangho jah-a changlhah thu kasei ahilou chu ibola helou nahiuvem? Pharisaiho le Saddukai ho chol lah-a kihongphauvin, kati ahibouve.

12Chutah chun changlhah chol lah-a ati hilouvin, Pharisaiho le Saddukai ho thuhil lah-a chingtheijun, ati ahi chu ahedoh taove.

Peter'in Jesu Christa Aphondoh

(Mrk 8:27-30; Luk 9:18-21)

13Chuin Jesu Caesaria Philippi gamkolsung ageijin, aseijuite jah-a, Mihon Mihem Chapa hi koi ahi atiuvem? tin adongin ahi.

14 # Matt 14:1-2; Mrk 6:14-15; Luk 9:7-8. Chuin amaho, Kimkhatnin, John Baptist ahi, atiuvin; kimkhatnin Elijah ahi, atiuvin; kimkhatnin Jeremiah ahi, ahiloule themgaoho lah-a khatpen ahi, atiuve; tin aseijun ahi.

15Aman amaho jah-a, Nanghonla koi ahi neitiuvem? ati.

16 # Jhn 6:68-69. Chuin Simon Peter'in adonbutnin, Nangma Pathen hing Chapa Christa chu nahi, ati.

17Chuin Jesu'n adonbutnin, ajah-a, Jona chapa Simon, anunnoma nahi; ijeh-inem itile tahsaphe le thisanin aphondoh hilouvin, van'a um ka-Pan aphondoh joh ahibouve. 18Chule keiman jong nangma jah-a kasei ahi, Nangma Peter nahi, chule hiche songpi chunga hi kahoubung kasahdoh ding ahi; chule mithi kho kul kotpin aneh jou lou ding ahi. 19#Matt 18:18; Jhn 20:23. Keiman nangma van lenggam kot-heh kapeh ding nahi; chule leiset chunga nangman nakha chan chu van'a jong kikhah ding; chule leiset chunga nangman nahon chan chu van'a jong kihong ding ahi, ati.

20Chujouvin ama Jesu chu Christa ahi koima jah-a seidoh hih-un, tin aseijuite chu ahilchah-in ahi.

Jesu'n Athoh Genthei Dingle Athi Ding Aseimasah

(Mrk 8:31—9:1; Luk 9:22-27)

21Chuche jou chun Jesu Jerusalem'a achea, upaho le thempu pipuiho chule danthu sunho-a kona thil tamtah athoh-a, chule akitha-a, chule ni thum ni-a kaithouva aum tei ding danje chu aseijuite ahil pantan ahi.

22Chuin Peter'in ama chu apuidoh-in, Pakai, hichu nanga konin gamla hen, chutobang chu nachunga chulouhel ding ahi, tin aphoh pantan ahi.

23Ahin Ama akiheijin Peter jah-a, Kanung lamah chen, Satan, Nangma keima dingin kipal lhuhna nahi. Nangman Pathen thulam gel louvin mihem thulam jeng nagele, ati.

24 # Matt 10:38; Luk 14:27. Chuphatnin Jesu'n aseijuite jah-a, Koi hile kanung eijui noma chu ama kingaitom hen, chule athingpel kiput henlang kanung hinjuihen. 25#Matt 10:39; Luk 17:33; Jhn 12:25. Ijeh-inem itile koi hile ahinna huhhing noma chun achan ding ahi; amavang koi hile keima jala ahinna chana chun akimu ding ahi. 26Ijeh-inem itile min vannoi leiset apumpin neihenlang ahinna chantale, a-ipi phachom dingham? Ahiloule min ahinna lhenga ipi apeh dingham? 27#Matt 25:31; Labu 62:12; Rom 2:6. Ijeh-inem itile Mihem Chapa a-Pa loupina-a avantil tetoh hung ding ahin; chule chutengle aman mijouse athilbol dungjui cheh-a tohman asansah ding ahi. 28Tahbeh-a kaseipeh nahiuve, Hikoma dingho kimkhat hi Mihem Chapa aleng gama ahung amu kahseuva thina tepkha lou ding aumuve, ati.

Currently Selected:

Mathew 16: THADBSI

Highlight

Copy