Popular Bible Verses from Mathew 16

Share

Chuphatnin Jesu'n aseijuite jah-a, Koi hile kanung eijui noma chu ama kingaitom hen, chule athingpel kiput henlang kanung hinjuihen.

Chule keiman jong nangma jah-a kasei ahi, Nangma Peter nahi, chule hiche songpi chunga hi kahoubung kasahdoh ding ahi; chule mithi kho kul kotpin aneh jou lou ding ahi.

Keiman nangma van lenggam kot-heh kapeh ding nahi; chule leiset chunga nangman nakha chan chu van'a jong kikhah ding; chule leiset chunga nangman nahon chan chu van'a jong kihong ding ahi, ati.

Ijeh-inem itile koi hile ahinna huhhing noma chun achan ding ahi; amavang koi hile keima jala ahinna chana chun akimu ding ahi.

Ijeh-inem itile min vannoi leiset apumpin neihenlang ahinna chantale, a-ipi phachom dingham? Ahiloule min ahinna lhenga ipi apeh dingham?

Aman amaho jah-a, Nanghonla koi ahi neitiuvem? ati. Chuin Simon Peter'in adonbutnin, Nangma Pathen hing Chapa Christa chu nahi, ati.

Chuin Jesu'n adonbutnin, ajah-a, Jona chapa Simon, anunnoma nahi; ijeh-inem itile tahsaphe le thisanin aphondoh hilouvin, van'a um ka-Pan aphondoh joh ahibouve.