Solchah THUMAKAI
THUMAKAI
ASUNPA: Solchah ho lekhabu hi louthem Luke sut ahi tihi kinelna bei ahi. Luke sut mong ahi ti hetchetna chu “Keiho” kiti thucheng hi avel vellin amangchai (16:10-17; 20:5-15; 21:1-18; 27:1-28:16). Amatah-in amuhole atoho asutdan akimui. Luke sut ahina ajeh kimu chu louthem ahinajeh ahi (16:10). Kipana thupha lekhabu masa anasut banjomma Solchah lekhabu hi Theophilus henga anathot kit ahi. (1:1) Troas munna Paul Macedonia gama dinga lhagaovin anakouna-a hin Luke jong anapangin, akigot danule akalson doh danu, chule Philippi alhundanu hoitah-in apen ahi. Luke hi Philippi'a hin Pakai na tongin kum gup tobang ana ume ti akihei, chujou nungin Paul Rome khopi-a sohchanga ahung umna-a hin Luke'in ana umpin ahi. Tahsan umtah chu hiche songkul'a Paul aumpi sung anunung lam phat sunga hi Solchah lekhabu hi asut ahiding ginchat ahi.
LEKHABU ATHUPINA: Solchah lekhabu hin houbung hung kibulphu umdan, lhagao theng thahatna noija ahung machal dan akimui. Christa houbung hi Pentecost nikhoa lhagao theng ahung kisol lhah-a mihem 3000 semdoh ahia patna, vannoi pumpi-a dinga munpipen anahi Rome khopi-a Paul'in kipana thupha aseiphong chan thudol akimui. Solchah lekhabu hi “Lhagao Theng natoh” lekhabun jong akihei. Hiche lekhabu sunga hin Lhagao Theng kiti thucheng hi somnga sanga tamjo akiseije. Lhagao Thenga baptize chan, lhagao theng dimset, chule lhagao theng kaihoi kiti hi aum matchetne. Hiche lekhabu hin kum 30 sunga mitheng ho natohdan, houbung kibulphule, akhantou chule vannoi pumpi losoh-a gospel kiseiphong dan kisun akimui.
AKISUT PHAT: Hiche lekhabu hi Paul Rome songkul'a auma Luke'in aumpi sunga asut ahiding hi ginchat lenpen ahi. Hiche akisutna ding phat hi A.D. 60 ahiloule 61 ginchat ahi.
ASUNGA THU UMHO
Hettohsah dinga kigotna (1:1-1-26)
Jesu thupeh le thutep nunung (1:1-14)
Juda Ischariot khel ding kilhen (1:15-26)
Jerusalem'a hettohsah (2:1-8:3)
Judah gam le Samaria'a hettohsah (8:4-12:25)
Paul lhacha natoh (13:1-28:31)
Missionary kholjin khatveina (13:1-14:28)
Jerusalem'a kikhopna (15:1-35)
Missionary kholjin niveina (15:36-18:22)
Missionary kholjin thumveina (18:23-21:16)
Paul songkul tan - Jerusalem, Caesarea chule Rome (2:17-28:31)
Currently Selected:
Solchah THUMAKAI: THADBSI
Highlight
Share
Copy
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.