APOSTOLMI Kilethi Tsa
Kilethi Tsa
Apostolmino Shilukeqo ye Luk wu Atsakiviu ishokibe keu lakhike. Hipau kimji akhotou ye Jisu papemi atughumiqo ye Aghungu Kimthe no mijetsu keu lono pa ghili Sutsa Kiviu pesu “Jerusalem lo, Judia kumtsu eno Samaria ngo ayeghi shekha kutolo” (1.8) kishi piwu keno tipau yekeu ke. Hiye Khristomino Judamiqo gholono ithasusu ipeghi puzu ayeghiqhano pululu kepu shilu keu ke. Akiyeu lokumsuye pawu kaku philukemi pelo Khristomi ye Rom kukaqha shikichini keu muqo lakhi kumo kepi ithithailu peniye eno Khristomino puluche keuye Judami chinelo huqhe laju chekeu shikupuve tsukeu kepi yetsu.
Apostolmi kakuye amqo kuthu shiluvi, tiye Jisu ghili Sutsa Kiviu pesu aqha kumtsulo asheshu eno akukuho phuphewo keu kiqi: (1) Jisu kunguu saikuve kethiu Jerusalem lo Khristomi itha ipeghi tughiu; (2) Palestin qha kutaulo vekuphawo keu eno (3) Mediteriya yeghiqhalo Rom kutolo alau vekuphave keu.
Apostolmi kakulo akhoto shi ithulu akeuye Aghungu Kimthe kumlake, pano Jerusalem lo Pentikost tsalani no akuka kuloghi lono kupulumi shou ighi eno kakulo pi puakeqo kumtsulo pano akukuhou eno tipaulo sakiphemiqo sapiye eno shikumto ke. Inahuu Khristomi no pikulha chekeu tsape ye atsapi supuakeqo lono ithulu ani eno hipaulo kiu shikepi yepuani keno tipau ithulu kelo atsape tipaqono kupulumi kuxulo eno akukuhou kuposhukululo akuka akeu pephepiye ke.
Supuakeu Xuagha
Ashepe shinike kutolu 1.1-26
a. Jisu zahkutsu ashekhau eno pa shoqhi 1.1-14
b. Judas thelilo qhusulu 1.15-26
Jerusalem lo ashepe shikeu 2.1—8.3
Judia ngo Samaria lo ashepe shikeu 8.4—12.25
Paul no shichekeu 13.1—28.31
a. puwukeu ghuzu atughiu 13.1—14-28
b. Jerusalem lo Ahoho 15.1-35
c. Puwukeu ghuzu akiniu 15.36—18.22
d. Puwukeu ghuzu akuthuu 18.23—21.16
e. Paul no Jerusalem, Kaisaria eno Rom lo akughumi
lakhi shive 21.17—28.31
Currently Selected:
APOSTOLMI Kilethi Tsa: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.