LUKE 4

Jesu heem a, a umna

1Huleh Jesu chu Hagau Siangthou a dimin Jordan lui apatin a kilehkiit a, huleh gamdai ah Hagau puiin a um a. 2Ni sawmli sung diabol heemin a umta a; huleh hu nite sungin bangmah a ne sih a; huin a tawpah a gil ahung kialta hi. 3Huin diabol in a kawmah, Pathian Tapa na hihleh hi suang tanghou suaah diingin thupia in, a chi a. 4Huleh Jesu’n, Mihing tanghou chauhin a hing sih diing a, Pathian thu chinin a hing zaw diing, chih gelh ahi, chi'n a dawng a. 5Huin diabol in amah chu taang saang khatah a puitou a, mitphetkal louin khovel lalgam zousiah a ensah a. 6Huin diabol in a kawmah, Hi zousiah tunga thuneihna leh a loupina chu ka hung pe diing: ka kawma piahkhiah ahita ngal a; huleh ka piah nuam taphot kawmah ka pe veu hi, 7Hujiahin kei na hung biah phot inchu a bawnin nanga ahi diing, a chi a. 8Huin Jesu’n a dawng a, a kawmah, Ka nunglamah um in Setan; Lalpa na Pathian na biah diing a, Amah nna chauh na tohsah diing ahi, chih gelh ahi, a chi a. 9Huin diabol in amah chu Jerusalem ah a pui a, Pathian biahinn tungzum ah a koih a, a kawmah, Pathian Tapa na hihleh hitah apat ke khesuh in; 10Ajiahchu Ama’n bang ahung kem diing a, a vaansawllehte thu a pe diing a, 11Huleh amahun a khut un ahung nadom diing uh; huchilou inchu na keeng in suang na suikha diing, chih gelh ahi, a chi a. 12Huin Jesu’n a dawng a, a kawmah, Lalpa na Pathian na ze-et louh diing ahi, chih ahi, a chi a. 13Huin diabol in a heemna diing tenga a heem zohin hun lemtaanga diingin a paisanta hi.

Jesu Nazareth a, a umna

14Huleh Jesu chu Hagau silbawltheihna in Galili gam ah a kileh kiitta a; huleh a tanchin chu hu gam kiim zousiah ah a thangsuahta hi. 15Huleh a kikhopna inn vah thu a hilh jel a, mi zousiah paahtawiin a umta hi. 16Huleh a khanletna khua Nazareth ahung tungta a; huleh a hihdan ngeina bangin khawlni in kikhopna inn ah a luut a, sim diingin a ding a. 17Huleh a kawmah zawlnei Isaiah lehkhabu a pia va, huin ama’n hu lehkhabu chu a pheet a, hi thu kigelhna laitah a mu a, 18Migentheite kawma Tanchinpha soi diing a ahung guat jiahin Lalpa Hagau chu ka tungah a um hi; ama’n chu lungtang hasete sudam diing leh, saltaangte kawma suahtaatna thu leh, mittawte kawma mit vaah kiitna thu soi diing leh, bawlsiat thuaahte zalensah diingin, 19Lalpa lungdam kum thu bang soi diingin ahung sawl hi, chih. 20Huin lehkhabu chu a jial a, thunatongtu kawmah a pe kiit a, a touta hi. Huleh kikhopna inn a um mi zousiah mit chu a tungah a tu vehta hi. 21Huin ama’n a kawmvah, Tuni’n hi Pathian Lehkhabu thu chu na jah un ahung taangtungta ahi, a chita hi. 22Huleh mi zousiah in a thu a heetpih va, a kam a pawt hehpihna thute chu limdang a sa mahmah uhi. Huleh amahun, Hipa hi Joseph tapa hilou ahiai mah? a chi uhi. 23Huleh ama’n a kawmvah Nangun hi paunaah, Doctor, nang leh nang kisudam in, Kapernaum khua a na silbawlte ka na jah zousiah uh, hi-ah nangmah kholamah zong bawl in, na hung chi ngei diing uh, a chi a. 24Huin ama’n, Chihtahzetin ka hung hilh ahi, zawlnei koimah amah gam sungah kipaahpih in a um ngei sih, 25Hizongleh thutah ka hung hilh ahi, Elijah damlaia kum thum leh ha guup vaan a kikhaah a, khovel a kial nasatah a tun laiin Israel gam ah meithai tampi a um uh; 26Hizongleh Sidon gam a Sarepta khua a meithainu khat kawmah chih louh a lahva koimah kawmah Elijah sawl ahi sih hi. 27Huleh zawlnei Elisa damlai in Israel gam ah phaah tampi a um uh, hizongleh Syriami Naaman chih louh koimah suhsiangthou in a um sih uhi, a chi a. 28Huleh kikhopna inn a um zousiah in hi thute a jah un a lungthah mahmahta uh. 29Huleh a dingdoh va, amah chu khua a kipanin a delhdoh va, a khotaang kawlkhou ah sawnkhiah diingin a pui uhi. 30Hizongleh amah chu a lahvah paisuaah in a chiahta hi,

Dawi niin paai suhdamna

31Huleh Galili gam a khua khat, Kapernaum ah a hungsuh a, huleh khawlnite in amah uh thu a hilh a. 32Huleh thuneitah a, a soi jiahin a thuhilh chu limdang a sa mahmah uhi. 33Huleh kikhopna inn ah dawiniin hagau nei mi khat a um a, huleh aw ngaihtahin a kikou a; 34Ka tangun hung umsah in; Nazareth Jesu, Nang leh kei un bang ahiai kizopna i neih? keiuh sumang diing a hung na hi maw? nang kua na hiai chih ka hung he hi, Pathian misiangthou na hi, a chi a. 35Huin Jesu’n a tai a, Sip inla, a sung apatin hung pawt in, a chi a. Huin dawiin amah chu a lai va a suhpuuh zohin a sung apatin ahung pawt a, amah a suna sih hi. 36Huleh a bawnun thumah a sa mahmah va, Hikhu bang thu hi ata’i le! ajiahchu thuneitah leh silbawlthei tahin dawiniinte thu a pia a, a pawt mai uh, chi'n a kihou va. 37Huleh hu kiim gam mun chinah a tanchin a thangta hi.

Simon ji nu leh midangte suhdamna

38Huleh amah chu a thou a, kikhopna inn apat a pawt a, Simon inn ah a luut a. Huleh Simon ji nu chu nasatahin ana khosih a; huchi'n amah diingin ana ngetsah va. 39Huleh amah chu amahnu geiah a ding a, khosih chu a tai a, huchi'n a phata hi; huleh ahung thoupah a, ana uh a tohsahta hi. 40Huleh nitumkuan ahung hihin natna tuamtuam a na damlou nei zousiah a kawmah ahung pui va; huleh ama’n a tung chiat vah a khut ana nga a, a sudamta hi. 41Huleh dawite zong, Nang Khrist, Pathian Tapa na hi, chi a kikou in mi tampite sung apat ahung pawtdoh uhi. Huleh ama’n amahuh a tai a a haam diing uh a phalsah sih hi; ajiahchu Khrist ahi chih a he uhi. 42Huleh khua ahung vaah in a pawt a, gamgaw munah a chiah a; mipite’n amah a hawl uh a, a kawmah a hung va, amahuh nuse lou diingin a hou uhi. 43Huleh ama’n a kawmvah, Pathian gam thu chu kho dangah zong ka soi diing ahi; hu diing a sawl ka hi him ahi, a chi a. 44Huleh Galili gam a kikhopna innte ah thu a soi jel hi.

Currently Selected:

LUKE 4: SIMTBSI

Highlight

Copy