ZEKARIA 5
5
Samhmei Latrikzy Ndawman
1Ai rui zauc pat dat pwki, mpwan khou latrikzy samc bammei ta how the. 2“Nang tabui how bu cho?” twna baanchara tei rui akhou thanv the. Ai rui daw the, “Mpwan khou latrikzy samc bammei ta how e; hei tei chowbuk 20 saengc e khatni chowbuk ruh daic e.”
3Khoutei kamei rui akhou sa the, “Mi kandic kapwm khou guang pw nimei syang mi khou tei hylou e. Kaihouhmei kathuicna ta mi kandic khou rui laa ganc puni twna kazat akhat thangc hylou e, kazat akhat thangc rui latdyng swlouna saraamhmei kathuic ta ni laa ganc puni twna hylou e. 4Ngamparymei Ringhpouc kamei rui syang tei mpat pat puni, kumna hei tei kaihouhmei kai kathuic khatni latdyng swlouna saraamhmei kai kathuic khou gutlou puni. Hei tei rui kaniw kai tei sw kamut kamailou puni.”
Khukphai Lungc khou Bammeipui Ndawman
5Baanchara tei guang datna sa dat re, “Mi khou nai bammei tei tabui tuang cho zauc o.”
6“Mi hei tabui cho?” twna ai rui thanv the.
Kamei rui daw the, “Mi hei khukphai e, mi hei mi kandih kapwm tuang paap the.”
7Mi khukphaic gwm tei misi rui swmei tuang e. Ai zauc bam khou kagwm tei laanc thau pwkhou mi khukphai lungc khou tei ntumei akhat bam khwan e!
8Baanchara tei rui sa the, “Mi hei simei twmei kiu the.” Mi tangv tei kamei rui mipui ta tei khukphai lungc khou tei thui keylou datna kagwm tei gumlou dat kan the. 9Ai zauc thau dat pwki aluakc kumc kaswbaengc tanhmei ntumei gaanv nei abiak thangc samc guangmei ta ai how the. Kanei rui khukphai tei puanc thauna hei tei puancna samc tat kan the.
10“Hei tei kanei tabui thangc puanclou nina cho?” twna ai rui baanchara khou tei thanv the.
11Kamei rui sa the, “Sinar twna kawmei kandic thangc tei tatna Ravkai akhat swlou khang e. Ravkai tei kasiamh luai pwkhou, mi khukphai tei mi khou tei louna kalum bam puni.”
Currently Selected:
ZEKARIA 5: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
