ZEKARIA 4
4
Thauhmai Tiangc Ndawman
1Ata kachuc bammei baanchara tei guang datna zipri bam khwanmei ta kumcna ata nchyang thau the. 2“Nang tabui how bu cho” twna kamei rui akhou thanv the. Ai rui daw the, “Kachaekc tuang thaucmai tiangc how e. Katwan khou thauhbungc nai e. Akhat khou mairiang chanei chanei naimei thauhmai chanei mi thaucmai tiangc khou tei nai e. 3Mi thaucmai tiangc tuang baanzat baandau khou tei Olive bang akhat akhat nai e.”#Nda 11.4 4“Mi hei tabui cho?” twna ai rui baanchara khou tei thanv the.
5“Mi kabac hei nang thay makna cho,” twna kamei rui akhou sa the. 6Nang rui ngam nimei tei rihmei nunc pumtan paan rui hamh e khatni nang pumtan rui ni hamh e tiki abumaengc paan rui ngam nina e.#Ezr 5.2 7Chyngbut di dimei kunghmei azuh tei ni nang hu khou amaan kan puni. Nang rui Ravkai tei kasiamh thaudat puni, kumna luailou nimei ntauh tei taplou pwkhou ‘Gay dyng the, Gay dyng the!’ twna meic nunc rui kauc puni. 8Ringhpouc khou rui lat akhat sa guang dat re, 9Kamei rui sa the, “Zerubbabel rui Ravkai kaiphwn tei thwanlou the, kumna kamei rui kai tei luailou puni. Mi hei guangtangc pwkhou, ai rui nang ta kaniw khou thouc guangmei tuang e, twmei meic nunc rui thay puni the. 10Kaniw lung tangkhyn the kalam thu kaniw maanvpaengh mak khe. Tiki Zerubbabel rui Ravkai tei kasiamh thau bammei tei how puni the, kumna kaniw neihla puni the.” #Nda 5.6
11Khoutei ai rui kumna kakhou thanv the, “Thauhmai baanzat baandau thangc nai bammei Olive bang kanei tei thu tabui kabac cho?#Nda 11.4 12Olive thauc tipatmei tuang kachaekc tuang thauhriang kanei daeng khou naimei Olivechy kanei tei ni tabui kabac cho?”
13“Nang thay makna cho?” twna kamei rui akhou thanv the.
“Ai thay mak ge” twna ai rui daw the.
14Khoutei kamei rui sa the, “Mi nei hei kandih kapwm kaipouc tuang siamruai sw khang Ravguangc rui kapahlouna thauh teyloumeipu nei e.”
Currently Selected:
ZEKARIA 4: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
