Lk PROSTAVNA
PROSTAVNA
Dogui zannam, Izraelacho toxoch sogllea monxakullacho Jezu Sodvonnar mhonn Luka Pormonnem Xubhvhortoman dakoun dita. “Goribank bori khobor porgottunk,” Devachea Atmean, Jezuk apoil’lo mhonn Luk hanga boroun dovorta. Jinsovar gorzancheam loka pasot, ekdomunch hea xubhvhortomanachi zainni. Luk kheritponnim survate-avesoramnim Jezuchea ienneachi, ani toxench nimanneam avesoramnim Jezuchea sorg-provesachi vizbi sontosacho nad-ui poilo sadoita. Sorg-provesa uprant, kristi bhavartache udorgoti ani halchala vixim hoch boroupi Apostlanchea Ithiasant dakhoun dita.
Devdutanchem git, Jezuchea zolma somoiar gonvlleanchi bhett, bhurgo Jezu Dev- Mondirant, Borea Samariekarachi ani Sanddlelea Putachi vopar, oslo vixoi-mhal chodd-so fokot heach xubhvhortomanant mellta. Hea xubhvhortomant soglle kodden, magnneacher, Povitr Atmeacher, Jezuche sevent ostoreanchea vauracher, ani Devan dil’lea patkancheam bhogsonneacher bharim sanglelem dista.
Hea Xubhvhortomanache Manddavollicho Attap
Prostavna 1:1-4
Juanv Batista ani Jezucho zolm ani bhurgi pirai. 1:5—2:52
Juanv Batistachi seva 3:1-20
Jezucho Batizm ani Tallni 3:21—4:13
Galileant Jezuchi bhouxik seva 4:14—9:50
Galileak thaun Jeruzaleak 9:51—19:27
Jeruzaleaxim ani Jeruzaleant nimannem satollem 19:28—23:56
Somiachem punnorjivontponn, dixnnim,ani sorg-proves. 24:1-53
Currently Selected:
Lk PROSTAVNA: KONKABSI
Highlight
Share
Copy
Want to have your highlights saved across all your devices? Sign up or sign in
Konkani Goan NT - Novo Korar NT
Copyright © Bible Society of India, 2010.
Used by permission. All rights reserved worldwide.