MARKOS Ka Jinglamphrang
Ka Jinglamphrang
Ka Gospel Kat Kum U Markos ka sdang da ka jingong ba ka dei “ka Khubor Babha shaphang U Jisu Khrist, U Khun U Blei.” Ïa U Jisu la pyn-i kum u briew uba treikam bad uba donbor. Ïa ka bor jong u la ïohi ha ka jinghikai jong u, ha ka bor jong u halor ki ksuid, bad ha kaba u map ïa ki pop jong ki briew. U Jisu u kren shaphang ïa lade kum u Khun U Briew, uba la wan ban ai ïa la ka jingim ban pyllait ïa ki briew na ka pop.
Ka Gospel Kat Kum U Markos ka ai ka jingïathuhkhana shaphang U Jisu ha ka rukom kaba shai bad kaba pynkhih mynsiem, da kaba kham shon jingmut halor kaei kaba U Jisu u la leh, ban ïa kaba long halor ki ktien bad ki jinghikai jong u. Hadien ka jingïathuh lyngkot shaphang u Ïoannis u Nongpynbaptis lem bad ka jingpynbaptis bad ka jingpynshoi ïa U Jisu, u nongthoh u pynbud noh da kaba ïathuh ïa ki kam ka jingpynkhiah bad jinghikai jong U Jisu. Katba ka por ka nang ïaid, ki nongbud jong U Jisu ki sdang ban sngewthuh kham bha shaphang jong u, hynrei kiba ïaleh pyrshah ïa U Jisu ki nang pyrshah jur ïa u. Ki lynnong kiba kut ki ïathuh ïa ki jingjia ha ka taïew bakhatduh U Jisu ha kane ka pyrthei, khamtam ïa ka jingsahnarphna bad ka jingmihpat jong u.
Ki Jingkdew
Ka jingsdang ka Gospel 1:1-13
Ka jingtrei U Jisu hapdeng ki briew ha Galilaïa 1:14—9:50
Na Galilaïa sha Jerusalem 10:1-52
Ka taïew bakhatduh ha Jerusalem bad ki jaka ba-marjan jong ka 11:1—15:47
Ka jingmihpat U Jisu 16:1-8
Ki jingmihpaw bad ka jingkiew noh sha bneng jong U Trai ba la mihpat 16:9-20
Currently Selected:
MARKOS Ka Jinglamphrang: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.