MATTHAÏOS 4

Ka jingshah pynshoi U Jisu

(Mrk. 1:12-13; Luk. 4:1-13)

1 # Heb. 2:18; 4:15 Nangta U Mynsiem u la ïalam ïa U Jisu sha ka ri shyiap ba yn pynshoi u da u Soitan. 2Hadien ba u la pynlut sawphew sngi bad sawphew miet khlem jingbam, U Jisu u la thngan. 3Te u Soitan u la wan ha U bad u la ong, “Lada me long U Khun U Blei, hukum ïa kine ki maw ban kylla kpu.”

4 # Deut. 8:3 Hynrei U Jisu u la jubab, “Ka Jingthoh bakhuid ka ong, ‘U bynriew um im tang da u kpu hi, hynrei u donkam ïa kawei pa kawei ka kyntien kaba U Blei u kren.’ ”

5Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ, 6#Salm. 91:11,12bad u la ong ha U, “Lada me long U Khun U Blei, pynnoh ïa lade sha tbian; naba ka Jingthoh Bakhuid ka ong:

“ ‘U Blei un ai hukum ïa la ki angel shaphang jong me;

kin bat ïa me hajrong da ki kti jong ki,

khnang ba wat ki kjat jong me ruh kin ym mynsaw ha ki maw.’ ”

7 # Deut. 6:16 U Jisu u la jubab, “Hynrei ka Jingthoh Bakhuid ka ong ruh, ‘Wat tynjuh ïa U Trai uba U Blei jong me.’ ”

8Nangta u Soitan u la ïalam ïa U Jisu sha u lumbah uba kynjang bad u la pyn-i ha U ïa baroh ki Hima jong ka pyrthei ha ka jingkhrawbor jong ki. 9“Ïa kine baroh ngan ai ha me,” u Soitan u la ong, “lada men dem khohsiew bad mane ïa nga.”

10 # Deut. 6:13 Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

11Nangta u Soitan u la iehnoh ïa U Jisu; bad ki angel ki la ïawan bad ki la ïarap ïa u.

U Jisu u sdang ïa ka jingtrei jong u ha Galilaïa

(Mrk. 1:14-15; Luk. 4:14-15)

12 # Mat. 14:3; Mrk. 6:17; Luk. 3:19,20 Haba U Jisu u la ïohsngew ba ïa u Ïoannis la thep ha ka ïingbyndi, u la leit noh sha Galilaïa. 13#Ïoan. 2:12Um shym la shong la sah ha Nasareth, hynrei u la leit ban shong ban sah ha Kapernam, ka nongrit harud ka Duriaw Galilaïa ha ka thain jong ka Sebulun bad ka Naphtali. 14Ïa kane la leh ban pynurlong shisha ïa kaei kaba u Isaïah u Nongïathuhlypa u la lah ong:

15 # Isa. 9:1,2 “Ko ka ri Sebulun bad ka ri Naphtali,

kaba ha lynti sha ka duriaw,

ha kawei pat ka liang jong ka Jordan,

ka Galilaïa, ka ri ki Jentil!

16Ki briew kiba shong ha ka jingdum

kin ïohi ïa ka jingshai kaba khraw.

Ha kito kiba im ha ka ri ba-dum jong ka jingïap

ka jingshai kan tyngshaiñ.”

17 # Mat. 3:2 Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

U Jisu u khot ïa ki saw ngut ki nongtong dohkha

(Mrk. 1:16-20; Luk. 5:1-11)

18Katba U Jisu u dang ïaid harud ka Duriaw Galilaïa, u la ïohi ïa ki ar ngut shi para kiba long ki nongtong dohkha, u Simon (ïa uba la khot u Petros) bad u para jong u, u Andriw, ba ki dang tong dohkha ha ka duriaw da ka jar. 19U Jisu u la ong ha ki, “To wan bad nga, bad ngan hikai ïa phi ban tong briew.” 20Shisyndon ki la iehnoh ïa la ki jar bad ki la ïaleit bad u.

21U la nang ïaid u la ïohi ïa ar ngut kiwei pat shi para, ïa u Jakob bad u Ïoannis, ki khun jong u Sebedi. Ki la don ha ka lieng lem bad u Sebedi u kpa jong ki, ba ki dang ïapynkhreh ïa ki jar jong ki. U Jisu u la khot ïa ki, 22bad shisyndon ki la iehnoh ïa ka lieng bad ïa la u kpa bad ki la ïaleit bad u.

U Jisu u hikai, u ïalap, bad u pynkhiah

(Luk. 6:17-19)

23 # Mat. 9:35; Mrk. 1:39 U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom. 24Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh. 25Ki paidbah byllien na Galilaïa bad Dekapolis, na Jerusalem, Judia bad na ka ri ha kawei pat ka liang jong ka Jordan ki la bud ïa u.

Currently Selected:

MATTHAÏOS 4: KHACLBSI

Highlight

Copy