MATTHAÏOS 3

Ka jingïalap u Ïoannis u Nongpynbaptis

(Mrk. 1:1-8; Luk. 3:1-18; Ïoan. 1:19-28)

1Ha kata ka por u Ïoannis Nongpynbaptis u la wan sha ka ri shyiap jong ka Judia bad u la sdang ban ïalap. 2#Mat. 4:17; Mrk. 1:15“To phai noh na ki pop jong phi,” u la ong, “naba ka Hima ki bneng ka la jan!” 3#Isa. 40:3U Ïoannis u la long uta u briew ïa uba u Isaïah u nongïathuhlypa u la kren shaphang jong u haba u la ong,

“U don uwei uba pyrta ha ka ri shyiap,

To pynkhreh ka lynti ïa U Trai;

to pynlong ka lynti kaba beit na ka bynta jong u ban ïaid!”

4 # 2 Syiem. 1:8 Ïa ki jaiñ jong U Ïoannis la shna da u shñiuh jong ka ut; u la panpoh da u panpoh snieh ha ka syngkai jong u, bad ka jingbam jong u ka la long da ki puit bad ka ngap khlaw. 5Ki briew ki la wan sha u na Jerusalem, na ka probins#3:5 probins: Kane ka dei ba shu bud beit ïa ka kyntien Province ha ka jingspeldak Khasi. baroh kawei jong ka Judia bad na kylleng ka ri kaba hajan ka wah Jordan. 6Ki la phla ïa la ki pop, bad u la pynbaptis ïa ki ha ka wah Jordan.

7 # Mat. 12:34; 23:33 Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah? 8To leh ïa kito kiei kiei ki ban pyn-i ba phi la phai noh na ki pop jong phi. 9#Ïoan. 8:33Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham! 10#Mat. 7:19Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding. 11Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u. 12U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

Ka jingpynbaptis ïa U Jisu

(Mrk. 1:9-11; Luk. 3:21-22)

13Ha kata ka por U Jisu u la wan poi na Galilaïa bad u la wan sha u Ïoannis ha ka wah Jordan ba yn shah pynbaptis ha u. 14Hynrei u Ïoannis u la pyrshang ban pynkylla ïa ka jingmut jong u. “Nga dei ban shah pynbaptis ha me,” u Ïoannis u la ong, “bad me la wan pynban sha nga!”

15Hynrei U Jisu u la jubab ïa u, “Ai ba kan long kumta ïa mynta. Naba kumne keiñ ngin pyndep ïa kata baroh kaba U Blei u dawa.” Kumta u Ïoannis u la mynjur.

16Hadien ba U Jisu u la shah pynbaptis, u la wan kiew noh na ka um. Nangta ïa ka bneng la plie ha u, bad u la ïohi ïa U Mynsiem jong U Blei uba wan hiar kum ka paro bad ka da wan shong halor jong u. 17#Jen. 22:2; Salm. 2:7; Isa. 42:1; Mat. 12:18; 17:5; Mrk. 1:11; Luk. 9:35Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

Currently Selected:

MATTHAÏOS 3: KHACLBSI

Highlight

Copy