KOLOSSAI 4
4
1 #
Eph. 6:9
Ko ki kynrad, to long kiba beit bad kiba hok ha ka rukom kaba phi leh ïa ki mraw jong phi. Kynmaw ba ma phi ruh phi don U Kynrad ha bneng.
Ki jingkyntu
2To ïaineh skhem ha ka jingduwai, bad to sharai haba phi duwai, da kaba ainguh ïa U Blei. 3Ha kajuh ka por to duwai ruh na ka bynta jong ngi, ba kumta U Blei un ai ha ngi ka kabu babha ban ïalap ïa ka khubor jong u shaphang ka jingmaïan U Khrist. Namar kata keiñ balei ba nga don mynta ha byndi. 4To Duwai, te, ba nga lah ban kren, kumba nga dei, ha kata ka rukom ba kan long kaba shai.
5 #
Eph. 5:16
To long kiba stad ha ka rukom kaba phi leh ïa kiwei ki bym pat ngeit, da kaba pyndonkam ha ka rukom kaba dei ïa kawei pa kawei ka kabu kaba phi ïoh. 6Ka jingkren jong phi ka dei ban long borabor kaba sngewbang bad kaba sngewtynnat, bad phi dei ban tip kumno ban ai ka jubab kaba dei ha uwei uwei baroh.
Ka jingai khublei khatduh
7 #
Ki Kam. 20:4; 2 Tim. 4:12 #
Eph. 6:21,22 U para ba-ieit jong ngi u Tukhikos, u nongtrei uba lah ban shaniah bad u para shakri ha ka kam jong U Trai, un sa ai ïa phi ka khubor baroh shaphang jong nga. 8Dei na kata ka daw balei ba nga phah ïa u sha phi, khnang ba un ai mynsiem ïa phi da kaba ïathuh ha phi kumno ngi baroh hangne ngi ïalong. 9#Phlm. 1:10-12Lem bad u, u wan u Onesimos, uta u para ba-ieit bad uba lah ban shaniah, uba dei na ka kynhun jong phi. Kin ïathuh ha phi ïa kaei kaei baroh kaba la jia hangne.
10 #
Ki Kam. 19:29; 27:2; Phlm. 1:24;
Ki Kam. 12:12,25; 13:13; 15:37-39 U Aristarkhos, uba ha byndi lem bad nga, u phah ka jingkhublei ïa phi, bad kumta ruh u Markos, u bakha jong u Barnabas. (Phi la da ïohpdiang lypa ïa ki jingbthah ban pdiang sngewbha ïa u Markos lada u wan sha phi.) 11U Joshua, ïa uba la khot ruh u Justos, u phah ruh ïa ki jingai khublei. Kine lai ngut ki long tang ma ki, ki parabangeit Jiw kiba trei bad nga na ka bynta Ka Hima U Blei, bad ki la long ka jingïarap bakhraw ïa nga.
12 #
Kol. 1:7; Phlm. 1:23 Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei. 13Nga lah ban sakhi da lade hi ïa ka jingtrei shitom jong u na ka bynta jong phi bad na ka bynta ki briew kiba ha Laodikaïa bad ha Hierapolis. 14#2 Tim. 4:11; Phlm. 1:24; 2 Tim. 4:10; Phlm. 1:24U Loukas, u doktor ba-ieit jong ngi, bad u Demas ki phah ki jingai khublei ïa phi.
15To ai ïa ka jingkhublei bakyrpang jong ngi ïa ki parabangeit ha Laodikaïa, bad ïa ka Nympha bad ïa ka balang kaba ïakynduh ha ka ïing jong ka. 16Hadien ba phi pule ïa kane ka shithi, pynthikna ba la pule ruh ïa ka ha ka balang ha Laodikaïa. Ha kajuh ka por, phi dei ban pule ïa ka shithi kaba ki parabangeit ha Laodikaïa kin phah sha phi. 17#Phlm. 1:2Bad ong ïa u Arkhippos, “Pynthikna ban pyndep ïa ka kam kaba la ai ha me ha ka jingshakri ïa U Trai.”
18Da ka kti jong nga hi nga thoh ïa kane: Ki jingai khublei na u Paul. Wat klet ïa ki kynjri jong nga!
To ai ba ka jingaiei jong U Blei kan long lem bad phi.
Currently Selected:
KOLOSSAI 4: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
