KI KAM 7
7
Ka jingkren jong u Stephan
1U Rangbah Lyngdoh u la kylli ïa u Stephan, “Hato kane ka dei kaba shisha?”
2 #
Jen. 12:1
U Stephan u la jubab, “Ko ki hynmen ki para bad ko ki kpa, shahshkor ïa nga! Ha shuwa ba u kpa tymmen jong ngi u Abraham un leit noh ban shong ha Haran, U Blei ka burom u la mihpaw ha u ha Mesopotamia bad u la ong ha u, 3‘Iehnoh ïa la ka longïing bad ïa ka ri bad leit sha ka jaka kaba ngan pyn-i ïa me.’ 4#Jen. 11:31; Jen. 12:4Bad kumta u la iehnoh ïa la ka ri bad u la leit ban shong ban sah ha Haran. Hadien ba u kpa jong u Abraham u la ïap, U Blei u la pynlong ïa u ban kynriah sha kane ka jaka ha kaba phi mynta phi shong phi sah. 5#Jen. 12:7; 13:15; 15:18; 17:8U Blei, mynkata, um shym la ai ha u Abraham ïa kano kano ka bynta jong ka kum ka jong u hi, ym wat shi mitar sawdong jong ka khyndew, hynrei U Blei u la kular ban ai ïa ka ha u, bad ba kan long ka jong u bad ka jong ki khun ki ksiew jong u. Ha ka por ba U Blei u la pynlong ïa kane ka jingkular, u Abraham um pat don khun. 6#Jen. 15:13,14Kane ka long kaei kaba U Blei u la ong ha u: ‘Ki khun ki ksiew jong me kin shong ha ka ri nongwei, ha kaba kin long ki mraw bad kin shah lehbeiñ haduh sawspah snem. 7#Eks. 3:12Hynrei ngan sa bishar ïa kata ka jaitbynriew ïa kaba kin shakri, bad hadien kata ki khun ki ksiew jong me kin mihnoh na kata ka ri bad kin mane ïa nga ha kane ka jaka.’ 8#Jen. 17:10-14; Jen. 21:2-4; Jen. 25:26; Jen. 29:31—35:18Nangta U Blei u la ai ha u Abraham ïa ka jinglehniam ka jingotsher kum ka dak jong ka jutang. Kumta u Abraham u la otsher ïa u Isaak hadien shi taïew naduh ba la kha ïa u; u Isaak u la otsher ïa u Jakob u khun jong u bad u Jakob u la otsher ïa ki khat-ar ngut ki khun shynrang jong u, ki kpa tymmen kiba pawnam jong ka jaitbynriew jong ngi.
9 #
Jen. 37:11;
Jen. 37:28;
Jen. 39:2,21 “Ki khun shynrang jong u Jakob ki la bishni ïa u Joseph u para jong ki bad ki la die ïa u ban long u mraw ha Ijipt. Hynrei U Blei u la don lem bad u bad u la pyllait ïa u na ki jingjynjar jong u baroh. 10#Jen. 41:39-41Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem. 11#Jen. 42:1,2Nangta ka la don ka 'nemsniew ha baroh ka Ijipt bad ka Kanaan, kaba la pynshitom shikatdei eh. 12Ki kpa tymmen jong ngi kim shym shem jingbam ei ei, bad haba u Jakob u la ïohsngew ba don kew ha Ijipt, u la phah ïa ki khun shynrang jong u, ki kpa tymmen jong ngi, ha ka jingleit banyngkong jong ki shata. 13#Jen. 45:1; Jen. 45:16Ha ka jingleit kaba ar u Joseph u la pynithuh ïa lade ha la ki hynmen shynrang, bad u syiem ka Ijipt u la ïoh jingtip shaphang ka longïing jong u Joseph. 14#Jen. 45:9,10,17,18; Jen. 46:27Kumta u Joseph u la phah khubor sha u Jakob, u kpa jong u, da kaba ong ïa u bad ïa ka longïing baroh kawei, baroh hynñiewphew san ngut, ban wan sha Ijipt. 15#Jen. 46:1-7; Jen. 49:33Nangta u Jakob u la leit sha Ijipt, ha kaba ma u bad ki khun shynrang jong u ki la ïap. 16#Jen. 23:3-16; 33:19; 50:7-13; Josh. 24:32Ïa ki met jong ki la leit rah sha Shekhem, ha kaba la tep ïa ki ha ka jingtep kaba u Abraham u la thied da ka pisa na ka jait Hamar.
17 #
Eks. 1:7,8 “Haba ka por ka la nang jan na ka bynta U Blei ban bat ïa ka kular kaba u la kular ha u Abraham, ka jingdon jong ki briew jong ngi ha Ijipt ka la roi bun shah. 18Ha kaba khatduh u syiem u bym shym ithuh ïa u Joseph u la sdang ban synshar ha Ijipt. 19#Eks. 1:10,11; Eks. 1:22U la shukor ïa ki kpa tymmen jong ngi bad u la long uba shyrkhei ïa ki, da kaba pynbor ïa ki ban bret ïa ki khunlung jong ki na ki longïing jong ki, khnang ba kin ïap. 20#Eks. 2:2Ka la long ha kane ka por ba la kha ïa u Moses, u khunlung uba bhabriew haduh katta katta. 21#Eks. 2:3-10La sumar ïa u ha ïing haduh lai bnai, bad haba la buh ïa u shabar na ka ïing jong u, ka khun jong u syiem ka la ting khun ïa u bad ka la pynheh pynsan ïa u kum la u jong u khun. 22La hikai ïa u ha ka jingstad baroh jong ki nong Ijipt bad u la long u briew uba khraw ha ki ktien bad ki kam.
23 #
Eks. 2:11-15
“Haba u Moses u la dap sawphew snem ka rta, u la kut jingmut ban wad kumno la ju leh ïa ki para Israel jong u. 24U la ïohi ïa uwei na ki ba u la shah lehbeiñ ha u nong Ijipt, kumta u la leit ban ïarap ïa u bad u la pynhiarkput ïa u nong Ijipt da kaba pynïap ïa u. 25(U la pyrkhat ba ki briew jong u kin shemphang ba U Blei un sa pyndonkam ïa u ban pyllaitluid ïa ki, hynrei kim shym shemphang.) 26Ha ka sngi kaba bud u la ïohi ar ngut ki Israel kiba dang ïashoh, bad u la pyrshang ban pynïasuk ïa ki u da ong, ‘Shahshkor, ko rangbah,’ u la ong, ‘phi ïalong para Israel; balei ba phi ïashoh kumne?’ 27Hynrei uta uba la lehbeiñ ïa uta uwei pat u la khynñiat sharud ïa u Moses. ‘Mano ba la pynlong ïa me u nongsynshar bad u nongbishar halor jong ngi?’ u la kylli. 28‘Hato me kwah ban pynïap ïa nga, kumba me la pynïap ïa uto u nong Ijipt mynhynnin?’ 29#Eks. 18:3,4Haba u Moses u la ïohsngew ïa kane, u la phet noh na Ijipt bad u la leit noh ban shong ban sah ha ka ri ki Midian. Hangta u la don ar ngut ki khun shynrang.
30 #
Eks. 3:1-10
“Hadien ba ki sawphew snem ki la ïaid, u angel u la paw ha u Moses ha ki thylliej ding jong ka 'lawlynnong kaba ing hajan u lum Sinai. 31U Moses u la sngewlyngngoh ïa kaei kaba u la ïohi, bad u la leit hajan ka 'lawlynnong ban ïohi kham bha. Hynrei u la ïohsngew ïa ka sur jong U Trai: 32‘Nga long U Blei jong ki kpa tymmen jong me, U Blei jong u Abraham, u Isaak bad u Jakob.’ U Moses u la khynñiuh da ka jingsheptieng bad um shym la nud ban peit. 33U Trai u la ong ha u, ‘Loit noh ïa ki juti, naba ka jaka ha kaba me ïeng ka long ka khyndew kaba khuid. 34Nga la ïohi ïa ka jingshah shitom bashyrkhei jong ki briew jong nga ha Ijipt. Nga la ïohsngew ïa ki jingud jong ki, bad nga la wan hiar ban pyllaitluid ïa ki. Ale mynta; ngan phah ïa me sha Ijipt.’
35 #
Eks. 2:14
“U Moses u long uta uba la shah kyntait da ki paid Israel. ‘Uei uba la pynlong ïa me u nongsynshar bad u nongbishar halor jong ngi?’ ki la kylli. U long ma u, uba U Blei u la phah ban synshar ïa ki briew bad ban pyllaitluid ïa ki da ka jingïarap jong u angel uba la mihpaw ha u ha ka bniap kaba mehding. 36#Eks. 7:3; Eks. 14:21; Jkhñ. 14:33U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap. 37#Deut. 18:15,18U Moses u long uta uba la kren ha ki paid Israel, ‘U Blei un phah ha phi ïa u nongïathuhlypa, kumba u la phah ïa nga, bad un long uba napdeng ki briew jong phi.’ 38#Eks. 19:1—20:17; Deut. 5:1-33U long ma u, uba la ïadon lem bad ki paid Israel haba ki la ïalumlang ha ka ri shyiap; u la don lem hangta bad ki kpa tymmen jong ngi lem bad u angel uba la kren ha u, ha u lum Sinai, bad u la ïohpdiang ïa ka khubor ba-im ka jong U Blei ban ai pateng ha ngi.
39“Hynrei ki kpa tymmen jong ngi ki la kyntait ban kohnguh ïa u; ki la ñiat ïa u sharud bad ki la kwah ban leit phai pat sha ka ri Ijipt. 40#Eks. 32:1Kumta ki la ong ha u Aaron, ‘To thaw ïa ngi katto katne ki blei ki ban ïalam ïa ngi. Ngim tip kaei kaba la jia ïa une u Moses, uba la wallam ïa ngi na ka ri Ijipt. 41#Eks. 32:2-6Ka la long hangta ba ki la thaw ïa ka bleithaw ha ka dur jong u masi, ki la ai jingkñia ha ka, bad ki la ïakhawai ha kaba ai burom ïa kaei kaba ma ki hi ki la lah thaw. 42#Amo. 5:25-27Kumta U Blei u la phai noh na ki, bad u la iehnoh ïa ki ban mane ïa ki khlur ka sahit bneng, kumba la thoh ha ka kitab ki nongïathuhlypa:
“ ‘Ko ki paid Israel! Ym dei sha nga
ba phi la pynïap bad kñia ïa ki jingri
haduh sawphew snem ha ka ri shyiap.
43Ka la long ka ïingjaiñ jong u blei Molekh uba phi la bah,
bad ka dur jong u Rephan, u blei khlur jong phi;
ki la long ki bleithaw kiba phi la thaw ïa ka ban mane.
Bad kumta ngan phah ïa phi sha ka jinglongmraw sha palat ka Babilon.’
44 #
Eks. 25:9,40 “Ki kpa tymmen jong ngi ki la don bad ki ïa ka Ïingjaiñ ka Jingdon Ryngkat U Blei, ha ka ri shyiap. La thaw ïa ka kat kumba U Blei u la ong ha u Moses ban thaw ïa ka, kat kum ka dur ïa kaba la pyn-i ha u Moses. 45#Josh. 3:14-17Hadien, ki kpa tymmen jong ngi kiba la ïohpdiang ïa ka ïingjaiñ na ki kpa jong ki, ki la bah ïa ka lem bad ki haba ki la leit bad u Joshua bad shimti ïa ka ri na ki jaitbynriew kiba U Blei u la beh katba ki nang tur sha khmat. Bad ka la don hangta haduh ka por jong u Dabid. 46#2 Sam. 7:1-16; 1 Khrn. 17:1-14U la ïoh ïa ka jingsngewbha jong U Blei, bad u la kyrpad ïa U Blei ban shah ïa u ban pynkhreh ka ïing na ka bynta U Blei jong u Jakob. 47#1 Syiem. 6:1-38; 2 Khrn. 3:1-17Hynrei dei u Solomon uba la tei ïa ka ïing na ka bynta jong u.
48“Hynrei U Blei Uba Hakhlieh Tam Eh um shong ha ki ïing ba la tei da ki briew, kumba u nongïathuhlypa u ong,
49 #
Isa. 66:1,2 “ ‘Ka bneng ka long ka khet jong nga, ong U Trai,
bad ka khyndew ka long ka jingïuhkjat jong nga.
Ka ïing kaba kumno te phin tei ïa nga?
Hangno ka jaka ba ngan shong?
50Hato ym dei ma nga hi uba la thaw ïa kine kiei kiei baroh?’
51 #
Isa. 63:10
“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid! 52Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u. 53Phi long kita kiba la ïohpdiang ïa ka hukum jong U Blei, kata kaba la wan ai da ki angel — pynban phim shym la kohnguh ïa ka!”
Ka jinglynthem maw ïa u Stephan
54Katba ki dkhot jong ka Dorbar ki pynshahshkor ïa u Stephan, ki la bitar shla bad ki la kyr-iat bniat ïa u ha ka jingbitar. 55Hynrei u Stephan, uba dap da U Mynsiem Bakhuid, u la khmied sha bneng bad u la ïohi ïa ka burom jong U Blei bad ïa U Jisu uba ïeng sha ka liang kamon jong U Blei. 56“Ha khmih!” u la ong. “Nga ïohi ïa ka bneng ba la plie bad ïa U Khun U Briew ba u ïeng ha ka liang kamon jong U Blei!”
57Da ka jingpyrta bajam ki dkhot jong ka Dorbar ki la set ïa la ki shkor da la ki kti. Nangta baroh ki la tur sha u hangta hi, ki la bret ïa u shabar ka nongbah, bad ki la lynthem maw ïa u. 58Ki sakhi ki la iehnoh ïa la ki jaiñ ha ka jingsumar u samla uba kyrteng u Saul. 59Ki la ïai lynthem maw ïa u Stephan katba u dang khot kyrpad ïa U Trai, “A Trai Jisu, to pdiang ïa ka mynsiem jong nga!” 60U la dem khohsiew bad u la kyang da ka ktien bajam, “A Trai! wat kynmaw ïa kane ka pop pyrshah ïa ki!” U la ong ïa kane bad u la ïap.
Currently Selected:
KI KAM 7: KHACLBSI
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.