2 THESSALONI 1
1
1 #
Ki Kam. 17:1
Na u Paul, u Silas bad u Timothi —
Ha ki parabangeit jong ka balang ha Thessaloni, kiba long ki jong U Blei uba U Kpa jong ngi bad ki jong U Jisu Khrist uba U Trai:
2Ai ba U Blei uba U Kpa jong ngi bad U Jisu Khrist uba U Trai kin ai ha phi ka jingaiei bad ka jingsuk.
Ka jingbishar ha kata ka jingwan U Khrist
3Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw. 4Dei kata keiñ balei ba ma ngi hi ngi sngewsarong shaphang jong phi ha ki balang jong U Blei. Ngi sngewsarong shaphang ka rukom kaba phi ïaineh ban shah bad ban ngeit lyngba baroh ki jingpynshitom beiñ bad ki jingshahshitom kiba phi ïohmad.
5Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom. 6U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom, 7bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u, 8lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi. 9#Isa. 2:10Kin shah ïa ka jingpynshitom jong ka jingpynjot bymjukut, kiba la pynïakhlad na ka jingdon ryngkat ka jong U Trai bad na ka jingkhlaiñbor badonburom jong u, 10haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.
11Dei kata keiñ balei ba ngi ïai duwai borabor na ka bynta jong phi. Ngi kyrpad ïa U Blei jong ngi ban pynlong ïa phi kiba bit ïa ka jingim kaba u la khot ïa phi ban im. Ai ba un pyndap da ka bor jong u ïa ka jingkwah jong phi baroh na ka bynta ka jingbha bad ban pyndep ïa ka jingtrei ka jingngeit jong phi. 12Ha kane ka rukom ka kyrteng jong U Jisu uba U Trai jong ngi kan ïohpdiang ïa ka burom na phi, bad ma phi na u, da ka jingaiei jong U Blei jong ngi bad jong U Jisu Khrist uba U Trai.
Currently Selected:
2 THESSALONI 1: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.