2 THESSALONI 2
2
Uta u Basniew
1 #
1 Thess. 4:15-17
Ha kaba ïadei bad ka jingwan pat ka jong U Jisu Khrist U Trai jong ngi bad ka jinglum lang ïa ngi ban long lem bad u: Nga kyrpad ïa phi, ki parabangeit jong nga, 2ban ym shah pynshaïong jingmut da kaba suk ha ka jingpyrkhat jong phi lane ban shah pynkhuslai da ka jingkam ba ka Sngi jong U Trai ka la lah wan. Lehse ka long ba la mut ba ngi la ong ïa kane katba ngi dang ïathuhlypa lane ïalap, lane ba ngi la thoh ïa ka ha ka shithi. 3Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok. 4#Dan. 11:36; Ese. 28:2Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.
5Hato phim kynmaw? Nga la ïathuh ha phi ïa kane baroh mynba nga dang don lem bad phi. 6Pynban don kaei kaei kaba khang ïa kane ban jia mynta, bad phi tip ka dei kaei. Ha ka por kaba biang, te, Uta Uba Sniew un mihpaw. 7Ka Jingbymman Bamaïan ka la da trei, hynrei, kaei ka ban jia, kan ym jia tad ynda ïa uta uba bat ïa ka la weng noh na ka lynti. 8#Isa. 11:4Te ïa Uta u Basniew yn sa pynpaw, hynrei haba U Trai Jisu u wan, Un pynïap ïa u da ka jingpynhiar mynsiem na ka shyntur jong U bad pynjot ïa u da ka jingthaba ka jingdon ryngkat jong U. 9#Mat. 24:24Uta u Basniew un wan ha ka bor u Soitan bad un leh shibun ki kambah bad ki kamphylla kiba bakla, 10bad un pyndonkam ïa kawei pa kawei ka jingshukor bymman ha kito ki ban sa jot noh. Kin jot noh namar ba kim pdiang sngewbha bad ieit ïa ka jingshisha khnang ba kin ïoh im. 11Bad kumta U Blei u phah ïa ka bor ka jingbakla ban trei ha ki khnang ba kin ngeit ïa kaei ka bymshisha. 12Kaba mih ka long, ba ïa kito baroh ki bym shym la ngeit ïa ka jingshisha hynrei kiba la sngewbha ha ka pop, yn pynrem.
La jied ïa phi sha ka jingpynim
13Ngi dei ban ainguh ïa U Blei ha ki por baroh na ka bynta jong phi, ko parabangeit, phi kiba U Trai u ieit. Naba U Blei u la jied ïa phi kum kiba nyngkong ban pynim da ka bor U Mynsiem ban pynlong ïa phi ki riewkhuid jong u bad da ka jingngeit jong phi ha ka jingshisha. 14U Blei u la khot ïa phi sha kane lyngba ka Khubor Babha kaba ngi la ïalap ha phi; u la khot ïa phi ban ïohkynti ïa la ka bynta jong ka burom jong U Jisu Khrist U Trai jong ngi. 15Kumta te, ko parabangeit jong ngi, to ïeng skhem bad batskhem ha kito ki jingshisha kiba ngi la hikai ïa phi, ha ka jingïalap jong ngi bad ha ka shithi jong ngi.
16Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem, 17un pynshlur ïa phi bad pynshaitbor ïa phi ban ïai leh bad kren ïa kaei kaba bha.
Currently Selected:
2 THESSALONI 2: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
