1 THESSALONI 1
1
1 #
Ki Kam. 17:1
Na u Paul, u Silas, bad u Timothi —
Ha ki parabangeit jong ka balang ha Thessaloni, kiba long ki jong U Blei uba U Kpa bad U Jisu Khrist uba U Trai:
Ai ba ka jingaiei bad ka jingsuk kan long ka jong phi.
Ka jingim bad ka jingngeit jong ki nong Thessaloni
2Ngi ainguh borabor ïa U Blei na ka bynta jong phi baroh bad ngi ïai kynmaw ïa phi borabor ha ki jingduwai jong ngi. 3Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem. 4Ko parabangeit ba-ieit jong ngi, ngi tip ba U Blei u ieit ïa phi bad ba u la jied ïa phi ban long ki jong u hi. 5Naba ngi la wallam ïa ka Khubor Babha ha phi, ym tang ha ki ktien, hynrei ruh ha ka bor bad ha U Mynsiem Bakhuid, bad da ka jingsngewthuh pura ïa ka jingshisha jong ka. Phi tip kumno ngi la im mynba ngi la don bad phi; ka la long na ka bynta ka jingbha jong phi hi. 6#Ki Kam. 17:5-9Phi la pyrthuh bud ïa ngi bad ïa U Trai; wat la phi la shahshitom shikatdei eh, phi la pdiang ïa ka khubor da ka jingkmen kaba wan na U Mynsiem Bakhuid. 7Kumta phi la kylla long ka nuksa ïa kiba ngeit baroh ha Makedonia bad ha Akhaïa. 8Naba ym dei tang ba ka khubor shaphang U Trai ka la mih na phi sha kylleng ka Makedonia bad Akhaïa, hynrei ka khubor shaphang ka jingngeit jong phi ha U Blei ka la par kylleng. Ym don shuh kano kano te ba ngi donkam ban ong. 9Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im 10bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.
Currently Selected:
1 THESSALONI 1: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
