LUKA 10
10
Sâwmsarihai rawngbâwlna
1Chu zoa chun Lalpân mi dang sâwmsari#Ziek ṭhena chu “pahni” an bel a ruot a, a fena ding khaw tina le hmun tinah, a hmaah pahni peiin a tir a.
2 #
Mt 9.37-38; 10.16 Chun, an kuomah, “Bu sîk ding a tam hle a, nisienlakhawm, a sinthawtuhai an tlâwm; chuongchun, a bu sîk dinga sinthawtuhai ding tir dingin bu Neitupa kuoma chun ngên ro.
3“Fe ro, ngai ta u, satene laia berâmte um angin ka tir cheu hi.
4 #
Mt 10.7-14; Mk 6.8-11; Lk 9.3-5 Tangka ip dâm, mansa dâm, kekawk dâm, chawi naw ro, lampuiah tukhawm chibai bûk naw ro.
5Chun, in in lûtna taphawtah a hmasatakin, ‘Hi ina hin thlamuongna tlung raw se,’ ti ro.
6Chun, chutaka chun thlamuong nau a um chun in thlamuongna thu chu a chungah um zing a tih; a um naw ruok chun in chungah hung kîr nâwk a tih.
7 #
1 Kor 9.14; 1 Tim 5.18 Chu ina chun um zing unla, an pêk taphawt cheu chu fain dâwn unla, sinthawtu chu hlaw hmu tlâk a nih. In tinah fe lâwr naw ro.
8“Chun, khuo in lûtna taphawtah an lâwm cheu chun an pêk ang ang cheu chu fa ro;
9an khuoa damnaw umhai khawm sukdam unla, an kuomah, ‘Pathien ram in kuomah a tlung tah,’ ti ro.
10 #
Tt 13.51
Khuo in lûtna taphawtah an lâwm naw cheu ruok chun, an kawtthlêrahai fe suok unla,
11‘In khaw pilvut kan kephaa kai khawm hi in chungah kan hrûk fai hi; nisienlakhawm, Pathien ram in kuomah a hung tlung tah ti hi hre ro,’ ti ro.
12 #
Gen 19.24-28; Mt 11.24; 10.15 Ka ti cheu hi, chu nia chun chu khuohai tuor nêk chun Sodom khaw tuor ding chu a zie um lem a tih.
Khawpui sim nawhai ta dinga chungrikna
(Mt 11.20-24)
13 #
Is 23.1-18; Ezek 26.1; 28.26; Joel 3.4-8; Am 1.9-10; Zek 9.2-4 “Korazin i chung a rik! Bethsaida, i chung a rik! Nangnia thil maktak thawa umhai kha Tura le Sidona thaw ni sienla, saiip puon sila vut laia ṭhungin sim dai tâng an tih.
14Nisienlakhawm, ngaituo nia chun nangni tuor nêk chun Tura le Sidon tuor ding chu a zie um lem a tih.
15 #
Is 14.13-15
Chun, nang Kapernaum, vân chenin chawimawi i ni ding am a nih? Mithi khuo chena nam thlâk i ni ding i sawnnaw.
16 #
Mt 10.40; Mk 9.37; Lk 9.48; Jn 13.20 “Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.
Sâwmsarihai hung kir nâwk thu
17Chun, sâwmsarihai#Ziek ṭhena chu “pahni” an bel chu lâwmtakin an hung a, “Lalpa, khawhrihai khawm i hming leiin kan thu thuin an um,” an ta.
18Chun, ama chun an kuomah, “Kâwlinlep angin Setan vâna inthaw- ka hung tla kha ka hmu annaw.
19 #
Sm 91.13
Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.
20Nisienlakhawm, khawhrihai in thu thua an um leiin lâwm naw ro; vâna in hming ziek a ni leiin lâwm lem ro,” a ta.
Isu lâwmthu hrilna
(Mt 11.25-27; 13.16-17)
21Chun, chu lai tak chun Isu chu Thlarau Inthiengah a lâwm bêk bêk a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautêhai kuomah i puong lei hin kân pâk che; anih, Pa, chuong anga thaw chu i ngaiin a ṭha a nih.
22 #
Jn 10.15
Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.
23Chun, inchûktirhai kuom tieng chu a ngha a, inrûkin, “In thil hmuhai hi a hmûna mithai chu a vângnei ie!
24Ka ti cheu hi, zâwlnei tamtak le, lal tamtakhai khawmin in thil hmuhai hi hmu an inhâwk hlak a; nisienlakhawm, an hmu si nawh; naa in hriethai khawm hi hriet an nuom hlak, nisienlakhawm, an hriet si naw a nih,” a ta.
Samari mi ṭha chu
25 #
Mt 22.35-40; Mk 12.28-34 Chun, ngai ta, dân hretu tû amanih a ngîr a, ama infiena dingin, “Inchûktirtu, chatuona hringna neina dingin ieng am ka thaw ding?” a ta.
26Chun, ama chun a kuomah, “Dân lekhabuah ieng am ziek a na? chutaka chun ieng am i tiem hlak a?” a ta.
27 #
Dt 6.5; Lev 19.18; 18.5 Chun, ama chun, “ ‘Lalpa i Pathien chu i lungril po poin, i thlarau po poin, i hrâtna po poin, i lungvar po poin i hmangai ding a nih’; ‘Nangma în hmangai angin i vênghai khawm i hmangai ding a nih,’ ti hi,” a ta, a dawn a.
28Ama chun a kuomah, “I dawn dik ngawt el ie; chuong ang chun thaw la hring i tih,” a ta.
29Ama ruok chun thiem inchangtir a tum a, Isu kuomah, “Anleh, ka vênghai chu tuhai am an na?” a ta.
30Isûn a dawn a, “Mi pakhat Jerusalema inthawkin Jeriko tieng a fe thla a, suomhmanghai ân tuokpui hlau a, chuhai chun a silfên an hlîppêk vawng a, an vuok hrep a, thi vâng vângin an fe san ta a.
31Chun, thiempu pakhat chu lampuia chun a zu fe hlau a, a hmu phingleh lampui sîr khat tieng a hêl el ta a.
32Chun, chuong ang bawkin Levi chi mi pakhat khawm chu hmun chu a hung tlung a, a hmu phingleh lampui sîr khing tieng a hêl ve el ta a.
33Amiruokchu, Samari rama mi tû amanih ân zin fe hin a umna chu a hung tlung a, a hmu phingleh a lunginsiet bêk bêk a.
34A kuomah a va fe a, a pawpahai chun hriek le uoin dâm a nâl a, a tuom a, ama sa chungah ân chuongtir a, khuolbûkah a fepui a, a enkawl ta a.
35Chun, a zînga chun duli#Denarion pahni a kei dawk a, khuolbûk vêngtu kuomah a pêk a, ‘Lo enkawl la, hi bâka i sêng po chu ka hung kîr nâwk pha hung thung ka ti che,” a ta.
36“Chuhai pathum laia chun suomhmang tuokpa vênghai chu a tû tak chu am ni dingin i ring a?” a ta.
37Ama chun, “Ama lunginsiettu chu,” a ta. Chun, Isûn a kuomah, “Nang khawm chuong ang bawk chun va thaw ve rawh,” a ta.
Martha le Mari thu
38 #
Jn 11.1
Chun, an inzin malamin khaw ienga manih a lût a; chun, nuhmei pakhat a hming Marthain a lo intlungtir a.
39Ama chun zuorpui pakhat a nei a, Mari a na; ama chu Lalpa ke bulah a ṭhung a, a thu a ngai a.
40Martha ruok chu rawngbâwl ngawtin a buoi hle a; chuongchun, a kuomah a hung a, “Lalpa, ka zuorpuinu hin keia khât chau rawng bâwl dinga a mi dânde hi pawi i ti naw am a nih? mi ṭhangpui dingin hril raw khai,” a ta.
41Chun, Lalpain, “Martha, Martha, thil tamtak i ngaituoa i buoi a ni hi,
42thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.
Currently Selected:
LUKA 10: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
