JOHAN 21

Inchûktir pasarihai kuoma Isu ân lâr

1Chun chu hnunga chun, Tiberi dîlah Isu a inchûktirhai kuomah ân lâr nâwk a; hieng ang hin ân lâr;

2Simon Peter hai, Thoma#Thoma (Ar.), Didum (Gk.) “inphîr” tina ve ve. (Didum an ti bawk) hai, Galili rama Kana khuoa mi Nathanael hai, Zebedai naupahai pahni, a închûktirhai pahni dang leh an um khâwm a.

3 # Lk 5.5 Simon Peter chun an kuomah, “Nga manin ka fe ding a nih,” a ta. Anni chun a kuomah, “Keini khawm i kuomah hung vêng kan tih,” an ta. An fe suok a, lawngah an chuong a; chu zân chun iengkhawm an man nawh.

4Chun, khawfing chatin Isu ṭieuphoah a ngîr a; nisienlakhawm, a închûktirhai chun Isu a nih ti an hriet si nawh.

5Chun, Isûn an kuomah, “Nauhai, iengkhat fâk ding in nei am?” a ta. Anni chun a kuomah, “Nei lo,” an ta, an dawn a.

6 # Lk 5.6 Ama chun an kuomah, “Lawng sîr changtieng khan lên dêng unla, hmûng in tih,” a ta. Chun, an dêng a, nga tam lei chun an kei dawk zo ta naw a.

7Chuongchun, inchûktir Isûn a ihmangai khan Peter kuomah, “Lalpa a ni saw,” a ta. Chuongchun, Lalpa a nih ti Simon Peter chun a hriet phingleh, a silfên ân bel a, (ruoka#“ruok” ti hi saruok hlawl ni lovin, a zakuo chung inbel lova um tina a nih. um a ni si a,) dîlah ân châwm thla ta a.

8Nisienlakhawm, inchûktir danghai chun lawng chîna chun, lên nga puma hnûk pei pum chun an hung pan a, (khawmuola inthawkin a hla si naw a, tawng za hni amani chau a nih).

9Chun, khawmuola an suok phingleh, chutaka chun meihawla mei insêm an hmu a, a chunga nga le beiphêk raw leh.

10Chun, Isûn an kuomah, “Tuhin in nga man kha a ṭhen hung la ro,” a ta.

11Chuongchun, Simon Peter a va chuong a, lên chu nga lien tak taka sipin khawmuolah a hnûk dawk a, za le sâwmnga le pathum a nih; chuong zât zât um sien khawm lên chu ân ek si nawh.

12Chun, Isûn an kuomah, “Zîngbu hung fa ro,” a ta. Inchûktirhai laia tukhawmin a kuomah, “Tu am i na?” tiin an indawn ngam nawh, Lalpa a nih ti an hriet leiin.

13Chun, Isu a hung a, beiphêk chu a lâk a, an kuomah a pêk a, ngahai khawm chu chuong ang bawkin a pêk a.

14Chu chu Isu mithi laia inthawka a thonâwk hnunga a închûktirhai kuoma ân lâr a vawi thumna a nih.

Isu le Peter

15Chun, zingbu an fâk zoin, Isûn Simon Peter kuomah, “Simon, Johan naupa, hienghai nêk hin nangin kei i mi hmangai lem am?” a ta. Ama chun a kuomah, “Aw, Lalpa, ka ngaina che ti i hriet,” a ta. Ama chun a kuomah, “Ka berâmtehai châwm rawh,” a ta.

16A vawihninaah, a kuomah, “Simon, Johan naupa, nangin kei i mi hmangai am?” a ti nâwk a. Ama chun a kuomah, “Aw, Lalpa, ka ngaina che ti i hriet,” a ti nâwk a. Ama chun a kuomah, “Ka berâmhai enkawl rawh,” a ta.

17A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

18Titakzetin, titakzetin ka hril che, i naupang lai khan i kâwngah în khit a, i nuomna tieng tieng i fe hlak; nisienlakhawm, i upat pha i kuthai phar i ta, mi dangin khitpêk an ti che a, i nuom nawna tieng kei an ti che,” a ta.

19Chuong thu chu ienganga thiin am Pathien a chawimawi ding ti inhriettirna dingin a hril a nih. Chun, chu chu a hril zoin a kuomah, “Mi zui rawh,” a ta.

Inchûktir a ihmangai chu

20 # Jn 13.25 Chun, Peter chu a ngha a, Isûn inchûktir a ihmangai, zânbu fâk laia a âwm hnenga hung thlea, “ân mantirtu ding che chu tu tak am nîng a ta?” titu khan a hung zui a hmu a.

21Peterin ama chu a hmu chun Isu kuomah, “Lalpa hi mipa hin ieng am thâwng a ta?” a ta.

22Isûn a kuomah, “Ka hung nâwk chena um zing dingin dit lang lem chu, chu chu ienga i hmang ding am a na? Nangin mi zui el rawh,” a ta.

23Chuongchun, chu inchûktir chu thi naw dingin a thu unauhai lai ân thang ta a. Nisienlakhawm, Isûn thi naw ni ti a kuomah a hril si nawh, “Ka hung nâwk chena um zing dingin dit lang lem chu, chu chu ienga i hmang ding am a na?” a ti el a ni si a.

24Chu inchûktir chu hieng thu ziektu le inhriettirtu hi a nih; a thu inhriettir hi indiktak a nih ti ei hriet.

25Chun, hieng naw khawm hi Isu thilthaw dang tamtak a la um, chuongchu ziek fai vawng ding ni sien, lekhabu ziek ding po po chu khawvêla khawm hin inlengin ka ring nawh.

Currently Selected:

JOHAN 21: HMOVBSI

Highlight

Copy